Arquivo da categoría: Homenaxes
Vigo: homenaxe a Francisco Fernández del Riego
O 
venres 14 de xaneiro, ás 19:30 h, na sala de conferencias do Centro Social Novacaixagalicia (Rúa Policarpo Sanz, 24-26) de Vigo, terá lugar unha homenaxe a Francisco Fernández del Riego, organizada pola Fundación Penzol e a Editorial Galaxia. Participarán na homenaxe, para a que se están a recibir numerosas adhesións, Ramón Villares, Xosé Luís Méndez Ferrín, Manuel Bragado, os académicos Xosé Luís Franco Grande e Xesús Alonso Montero, a filóloga e investigadora Malores Villanueva, Marián Vidal, directora técnica da biblioteca e arquivo Penzol, Benxamín Casal e Alfonso Zulueta de Haz (vicepresidente da Fundación Penzol). Antón Pulido entregaralle á Fundación Penzol unha copia do retrato de don Paco que no seu día o pintor realizou para a Real Academia Galega. Tamén se proxectará un vídeo de carácter biográfico realizado por Félix Vidal, mentres que Rosa Aneiros, premio de xornalismo Fernández del Riego, escribiu Unha Alba de Gloria para Fernández del Riego. O acto estará conducido por Víctor Freixanes. Crónica posterior en Galicia Hoxe e La Voz de Galicia.
Ferrol: exposición-homenaxe a Ricardo Carvalho Calero, organizada polo Concello
Celebracións do centenario de Álvaro Cunqueiro
Baiona: homenaxe a Fernando Pérez-Barreiro
(Galicia Hoxe, Xerais, La Voz de Galicia, Xornal). Crónica posterior en La Voz de Galicia e Xerais.
A Estrada: conmemoración dos 50 anos de publicación de Memorias dun neno labrego, de Xosé Neira Vilas
O 
mércores 5 de xaneiro, a partir das 11:00 h., no Museo da Madeira e do Moble da Estrada, terá lugar o acto de conmemoración dos 50 anos da publicación de Memorias dun neno labrego, de Xosé Neira Vilas, en Buenos Aires, que contará coa participación do propio autor, de representantes da editorial Galaxia e da Xunta de Galicia, e de persoeiros do mundo das letras e da cultura de Galicia. Nova recollida tamén en Galicia Hoxe e Galiciaé. Crónica posterior en Xornal, Galicia Hoxe e La Opinión.
A comarca de Barcala rende homenaxe ao poeta Xosé Manuel López Ardeiro
A Xunta lembra a modernidade e a vertente social da obra de Rosalía
A Real Academia Galega e a Deputación de Lugo realizan unha homenaxe a Lois Pereiro
A Coruña: Homenaxe da Real Academia Galega a Luís Seoane no seu centenario
O sábado 
18 de decembro, no Cemiterio de Santo Amaro da Coruña, a partir das 12:30 h., e con acceso libre, levarase a cabo unha homenaxe pública da Real Academia Galega a Luís Seoane no seu centenario e a todos os galegos ilustres soterrados neste cemiterio. Toda a información neste arquivo .pdf: Homenaxe da RAG a Seoane e galegos ilustres en San Amaro. O acto está organizado en colaboración coa Concellaría de Cultura e a Fundación Caixa Galicia.
Pola tarde, ás 19:30 h., na Fundación Caixa Galicia (Cantón Grande) da mesma cidade, desenvolverase unha mesa redonda sobre “Cen anos de Luís Seoane”, coa participación de José Luis Méndez López, Xosé Luís Méndez Ferrín e Xosé Luís Axeitos.
Nova recollida en Galicia Hoxe, Xornal, El País e La Voz de Galicia.
