Lugo: Cultura ciclostil. Xornada de pequena edición
Actividades destacadas na Feira do Libro de Bos Aires para o sábado 7 e domingo 8
Do 19 de abril ao 9 de maio desenvólvese en Bos Aires a Feira do Libro, onde Santiago de Compostela é a cidade convidada neste 2016. A AELG está representada por Cesáreo Sánchez Iglesias e Ledicia Costas, como presidente e vogal da AELG respectivamente.
Dentro do programa completo da delegación galega, destacamos as seguintes actividades para o sábado 7 de maio:
– 18:00 h. Festival de Poesía, Música e Baile. Con Miguel Anxo Fernán-Vello, a Agrupación Folklórica Baixo Miño, o Grupo de Gaitas da Sociedad de Vedra, a Agrupación Folclórica Galega Miña Terra/Sociedad Arantei, Vilamarín y A Peroxa, o Grupo de Gaitas y Bailes Tradicionales do Centro Galicia de Buenos Aires, o Centro Arzuano Melidense e o Grupo de Baile y de Música del ABC del Partido de Corcubión. Teatro Valle-Inclán do Centro Galicia.
– 19:00 h. Presentación de A noite enriba, de Diego Ameixeiras, publicado por Xerais. Co autor e Kike Ferrari. Stand.
E no domingo 8 de maio:
– 19:00 h. Proxección audiovisual de Os Xogos Florais do Idioma Galego, co seu autor, Xan Leira. Stand.
Compostela: actos destacados do sábado 7 e domingo 8 na Feira do Libro
O domingo 8 de maio finaliza a Feira do Libro de Santiago de Compostela (no Paseo Lateral da Alameda, con horario de 11:00 a 14:30 horas e de 17:30 a 21:30 h.), organizada pola Federación de Librarías de Galicia, cos seguintes actos literarios destacados para o sábado e domingo:
Sábado 7
– 12:00 h. Presentación de O Deserto, de María do Cebreiro, publicado por Apiario. No acto, a autora estará acompañada por Antía Otero (Apiario) e Irma Amado (Numax).
– 20:00 h. Encontro de fantasía galega: presentación dos libros Negruña, de Xosé Duncan, e Da Fría e Distante Estrela Polar, de Tomás González Ahola. Posteriormente terá lugar unha charla co(a)s autoras e autores do novo volume da revista Contos Estraños.
Domingo 8:
– 19:00 h. Presentación da obra gañadora do I Premio de Literatura Fantástica Antón Risco, Querido H. P. Lovecraft, de Antonio Manuel Fraga, publicado por Urco. Con Tomás González Ahola.
– 20:00 h. Presentación de Xuventude Imbécil, de Xesús Estalote Maroño, Nuno García Pico e Brais Pedreira, publicado por Artgeruts.
Pontevedra: I Congreso de Estudos Internacionais de Galicia, os 28 e 29 de xuño
Entrevista a María Lado
Desde o Zig-zag da Televisión de Galicia:
“María Lado fala do seu libro Oso, mamá, si?, co que está nominada na categoría de poesía aos premios da Gala do Libro Galego, organizada pola Asociación de Escritores e Escritoras en Lingua Galega (AELG), a Asociación Galega de Editoras (AGE) e a Federación de Librarías de Galicia. A entrevista pode verse aquí.”
Diálogos Manuel María: Miguel Anxo Fernán Vello
Desde o Diario Cultural da Radio Galega:
“Diálogo con Miguel Anxo Fernán-Vello arredor da figura de Manuel María. A entrevista pode escoitarse aquí.”