Amigos dos Museos de Galicia concede o Premio Pedra do Destino ao Museo do Pobo Galego
“O 17 de maio, Día dos Museos, no espazo cultural Portas Ártabras, de Amigos dos Museos de Galicia, este colectivo, pioneiro en Galicia, deu a coñecer o Premio Pedra do Destino, que neste ano estimaron conceder ao Museo do Pobo Galego de Santiago, pola súa necesidade de ser, constancia e saber nos fíns e na profesionalización destas institucións. O premio nesta ocasión consistirá nun gran cartel de cego, orixinal, dos primeiros anos do sc. XX, rescatado no mercado de antiguidades. Entrega que se efectuará no outono. Finalmente, Felipe-Senén insistiu no papel dos museos, como necesario complemento da educación, onde recobrar o diálogo, a igualdade e a liberdade pola paz. Cun refrixerio enxebre e brindis polo mellor futuro para os museos, convidouse aos numerosos asistentes a visitar museos.”
Vigo: presentación de Xogar coa pólvora: a educación das mulleres e as mulleres como educadoras, de Narciso de Gabriel
Malpica: acto central do Día das Letras Galegas 2025
Ribas de Sil: presentación de Vestidos de organdí, de Pura Tejelo
Marín Vila do Libro 2025
Boiro: XIV Romaría das Letras no Barbanza
Pontedeume: Cortexo cívico polo Día das Letras Galegas 2025
Antonio Tizón presenta Coplas analfabetas en Magalofes, Fene
Desde Radiofusión:
“O escritor Antonio Tizón presenta este domingo 18 de maio en Magalofes (Fene) o seu libro-disco Coplas analfabetas. Eugenia Sanmartin, o dúo Barahunda, Davide Salvado e Carmen Penim interpretan as cancións incluídas no volume. Aprovéitase a biografía para o relato, pero sempre a través do filtro da literatura. A vocación literaria de Antonio Tizón débella, en boa medida, á súa avoa, María Dominga Cordeiro García (1900-1993), que era analfabeta pero gardaba na súa memoria prodixiosa centos de coplas, que lle recitaba e lle cantaba dende moi neno, cando sentaba con ela ao lado dereito da súa cama.
A esta muller, a quen sempre chamaba madriña, está dedicado este libro disco, Coplas analfabetas. Presentación, ás cinco da tarde do domingo no local veciñal de Magalofes. Despois actuarán as Xirifeiras. As Letras Galegas en Magalofes comezarán co teatro do grupo Licor Café de Cabanas o venres 16 ás nove da noite. O sábado 17 haberá un xantar veciñal. “
Fisterra: presentación de Nao cetácea, de Xosé Iglesias
