Arquivos da etiqueta: Afonso Becerra de Becerreá
Feministas, artigo de Afonso Becerra na revista Artezblai
Afonso Becerra 
publicou un artigo na revista Artezblai, baixo o título Feministas, onde inclúe un pequeno traballo que busca visibilizar ás compañeiras dramaturgas e directoras de Galicia. O artigo pode ser visto completo aquí.
“(…) Tengo delante de mí el último número de la RGT (Revista Galega de Teatro), el Nº 73. El tema central es Unha perspectiva feminista da creación contemporánea en Galicia, firmado por Vanesa Sotelo (también colaboradora de Artezblai) y Marta Pérez. A este artículo, en el que revisan los parámetros de creación teatral desde una visión más justa e igualitaria, o sea: feminista, se suma otro titulado O teatro político e feminista de Guillermo Calderón e Chévere, que firma el mismo que escribe estas letras que estás leyendo ahora. De ambos trabajos me gustaría sacar algunos datos para compartirlos contigo. Y lo hago consciente de que se trata de unos datos que también padecen la marginación ejercida por este sistema perverso y ruidoso que no nos deja conocernos ni conocer a esas personas y colectivos que tienen algo importante que aportarnos. (…) Del artículo de Vanesa Sotelo y Marta Pérez quiero recuperar y expandir, en homenaje, y por justicia a las mujeres dramaturgas y directoras escénicas de Galicia, la nómina que nos facilitan en dicho artículo y que considero necesario visibilizar y ampliar más, si cabe. Así que, a continuación, te propongo una pequeña lista de nombres y datos para reivindicar y sacar de la sombra a mis compañeras, porque te aseguro que tras cada nombre hay una obra que merece la pena conocer.”
Santiago: representacións de Unha rosa entre as pernas, con texto de Afonso Becerra
O 
mércores 20, xoves 21 e venres 22 de febreiro, en tres pases cada día (ás 20:45, 21:15 e 21:45 horas, respectivamente), no espazo A Regadeira de Adela (Rúa Tras San Fiz, 2) de Santiago de Compostela, Xosé Luís Bernal e Roberto Leal, dirixidos por Gloria Rico (Tep Teatro En Punto), estrean Unha rosa entre as pernas, do libro Dramatículas, de Afonso Becerra de Becerreá.
Becerreá: XXI Noite Poética A Pipa 2012
Francisco Pillado: “O que chaman crise é un atraco das mafias financeiras”
Entrevista 
de Montse Dopico a Francisco Pillado en Dioivo:
““Con todo, durante algún tempo, o sistema funcionou. As formigas -obreiras coma nós-, chegaron a crer que tamén pertencían á élite, que en calquera momento podían converterse en raíñas. Esa foi a nosa condena”. Este é un anaco do texto de Olivia Pena en Banqueiros, o libro que, coordenado por Francisco Pillado e a través das achegas de 21 dramaturgos e dramaturgas do país, trata de denunciar a gran estafa disfrazada de crise. A dos bancos. E de convidar as formiguiñas obreiras a non seguir a ser as perfectas escravas. Como cando miraban para outro lado cando parecía que todo funcionaba. Malia que sabían que xa había abusos, corrupción e mentiras. O volume contén textos de Roi Vidal, Fidel Vidal, Diana Varela, Vanesa Sotelo, Henrique Rabuñal, María Xosé Queizán, Gustavo Pernas, Olivia Penas, Xosé Manuel Pazos, Zé Paredes, Manuel Lourenzo, Lois Diéguez, Ánxeles Cuña Bóveda, Santiago Cortegoso, Marica Campo, Lino Braxe, Afonso Becerra de Becerreá, Vicente Araguas, Xosé María Álvarez Cáccamo e Marcos Abalde, ademais do limiar do propio Pillado. (…)”.
Presentación do número 72 da Revista Galega de Teatro en Vigo, e de Casa O’Rei, de Santiago Cortegoso, en Moaña
O
venres 14 de decembro, ás 19:00 horas, na Casa Galega da Cultura de Vigo (Praza da Princesa, 2), preséntase o número 72 da Revista Galega de Teatro, correspondente ao número de outono. O acto contará coa lectura dramatizada da obra Ritos de sangue, de María Xosé Queizán e coa presenza da propia autora. A Revista Galega de Teatro é unha publicación editada pola Asociación Cultural Entre Bambalinas, de carácter trimestral e adicada á difusión das artes escénicas. Xunto coas seccións habituais da revista que van desde a crítica teatral, á crónica de festivais, pasando por entrevistas de actualidade e artigos en profundidade sobre problemáticas do ámbito escénico, a RGT inclúe en cada un dos seus números unha peza teatral. Nesta ocasión, a peza escollida foi Ritos de sangue que será presentada da man da súa propia autora, acompañada na lectura por Afonso Becerra, Mónica Bar e Ledicia Costas.
O mesmo día, ás 21:00 horas, na Biblioteca de Quintela de Moaña, a RGT organiza en colaboración coa Lonxa Literaria de Moaña unha tertulia co dramaturgo Santiago Cortegoso arredor da súa obra Casa O’Rei, publicada por Morgante, da que tamén se realizará unha lectura dramatizada de varias escenas.
Cangas: presentación de Dramatículas, de Afonso Becerra de Becerreá
O 
xoves 5 de xullo, na Capela do Hospital de Cangas, dentro da 29 Mostra Internacional de Teatro Cómico e Festivo de Cangas, realizaranse dous microespectáculos a partir dunha das Dramatículas, de Afonso Becerra de Becerreá (publicadas en Laiovento). Un da actriz e performer María Roja, que conta coa colaboración no espazo sonoro de Berio Molina, e outro da actriz Paula Pier, con dirección e dramaturxia de Diana Mera.
Seminario Dramaturxias e Novas Linguaxes Escénicas, impartido por Afonso Becerra de Becerreá
A
Asociación de Actores e Actrices de Galicia e a XXIX Mostra Internacional de Teatro Cómico e Festivo de Cangas colaboran na organización deste obradoiro. Non hai teatro nin espectáculo sen unha dramaturxia que o estruture e lle dea sentido. Nos métodos e modelos de composición dramatúrxica radica a efectividade dun espectáculo. É nese ámbito onde se toman as decisións fundamentais e onde sen marcan os retos que despois haberá que realizar na posta en escena. O teatro emprega unhas linguaxes escénicas, cun léxico e unha sintaxe específicas, que están en constante evolución, como acontece con outras linguaxes no resto das artes. A dramaturxia, entendida como enxeñaría teatral, ocúpase desta evolución das linguaxes e dos estilos, investiga e propón retos aos escenarios. Así pois, para facer teatro é importante coñecer os elementos e os procedementos básicos de análise, creación e composición dramatúrxica, tamén algúns dos referentes históricos e contemporáneos que cambiaron e cambian a concepción das artes escénicas. E isto non é só necesario para quen se dedique a facer teatro, senón tamén unha oportunidade de afondar na percepción que temos da arte do teatro e afinar aínda máis o goce do noso padal, porque o gusto tamén se educa e é cultural (Non só somos o que comemos ou o que lemos, en teatro tamén somos o que vemos). Máis información aquí: CONVOCATORIA CURSO AFONSO BECERRA.
Temario:
– A composición de accións no modelo dramático clásico e na dramaturxia posdramática.
– Análise dramatúrxica de espectáculos.
– A evolución das linguaxes escénicas. A educación do gusto e os hábitos de recepción (L’école du spectateur).
– Tipoloxías de acción. Composición e análise da acción. Tipoloxías de personaxe / actriz, actor / performer / figura, silueta. Composición e análise do personaxe.
Exercicios:
– Exposición e debate dos temas.
– Análise de documentos audiovisuais e gravacións de espectáculos.
– Composición e análise de casos prácticos.
O Docente: Afonso Becerra de Becerreá.
Datas e duración:
– 15 horas lectivas co seguinte calendario:
– Do 3 ao 7 de Xullo: 11:00-14:00 horas.
– Día 7– Lectura dramatizada aberta ao público coa exposición dos traballos realizados no obradoiro.
Lugar: Auditorio Municipal de Cangas. Avenida de Lugo nº 25-27 36940 Cangas.
Prazas: 15 prazas.
Prezo: 50 Euros para socios de AAAG , A.C Xiria e alumnos da Escola Municipal de Teatro de Cangas. No caso de non socios o importe será de 75 Euros
Inscrición:
Do 8 ao 22 de Xuño, enviando o formulario de inscrición anexo debidamente cuberto e adxuntando currículum vitae ao buzón de correo info@aaag.es ou mediante o formulario ao pé.
A organización comunicará a selección de candidatos o día 25 de Xuño, tendo que facer a reserva de praza ingresando o importe do curso antes do día 27 de Xuño. No caso de anulación da reserva por parte do alumno a organización non se compromete á devolución do importe da mesma se a praza non se cubre.
Santiago: presentación do número 70 da Revista Galega de Teatro
O 
martes 27 de marzo, ás 10:30 horas, na Escola Superior de Arte Dramática de Galicia, terá lugar a presentación do número 70 da Revista Galega de Teatro, con traballos de Joan Giralt, Roberto Pascual, Manuel Lourenzo, Pedro Pablo Riobó, Afonso Becerra e Abel González Melo.
Vigo: presentación de Dramatículas, de Afonso Becerra
O 
mércores 15 de febreiro, no Teatro de Arte Livre (Rúa Vázquez Varela, 19), de Vigo, preséntase o libro Dramatículas, de Afonso Becerra de Becerreá, publicado en Laiovento. No acto, xunto ao autor, participan Marta de Sinllán e Manuel F. Vieites, contando tamén coa actuación teatral de María Roja, Roberto Cordovani e Javi Toste.
