“O 
Camões Instituto da Cooperação e da Língua e a organização da X Mostra Portuguesa em Espanha convidaram o jovem escritor João Tordo para uma sequência de encontros com o público leitor galego:
– 29 de novembro, 18:00 h. – Casa de Arines, Vigo.
– 30 de novembro, 12:00 h. – Sala 1.5, Universidade da Corunha.
– 30 de novembro, 19:00 h. – Biblioteca Ánxel Casal, Santiago de Compostela.
– 1 de dezembro, 16:30 h. – Salón, Culturgal, Pontevedra.”
Arquivo da categoría: Palestras
O Consello da Cultura Galega inaugurou en Sâo Paulo a exposición Valentín Paz-Andrade, unha antena galega no Brasil
“O 
presidente do Consello da Cultura Galega, Ramón Villares, inaugurou na Casa Guilherme de Almeida, en Sâo Paulo (Brasil) a exposición Valentín Paz-Andrade, unha antena galega no Brasil, en colaboración co Governo do Estado de São Paulo e a Secretaria de Cultura paulista. A mostra poderá contemplarse ata o 30 de decembro. A exposición repasa a actividade de Valentín Paz-Andrade (1898-1987), avogado, xornalista, especialista en economía pesqueira, poeta, ensaísta e político activo no compromiso democrático, republicano e galeguista. Figura sobranceira da Galicia do século XX, á quen este ano se lle dedicou o Día das Letras Galegas, foi tamén dos primeiros en tender pontes coa lusofonía, e nomeadamente co Brasil, reivindicando a Guimarães Rosa e Guilherme de Almeida como autores que valorizan a literatura galega. Sobre os contidos da exposición, a biografía de Valentín Paz-Andrade e as relacións entre Galicia e Brasil falou despois na Casa Guilherme de Almeida o presidente do Consello da Cultura Galega, Ramón Villares, quen describiu ao autor de Galicia como tarea como “persoa de reflexión pero tamén de acción, unha figura singular no panorama da cultura e da política galegas do século XX, autor dunha inxente e innovadora obra”.” Desde o Consello da Cultura Galega.
Lugo: xornada dedicada á vixencia de Castelao na arte e no pensamento galego
Martes 27 de novembro
– 18:00 h. Presentación a cargo de Mario Outeiro, deputado delegado da Área de Cultura e
Turismo da Deputación de Lugo.
– 18:10 h. Táboa redonda con Xoán Carlos Garrido Couceiro e Pilar García Negro: VIXENCIA DE CASTELAO: NA ARTE, NO PENSAMENTO GALEGO.
– 19:00 h. Debate.
– 19:30 h. A restauración da obra en papel de Castelao no Museo Provincial de Lugo, por Blanca Besteiro García.
– 20:00 h. Visita técnica guiada á nova disposición da sala monográfica de Castelao a cargo da directora do MPL, Aurelia Balseiro García.
– No Museo Provincial de Lugo.
– Aforo: 80 asistentes.
– Información e contacto: direccion@museolugo.org Tlfno: 982 242 112 (Museo Provincial de Lugo).
São Paulo: conferencia de Iolanda Zúñiga sobre Periferia
“A 
escritora Iolanda Zúñiga impartirá o luns 26 de novembro unha conferencia no Instituto Cervantes de São Paulo, Brasil, sobre a súa novela Periferia. A actividade, promovida polo Consello da Cultura Galega, devolve a escritora ao escenario do que partiu a novela, que foi gañadora do Premio Xerais en 2010. Periferia foi considerada pola crítica unha das novelas máis innovadoras da literatura galega dos últimos tempos. (…)”. Desde Xerais.
Barcelona: conferencia O novo e o vello na literatura, por Miguel Anxo Murado
O 
luns 26 de novembro, ás 13:00 horas, na Aula 113, Edifici Històric, da Facultat de Filologia da Universitat de Barcelona (Gran Via de les Corts Catalanes), terá lugar unha conferencia de Miguel Anxo Murado sobre O novo e o vello na literatura, organizada por Estudis Gallecs i Portuguesos.
Vimianzo: II Xornadas sobre a figura do crego liberal don Juan Antonio Posse
O venres 23 e sábado 24 de novembro celébranse as II Xornadas sobre a figura do crego liberal don Juan Antonio Posse na Casa da Cultura de Vimianzo, organizada polo Semescom. Máis información en Que pasa na Costa.
A Estrada: Transcendencia do Himno Galego, conferencia de Xosé Neira Vilas
Madrid: conferencia Ser escrit@r, con Francisco Castro
O 
martes 20 de novembro, ás 19:30 horas, no Espazo das Linguas Ibéricas (Auditorio Ambrosio Morales da Universidade de Alcalá, C/ Eloy Gonzalo, 3-5) de Madrid, Francisco Castro dará unha conferencia sobre o tema Ser escrit@r.
Santiago: conferencia de Helena Villar sobre Rosalía de Castro
O 
luns 19 de novembro, ás 20:00 horas, no Ateneo de Santiago (Rúa do Vilar, 19), Helena Villar pronunciará unha conferencia sobre Rosalía de Castro.
O 25 de novembro coñeceranse as novelas finalistas da XXX edición do Premio de Novela Longa Blanco Amor
O 
xurado encargado de fallar esta edición do Premio Blanco Amor está formado pola Concelleira de Cultura e Deportes, Rocío A. Bértoa Puente, que actúa como Presidenta e polos escritores e críticos literarios Xosé Mª Dobarro Paz, Miro Villar, Manuel Lourenzo González (último gañador do Blanco Amor) e Marga Romero, actuando como secretario, con voz pero sen voto, o coordinador técnico desta edición do Premio, Daniel Romero. Publicadas as novelas finalistas, o xurado dará a coñecer a novela gañadora e as razóns deste merecemento nun acto que terá lugar o vindeiro 1 de decembro, ás 21:00 horas, no local da SCRD Agarimo de Sillobre, acto no que se procederá á entrega do Premio e que contará coa actuación do grupo de jazz Cool Hamster.
En paralelo aos labores do xurado, o Concello de Fene, organizador desta edición do Blanco Amor, prosegue co ciclo de actividades programadas ao redor do propio Premio e da figura de Blanco Amor.
Eis, no ciclo de faladoiros con gañadores do Blanco Amor, o 15 de novembro, ás 19 h visitará a Biblioteca Municipal Xesús Rábade Paredes, nun faladoiro conducido por Verónica Martínez Delgado e o 22 de novembro, á mesma hora, o faladoiro con Inma López Silva estará conducido por Mercedes Queixas.
O 23 de novembro, ás 20:30 h, o CCRD de Perlío acollerá a rememoración da única homenaxe en vida a Blanco Amor que organizara o Círculo de Perlío o 10 de decembro de 1976. A rememoración consistirá na estrea da obra de Don Eduardo O cantar dos cantares, a cargo do grupo de teatro Xosemaría Pérez Parallé, do CMI Unidade de Fene, dirixido por Carlos Basoa.
Tamén até o 23 de novembro pode visitarse na Casa da Cultura de Fene a Exposición-homenaxe a Blanco Amor. Dezaoito ilustradores/as de primeiro nivel participan nesta exposición promovida polo Museo do Humor de Fene e comisariada polo debuxante Siro López. Compoñen a mostra orixinais de Aida Alonso, Almudena Aparicio, Calros Silvar, Dani Padrón, Idoia de Luxán, Nacho Hortas, Pablo Otero, Pinto e Chinto, Xan Carpente, Xosé Cobas, Xosé Lois, Siro Lopez Lorenzo, Santy Gutiérrez, Michel Casado, Augusto Metztli, Gonzalo Vilas, Jaime Asensi e Miki.
