Entrevista
de Daniel Salgado a Suso de Toro en Sermos Galiza:
“Suso de Toro (Santiago de Compostela, 1956) regresa, de forma regular, á prensa galega. Faino coa sección Cinco Feiras, que publicará cada día da semana no dixital Sermos Galiza. A piques de estrear novela –Fóra de si, en Xerais- despois de sete anos de silencio, tamén cociña un ensaio sobre as razóns da literatura. “Non sei estarme quieto”, confesa divertido. (…)
– Sermos Galiza (SG): Xa rematou a súa novela de retorno á literatura?
– Suso de Toro (SdT): Está rematada, si. Pero non lle dou moita importancia. Ao interromper a escrita [Suso de Toro anunciara hai case oito anos que abandonaba a súa carreira literaria], non teño programa estético. Mais é unha novela moi miña. E o editor [publicaraa Edicións Xerais] está contento.
– SG: Ten título?
– SdT: Ten: Fóra de si. Despois de que saia en galego, aparecerá en castelán -traducina eu mesmo- e en catalán.
– SG: Por que volveu escribir e publicar ficción?
– SdT: Para me divertir. Polo mesmo polo que empezo esta sección no Sermos. E porque realmente me gusta, non paran de ocorrérseme historias e desafíos literarios. A xente non sabe que os que escribimos estamos infectados, colonizados, de linguaxe. E que nos tranformamos ao escribir. Tampouco sei estarme quieto, claro.”
Arquivo da categoría: Narrativa
Compostela: presentación de Bótame deste mar fóra, de X. Ricardo Losada
Compostela: Noite de Música e Palabra Solidaria Implícate 2018
Cris Pavón preséntanos Limiar de conciencia
Desde 
o Zig-zag da Televisión de Galicia:
“Unha voz, neste caso unha voz artificial lenos unhas frases da primeira novela galega protagonizada por unha computadora: Limiar de conciencia, da escritora Cris Pavón. O libro, publicado pola Editorial Urco, narra unha historia creada pola propia máquina. A entrevista pode verse aquí.”
A Coruña: presentación de Invisibles, de Montse Fajardo
Vídeo da presentación de Luns, de Eli Ríos, en Vigo
A Coruña: presentación de As mans da terra, de Laura Rey Pasandín
Tabela dos libros. Xaneiro de 2018
Desde o blogue Criticalia, de Armando Requeixo:
“Cos primeiros do mes, chega a nova Tabela dos Libros que ofrece a lista de títulos que Francisco Martínez Bouzas, Inma Otero Varela, Mario Regueira, Montse Pena Presas e eu estimamos como os máis recomendables entre os publicados nas últimas semanas.”
Berta Dávila, autora de A pel do mundo
Desde
Chamando á Terra, da Radio Galega:
“Escoitamos na voz de Pepe Carreira un cachiño do libro A pel do mundo, que edita Galaxia, e falamos coa súa autora Berta Dávila. Pode escoitarse aquí.”
Alma e o mar, unha novela de Francisco Fernández Naval
Desde
o Diario Cultural da Radio Galega:
“”É o maior reto da miña experiencia literaria”, di o autor. Esta publicación de Galaxia aborda as violencias contras as mulleres. A entrevista pode escoitarse aquí.”
