Desde a AELG manifestamos o noso profundo pesar polo pasamento de Xosé Manuel Beiras, cunha extensa traxectoria de enorme altura como economista, político e intelectual, cuxa obra escrita atravesou diversos campos creativos, sendo os máis coñecidos os do ensaio e a tradución, aínda que tamén se achegou á narrativa e á poesía.

Na páxina web da AELG poden verse as entrevistas e obra lida polo autor na súa propia voz, das que destacamos esta extensa entrevista sobre a súa faceta de escritor, guiada por Xosé María Álvarez Cäccamo.

O seu compromiso co país foi central durante toda a súa vida, participando en numerosas iniciativas, entre as que destacamos a súa presenza crucial no Consello Directivo da Asociación entre 1982 e 1986.

Lembramos aquí a Homenaxe O Escritor na súa Terra – Letra E dedicada á súa figura en 2025, en Santiago de Compostela.

Por indicación da familia, as persoas que desexen renderlle unha última homenaxe poderán facelo na sala de despedida instalada no Museo do Pobo Galego, en Santiago de Compostela, que permanecerá aberta desde as 12:00 horas do venres 9 de outubro, convidando a participar no acto público de homenaxe, aberto á cidadanía, que se vai celebrar o día 9 ás 16:00 horas no propio Museo do Pobo Galego.