Como auga en copa de cristal tallado é o título da conferencia que ofrece Fina Casalderrey o 26 de outubro, a partir das 10:30 horas, ao alumnado da Escola Universitaria CEU de Maxisterio (Estrada de Madrid, 8, en Vigo).
A AELG colabora con esta actividade ao abeiro do convenio coa Secretaría Xeral de Política Lingüística.
O Obradoiro de creación literaria Manual de latexo e enxerto, impartido por Patricia Torrado Queiruga, cunha sesión especial con Andrea Fernández Maneiro, é unha iniciativa da Escola de Escritoras-es da AELG, actividade subvencionada pola Deputación da Coruña, coa colaboración do Concello de Ribeira.
Cando unha se dedica á escrita, coma á xardinaría, non serve só con saber a teoría ou posuír os útiles adecuados para arremangarse e poñerse ao choio. Primeiro de nada deberemos saber en que medio nos atopamos máis cómodas para logo ir artellando cada un dos latexos e enxertar novas variantes.
Neste obradoiro atoparemos latexos diversos, sementaremos microrrelato, poesía e relato e logo iremos vendo que é o que agroma en cadaquén.
Terá lugar no Centro Social Oleiros, de Ribeira (Lugar Eirexa, 5, Oleiros, Ribeira).
Hai 20 prazas para persoas maiores de 16 anos. A inscrición, gratuíta, pode realizarse, indicando nome e apelidos, no correo electrónico oficina@aelg.org.
Calendario e horarios
– Sábados 30 de setembro; 7, 14, 21 e 28 de outubro; e 4, 11 e 18 de novembro de 2023, de 10:30 a 13:00 h.
Información sobre protección de datos
A responsábel do tratamento é a Asociación de Escritoras e Escritores en Lingua Galega. A finalidade do tratamento é a prestación do servizo que se detalla na solicitude ou actividade organizada. A base legal do tratamento é o cumprimento dunha obriga contractual na prestación dun servizo. Os seus datos conservaranse unicamente durante os prazos de prescrición legalmente aplicábeis. Pódense comunicar os seus datos a terceiras/os organizadoras/es ou colaboradoras/es da actividade. No caso de solicitar certificado de asistencia, os seus datos comunicaranse ao/á impartidor/a da actividade. Pode acceder, rectificar, suprimir os seus datos e nos casos determinados opoñerse ao tratamento, limitar o seu uso ou portar a outra/o responsábel. Tamén pode solicitar a tutela da Axencia Española de Protección de Datos ou presentar unha reclamación ante a mesma.
En relación coas diversas informacións e opinións aparecidas nos últimos días en varias publicacións nas redes sociais, referidas a feitos nos que a Asociación de Escritoras e Escritores en Lingua Galega (AELG) actuou, cumprindo cos seus obxectivos, a AELG desexa expresar a cronoloxía na que tales feitos se produciron. Esta é a seguinte:
– O 24 de outubro de 2022 recíbese por correo electrónico unha solicitude de Alberto Ramos, escritor e socio da AELG, na que explica que ante a ausencia dun contrato sobre o seu libro recentemente premiado, mais non publicado aínda nese momento, desexa facer unha consulta á asesoría xurídica da AELG.
– Esta solicitude recibe resposta xurídica por parte da persoa que se encarga dese asesoramento o 28 de outubro de 2022. O 8 de novembro de 2022 o autor solicita, mediante correo electrónico, unha aclaración a unha dúbida relacionada coa consulta, que é respondida por parte da asesoría xurídica no mesmo día.
– Na Asemblea Xeral da AELG, realizada presencialmente o 18 de marzo de 2023 en Santiago de Compostela, na quenda de rogos e preguntas, trátase este tema co propio autor, presente na citada asemblea, quen agradece o asesoramento prestado. Estando sen solucionar nesa altura a cuestión contractual que motivou a consulta, e solicitando da AELG o autor interesado que se procure unha solución, o presidente da AELG indica que considera que a mellor maneira de facelo neste caso é poñéndolle de manifesto esta situación á Asociación Galega de Editoras (AGE), como entidade á cal está asociada a editorial da que se solicita o contrato.
– Nas seguintes semanas prodúcese o contacto telefónico entre as presidencias das dúas entidades (AELG e AGE), tendo constancia o presidente da AELG do interese por parte de AGE en buscar unha solución acaída ao caso.
– O 20 de xullo de 2023 a AELG recibe un correo electrónico de Alberto Ramos, onde este solicita facer uso novamente do servizo de asesoría xurídica que lle corresponde como escritor asociado á AELG para que se proceda a unha revisión desde o punto de vista xurídico do contrato que lle achegou a editorial, unha vez estaba xa publicada a obra, despois das xestións realizadas. O 1 de agosto de 2023 ten lugar a resposta da asesoría xurídica ao autor en relación á consulta feita sobre o seu contrato.
Até aquí a cronoloxía dos feitos nos que interveu a AELG en relación con este asunto.
Desde a AELG aproveitamos a ocasión para lembrar que o servizo de asesoría xurídica para temas relacionados coa súa actividade no mundo da escrita está a disposición de todas as escritoras e escritores que forman parte da Asociación. Igualmente, manifestamos o noso firme compromiso coa creación escrita e a súa fundamental achega para a nosa cultura e sociedade, ao tempo que entendemos que debe ser sempre prioritaria a busca das mellores solucións posíbeis en todos os casos que poidan darse, partindo do ineludíbel respecto aos dereitos correspondentes ás escritoras e escritores polo seu traballo.
Finalmente, a AELG quere manifestar o seu compromiso inquebrantábel coas nosas creadoras e creadores, tamén na súa relación cos diferentes axentes do sistema literario galego, promovendo o entendemento entre os mesmos, establecendo canles de comunicación, facilitando a resolución de posíbeis conflitos e contribuíndo ao ben común da nosa lingua e a nosa literatura.
Carlos Durão, narrador, poeta e ensaísta, faleceu este 8 de setembro.
Na web da AELG pode consultarse información diversa sobre a súa obra.
Nasceu em Madrid, de família galega com tradição emigrante (Brasil, Catalunha, Cuba, Venezuela), com a que morou nos primeiros anos em diversas localidades galegas (Escudeiros, Ferrol, a Granha, Guimarei, Riba d’Ávia, Tevra, Vigo, Víncios), o que lhe forneceu clara perspetiva da variedade das falas galegas. Estudou en Vigo (bacharelato), Santiago (começo de estudos universitários) e Madrid (licenciatura de Filosofia e Letras, ramo de germânicas), donde partiu para Londres, em regime de intercâmbio universitário por dous anos, e em situação de exílio até à morte do general Franco. Foi professor de idiomas em colégios ingleses, redator radiofónico no Serviço Espanhol e Português da BBC, e tradutor técnico em organismos britânicos e do sistema da ONU.
Em Londres participou em diversos movimentos dos anos 60, com bascos, catalães, galegos e portugueses; manteve contatos com o derradeiro cônsul da República española, com membros do Conselho de Galiza e com outros exilados.
Em 1970 foi cofundador do Grupo de Trabalho Galego de Londres, que publicava um Boletim para familiarizar os mestres rurais galegos com a primeira Lei do Ensino: ao seu Suplemento contribuíram os professores portugueses Agostinho da Silva e Rodrigues Lapa, e nele fizeram-se uns primeiros ensaios de adaptação de textos galegos à ortografia internacional. O Grupo de Trabalho Galego de Londres publicou um Plano Pedagógico Galego (1971).
Com Guerra da Cal teve uma relação assídua quando este residiu em Londres nos anos 90. Também durante muitos anos com o galeguismo do interior em geral, e mais tarde particularmente com o reintegracionismo.
Como membro do Comité de Cultura do Centro Galego de Londres, organizou durante muitos anos atividades como o Dia das Letras Galegas, o Dia da Pátria Galega, a biblioteca e a revista do Centro, participando também em revistas da emigração, conferências, etc. E deslocou-se para atividades similares a otros centros da emigração galega na Europa (Amesterdão, Genebra, Groninga, Munique). Representou o CGL na IV Reunião da Federação Mundial de Sociedades Galegas da Emigração (Santiago, 1984), no Comité Britânico pró Jacobeu (Londres e Santiago, 1993), e na 1st Oxford Conference on Galician Studies (1991).
Foi correspondente/colaborador das publicações Grial, Teima, A Nosa Terra, Agália, O Ensino, NÓS, Cadernos do Povo, Hífen, membro das Irmandades da Fala, da Associação de Amizade Galiza-Portugal, da Associaçom Galega da Língua, da AELG, e académico da Academia Galega da Língua Portuguesa.
Entre as suas publicações principais: A teima (novela) (1973); Galegos de Londres (romance) (1978); O internado (relato, premiado no 1° concurso “Pedrón de Ouro”, 1975) (1977); O silencio, nós (novela) (1988); Poemas do não (1987); Focagens/Fogagens, sob chancela das IF, 1991; Paralaxes, id., 1994; Prontuário Ortográfico das IF (autor e redator principal) (1984), que introduziu no movimento reintegracionista grafias como “Castelão”, e que forneceu duas palavras específicas galegas para incorporar no Acordo da Ortografia Unificada, de Lisboa, 1990.
A AELG lamenta fondamente a perda dunha das súas Mestras da Memoria, Dorothé Schubarth.
Musicóloga. Natural de Basilea (Suíza), onde comezou os seus estudos que ampliou en Colonia e Múnich. Foi directora de coro e musicóloga. A partir de 1971 ocupou a cátedra de harmonía e contrapunto na Academia de Música de Lucerna (Suíza) e comezou a desenvolver investigacións arredor das músicas populares europeas. Realizou traballos de campo nos Balcáns, no Cáucaso, Alemaña e Francia, cuxo resultado publica no libro Das Volkslied in Europa. Vielfalt seiner Erscheinungsformen (O Canto Popular en Europa. Diversidade das súas formas) (Lucerna, 1978).
En 1978 visitou Galicia para coñecer a nosa música popular, mais o interese polo que aquí descobre fai que se dispoña a realizar un traballo de campo intensivo por todo o país que remata coa publicación da magna obra en 7 volumes que contén a mellor e máis ampla análise, clasificación e estudo da nosa lírica popular, publicada baixo o título Cancioneiro Popular Galego pola Fundación Barrié en 1984.
O Arquivo Sonoro de Galicia conserva 248 CD con copias dixitalizadas das súas gravacións orixinais e coas correspondentes transcricións a cargo do profesor e filólogo Antón Santamarina.
Entre os recoñecementos que se lle fixeron en Galicia están o I Día das Galegas nas Letras en 2014 e o Premio Honorífico 2017 da Asociación de Músicos ao Vivo.
Foi galardoada pola AELG como Mestra da Memoria no ano 2019.
No acto, conducido por Antonio Reigosa, participaron Cesáreo Sánchez Iglesias, presidente da AELG e Antón Santamarina, quen fixo a laudatio de Dorothé Schubarth.
Deixounos o 7 de setembro de 2023.
Segundo palabras de Antonio Reigosa, “Dorothé Schubarth, muller humilde e sabia, merece ser recoñecida de aquí en adiante polas institucións culturais galegas como Mestra da Memoria como fixo a sección de literatura oral da AELG en 2019, pois o seu traballo resulta fundamental para a difusión universal da nosa música popular e do noso cancioneiro tradicional.”
Aquí pode consultarse o fondo videográfico coas participacións de Dorothé Schubarth no Proxecto Polafías, gravados pola Sección de Literatura de Tradición Oral da AELG en 2019; e aquí os correspondentes á Gala do Premios Mestras e Mestres da Memoria 2019.
A AELG lamenta a perda do poeta Xoán Xosé Fernández Abella, quen desenvolveu o seu traballo creativo dunha maneira silenciosa e profunda, sempre entrañábel no seu vínculo co devir colectivo da nosa literatura e da Asociación con afecto e cercanía.
Aquí pode verse a ampla entrevista feita arredor do conxunto da súa obra.
Neste vídeo tamén podemos escoitar o autor recitando o poema Nai, da súa obra Poemas estradenses e catorce poetas máis.
O Obradoiro de creación literaria Unha formiga baixo a cama, impartido por Míriam Ferradáns, cunha sesión especial con Ismael Ramos, é unha iniciativa da Escola de Escritoras-es da AELG, coa colaboración do Concello de Moaña e o patrocinio da Xunta de Galicia.
Unha formiga percorre o chan do cuarto. Sobe polas paredes. Regresa áxil e veloz pola cabeceira e métese baixo a cama. Só é un escuro insecto minúsculo. Un diminuto insecto minúsculo. Entón, por que nos interpela? Que sabe de nós? Da nosa estrañeza? Por que sentimos que se trata dunha sombra que medra?
Quizais só o poema pode atopar a formiga baixo a cama. Quizais debamos intentalo.
Terá lugar na cMo – Casa da Mocidade de Moaña (Rúa María Martín).
Hai 20 prazas para persoas maiores de 18 anos. A inscrición, gratuíta, pode realizarse, indicando nome e apelidos, no correo electrónico oficina@aelg.org
Calendario e horarios
– Sábados 9, 16, 23 e 30 de setembro; 7 e 14 de outubro de 2023, de 10:30 a 13:30 h.
– Sábado 21 de outubro de 2023, de 11:00 a 13:00 h.
Información sobre protección de datos
A responsábel do tratamento é a Asociación de Escritoras e Escritores en Lingua Galega. A finalidade do tratamento é a prestación do servizo que se detalla na solicitude ou actividade organizada. A base legal do tratamento é o cumprimento dunha obriga contractual na prestación dun servizo. Os seus datos conservaranse unicamente durante os prazos de prescrición legalmente aplicábeis. Pódense comunicar os seus datos a terceiras/os organizadoras/es ou colaboradoras/es da actividade. No caso de solicitar certificado de asistencia, os seus datos comunicaranse ao/á impartidor/a da actividade. Pode acceder, rectificar, suprimir os seus datos e nos casos determinados opoñerse ao tratamento, limitar o seu uso ou portar a outra/o responsábel. Tamén pode solicitar a tutela da Axencia Española de Protección de Datos ou presentar unha reclamación ante a mesma.
A Asociación de Escritoras e Escritores en Lingua Galega congratúlase pola aprobación por unanimidade dos tres grupos con representación no Parlamento Galego da lei que permite sacar do limbo xurídico o Panteón de Galegas e Galegos Ilustres, que será xestionado por unha fundación na que terá un papel central o propio Parlamento, e que se identificará como símbolo de Galiza.
Este é o inicio do camiño para que chegue a bo fin a nosa reivindicación de que o Panteón sexa, ademais de accesíbel publicamente e destinado a usos laicos, un espazo civil de titularidade pública, o que vimos defendendo xa desde 2010, cando a AELG celebrou un acto cívico e reivindicativo en lembranza do traslado dos restos mortais de Rosalía de Castro, ao tempo que promoveu que se garantise o acceso público ao Panteón.
Non sería entendíbel que estea en mans privadas un dos símbolos da nación recentemente recoñecidos, polo que resolver esta situación de anomalía histórica é unha necesidade que non pode ser demorada.
A Homenaxe A Escritora na súa Terra – Letra E, impulsada pola Asociación de Escritoras e Escritores en Lingua Galega (AELG), chegou este ano á súa XXIX edición, recaendo na figura de Fina Casalderrey, que foi homenaxeada en Pontevedra o 10 de xuño de 2023, nunha actividade que contou co apoio do Concello de Pontevedra, CEDRO e Xunta de Galicia
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida da homenaxeada ten unha presenza fundamental. É vontade da AELG honrar escritoras/es procurando o contacto directo coa autora e a súa implicación persoal na xornada de homenaxe.
Unha celebración múltiple e popular en que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritora (unha peza escultórica), a plantación dunha árbore simbólica e a colocación dun monólito conmemorativo.
Aquí pode verse a crónica videográfica, da que publicamos hoxe os vídeos referentes á segunda parte do acto no Teatro Principal de Pontevedra:
– Laudatio da autora, por Montserrat Pena Presas:
A Homenaxe A Escritora na súa Terra – Letra E, impulsada pola Asociación de Escritoras e Escritores en Lingua Galega (AELG), chegou este ano á súa XXIX edición, recaendo na figura de Fina Casalderrey, que foi homenaxeada en Pontevedra o 10 de xuño de 2023, nunha actividade que contou co apoio do Concello de Pontevedra, CEDRO e Xunta de Galicia
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida da homenaxeada ten unha presenza fundamental. É vontade da AELG honrar escritoras/es procurando o contacto directo coa autora e a súa implicación persoal na xornada de homenaxe.
Unha celebración múltiple e popular en que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritora (unha peza escultórica), a plantación dunha árbore simbólica e a colocación dun monólito conmemorativo.
Aquí pode verse a crónica videográfica, da que publicamos hoxe os vídeos referentes á primeira parte do acto no Teatro Principal de Pontevedra:
– Intervención do Coro Luís García Limeses: Vou cambiar o mundo, texto de Fina Casalderrey:
– Intervención do Alcalde de Pontevedra, Miguel Anxo Fernández Lores, no acto de entrega da Letra E:
– Lectura da concesión por Beatriz Maceda Abeleira, vicepresidenta da AELG:
– Intervención de Cesáreo Sánchez Iglesias, presidente da AELG, no acto de entrega da Letra E:
