O 27 de novembro, ás 19:30 h., na A. C. Alexandre Bóveda (Rúa Santo André, 36, 1º), na Coruña, preséntase o audiovisual Doe o Courel, de Xacobe Meléndrez Fassbender. Esta obra incorpora a voz de dous poetas, Helena Villar Janeiro e Uxío Novoneyra (gravación histórica), cunha música realizada específicamente para o documental, “Vento do Courel”, pola cellista Jimena Andión e o tema “Doce campanadas” de Diego Vasallo. Ao finalizar a proxección terase un debate coa presenza do realizador, Xacobe Meléndrez. A inscrición pode facerse aquí.
Arquivo da categoría: Música
Crónica fotográfica da Gala dos Premios Mestra e Mestre da Memoria 2024
A Gala dos Premios Mestra e Mestre da Memoria 2024, actividade da AELG, contou co apoio da Área de Cultura, Turismo e Promoción da Lingua do Concello de Lugo. A Sección de Literatura de Tradición Oral da AELG propuxo ao Consello Directivo da Asociación de Escritoras e Escritores en Lingua Galega recoñecer como Mestra e Mestre da Memoria 2024 respectivamente a Camiño Noia Campos e Henrique Peón, polas súas achegas á mesma ao longo das súas vidas, contribuíndo así a manter viva unha parte fundamental da nosa memoria colectiva e o saber popular.
As distincións entregáronse no marco da IX Gala dos Premios Mestras e Mestres da Memoria, a celebrar en Lugo, co apoio do Concello de Lugo, que terá lugar o 18 de outubro, no Centro Cultural Vello Cárcere (Praza da Constitución, s/n).
No acto, conducido por Eva Teixeiro, participaron Cesáreo Sánchez Iglesias, presidente da AELG, Antonio Reigosa, quen lerá a laudatio de Camiño Noia Campos, e Pilar García Negro, quen lerá a laudatio de Henrique Peón Mosteiro, co acompañamento musical de Su Garrido Pombo e coa intervención de Celso Fernández Sanmartín.
Poden verse a continuación varias fotos do acto, podendo consultarse a crónica fotográfica completa aquí.
Ferrol: presentación de As músicas interrompidas. Balboa, Macías, Viaño
Ourense: presentación de O segredo do trasno, de Alexandre Corbillón
Crónica videográfica do recital poético-musical “A Coruña: Luísa Villalta. A auséncia que sustenta a vida” (2)
Luísa Villalta. A auséncia que sustenta a vida. Recital poético-musical foi unha actividade da AELG, co apoio de CEDRO e o Concello da Coruña, que tivo lugar o 25 de setembro, ás 19:30 horas, no Teatro Rosalía de Castro da Coruña, coa que celebramos a vixencia da figura de Luísa Villalta cun recital poético-musical, vinte anos despois do seu pasamento, na secuencia das homenaxes que tiveron lugar en 2004 e 2014.
O acto, conducido por Cesáreo Sánchez Iglesias e Beatriz Maceda, contou coas interpretacións musicais de Florian Vlashi e César Morán, e a intervención, lendo textos de Luísa Villalta, de Ana Romaní, Antía Otero, Daniel Asorey, Estíbaliz Espinosa, Eva Veiga, Francisco X. Fernández Naval, Henrique Rabuñal, Marga do Val, Marica Campo, Marta Dacosta, Miro Villar e Pilar García Negro.
Aquí pode verse a segunda parte da crónica videográfica, dispoñíbel aquí.
– Segunda parte do recital poético e intervención musical de César Morán:
A Coruña: “Ritos de resistencia”, recital multidisciplinar do Grupo Ouriol con poemas de Luísa Villalta
Sobredo: Homenaxe aos mártires de Sobredo 2024
Crónica videográfica do recital poético-musical “A Coruña: Luísa Villalta. A auséncia que sustenta a vida” (1)
Luísa Villalta. A auséncia que sustenta a vida. Recital poético-musical foi unha actividade da AELG, co apoio de CEDRO e o Concello da Coruña, que tivo lugar o 25 de setembro, ás 19:30 horas, no Teatro Rosalía de Castro da Coruña, coa que celebramos a vixencia da figura de Luísa Villalta cun recital poético-musical, vinte anos despois do seu pasamento, na secuencia das homenaxes que tiveron lugar en 2004 e 2014.
O acto, conducido por Cesáreo Sánchez Iglesias e Beatriz Maceda, contou coas interpretacións musicais de Florian Vlashi e César Morán, e a intervención, lendo textos de Luísa Villalta, de Ana Romaní, Antía Otero, Daniel Asorey, Estíbaliz Espinosa, Eva Veiga, Francisco X. Fernández Naval, Henrique Rabuñal, Marga do Val, Marica Campo, Marta Dacosta, Miro Villar e Pilar García Negro.
Aquí pode verse a primeira parte da crónica videográfica, dispoñíbel aquí.
– Discurso de presentación de Cesáreo Sánchez Iglesias, presidente da AELG:
– Intervención musical de Florian Vlashi:
– Primeira parte do recital poético e intervención musical de César Morán:
Compostela: presentación de Desaparecer, de Pilar García Rego
Carballo: presentación de Anos 80. Movida, Atlantismo, Vangardismo, Underground, de Fernando Fernández Rego
