Arquivos da etiqueta: Miguel Anxo Fernán-Vello

A Coruña: actividades do mércores 3 na Feira do Libro

Publicado o por

Estas son as actividades destacadas do mércores 3 de agosto dentro da 40º edición da Feira do Libro da Coruña, que se desenvolve nos Xardíns de Méndez Núñez até o 10 de agosto, con horarios de 11:00 a 14:00 h., e de 18:00 a 22:00 horas:

– 19:00 h. Presentación do libro Todo é silencio, de Manuel Rivas, publicado en Xerais. No acto acompañará ao autor o músico Rómulo Sanjurjo e Manuel Bragado.
– 20:00 h. Presentación da novela negra Pegadas nun labirinto baleiro, de Xosé Manuel García López, publicada por Baía Edicións.
– 20:30 h. Miguel Anxo Fernán-Vello asina exemplares do poemario Territorio da desaparición (edición bilingüe castelán e galego), publicado por Huerga y Fierro Editores.
– 21:00 h. Presentación do libro Como defenderes os teus dereitos lingüísticos, de Carlos Callón, publicado en Xerais, coa participación do autor, acompañado por Xabier P. DoCampo, Fran Rei e Manuel Bragado.

A Coruña: recital poético en Homenaxe á Torre de Hércules

Publicado o por

O martes 12 de xullo, ás 19:30 horas, na Sala de Exposicións do Palacio Municipal (Praza de María Pita) da Coruña, terá lugar un recital poético en Homenaxe á Torre de Hércules, coa participación de: Ánxeles Penas, Luz Pozo, Eva Veiga, Xavier Seoane, Miguel Anxo Fernán-Vello, Xulio L. Valcárcel, Olga Patiño, Francisco X. Fernández Naval, Miguel Mato, Diana Varela e Dores Tembrás.

Santiago: “Concentración en defensa do galego nos medios de comunicación”

Publicado o por

A Mesa pola Normalización Lingüística chama a toda a sociedade a participar dunha concentración de urxencia esta segunda feira (luns) 4 de xullo, ás 20 horas, na Praza do Toural de Santiago en demanda da presenza da lingua galega nos medios de comunicación. A recente desaparición do xornal Galicia Hoxe no seu formato impreso únese á irreparábel perda colectiva que xa supuxo a desaparición de Vieiros, A Nosa Terra no seu formato impreso, GzNación ou A Peneira. Para alén dun revés para as aspiracións á normalidade da nosa lingua, A Mesa valora estas perdas como un duro golpe á liberdade de expresión e ao dereito a unha información plural e feita desde unha perspectiva galega. O acto reivindicativo en favor do galego nos medios concluirá coa lectura dun pequeno manifesto a cargo do poeta e editor Miguel Anxo Fernán-Vello.

Santiago: presentación de As crebas, de Miro Villar

Publicado o por

O mércores 22 de xuño, ás 20:00 h., na Libraría Couceiro de Santiago de Compostela, preséntase o libro As crebas, de Miro Villar, publicado en Espiral Maior. No acto, acompañando ao autor, estarán Miguel Anxo Fernán Vello, Francisco X. Fernández Naval e Francisco Fernández Rei.

Xavier Rodríguez Barrio gaña o Premio de Poesía Cidade de Ourense, con Calado testamento

Publicado o por

O escritor Xavier Rodríguez Barrio converteuse no gañador do XXVII Premio de Poesía Cidade de Ourense coa obra Calado testamento. O galardón está dotado con 6.000 euros e implica a publicación do libro coa editorial Espiral Maior. O xurado, integrado por Miguel Anxo Fernán-Vello, Soedade do Muíño, Fernando de Castro Blanco, membro do Grémio Literário de Vila Real e Edelmiro Vázquez Naval, emitiu o seu veredicto sobre as 48 obras presentadas a esta edición. (Xornal, La Voz de Galicia, La Región, El Progreso, Cultura Galega).

Rianxo: presentación de O sol da tristeza, de Fidel Vidal

Publicado o por

O venres 27 de maio, ás 20:30 h., no Auditorio de Rianxo, preséntase o ensaio O sol da tristeza. A figura do pai na obra de Manuel Antonio, de Fidel Vidal, publicado en Espiral Maior. No acto, no que  se presenta tamén un novo número de A Voz de Barbantia, participan, acompañando ao autor, Miguel Anxo Fernán-Vello, Xosé Luís Axeitos, Milagros Torrado e Pedro Piñeiro.

Vilaboa (Culleredo): presentación de A frecha azul do teixo, de Eva Veiga

Publicado o por

O mércores 18 de maio, a partir das 20:00 h., na Biblioteca de Poesía Uxío Novoneyra (Pazo de Vila Melania, Vilaboa, Culleredo), preséntase o libro de poemas A frecha azul do teixo, de Eva Veiga, publicado en Espiral Maior. No acto intervirán, coa autora, Miguel Anxo Fernán-Vello, Celestino Poza e Carlos Pereira.

A Coruña: Festa do Libro, actividades do venres 13 de maio

Publicado o por

Comeza unha nova edición da FESTA DO LIBRO, do venres 13 ao martes 17 de maio nos Xardíns de Méndez Núñez da Coruña, organizada pola Concellaría de Cultura e a Agrupación de Libreiros da cidade, con horarios de 11:30 a 14:00 e de 17:30 a 21:30 horas. Este é o programa de actividades para o venres 13: PROGRAMA ACTIVIDADES FESTA DO LIBRO MAIO 2011:

* Venres 13:
– 11:30 h.- Inauguración da Festa do Libro.
– 18:00 h.- Presentación do DVD Lois Pereiro realizado polo alumnado do IES Urbano Lugrís e coordinado por Xulia Rodríguez Abella. No Kiosco Alfonso.
– 18:00 h.- Sinatura por parte de Mercedes Queixas Zas dos libros Lois Pereiro. A urxencia poética dun futuro alleo, publicado en Laiovento, e Vivir, aventura irrepetíbel. Biografía de Mª do Carme Kruckenberg, publicado en Galaxia. No posto das Bibliotecas Municipais.
– 19:00 h.- Presentación do libro Futuro imperfecto, de Xulia Alonso. Participan Víctor F. Freixanes, Fran P. Lorenzo, Elena Pernas e a propia autora. No Kiosco Alfonso.
– 20:00 h.- Presentación do libro de Antón Patiño Lois Pereiro. Radiografía do abismo, publicado en Espiral Maior. Conferencia do autor e proxección de imaxes sobre a figura de Lois Pereiro. Intervirá, co autor, Miguel Anxo Fernán Vello. No Kiosco Alfonso.