Arquivos da etiqueta: Cesáreo Sánchez Iglesias
A Coruña: XI Xornada da Sección de Literatura Dramática. IX Festival Pezas dun Teatro do Porvir 2026. Galiza + Portugal, na Coruña
A XI Xornada da Sección de Literatura Dramática. IX Festival Pezas dun Teatro do Porvir 2026. Galiza + Portugal é unha actividade organizada pola AELG co apoio do Concello da Coruña, CEDRO, Deputación Provincial da Coruña e Camões-Centro Cultural Português em Vigo.
Desde sempre, as artes vivas, especialmente o teatro, tamén a danza e o circo, utilizan o movemento, a emoción e, en moitos casos, a acción verbal, a palabra, para contestar, reivindicar, apuntar ou interrogar á comunidade que congregan, sobre aspectos fundamentais da actualidade.
Co paso do tempo, démonos conta de que o impulso necesario debía poñerse no apoio e fomento de novos proxectos escénicos a través dunha convocatoria e mostra dos mesmos, dentro dunha xornada para compartir, analizar e debater. Así naceu, no seo das xornadas, o Festival Pezas dun Teatro do Porvir: Galiza + Portugal. Trátase dun festival único en Galiza, para impulsar e analizar pezas que están en proceso de creación e que buscan abrir e compartir ese proceso con outras persoas, cun público, e con especialistas en artes escénicas. Ao mesmo tempo, tamén se procura tender pontes, dentro do Eixo Atlántico peninsular, coa veciña Portugal.
En todas as edicións deste evento sempre puxemos especial atención en dedicar un espazo para traer algunha personalidade relevante do mundo das artes escénicas que nos brinde o seu coñecemento sobre algún aspecto candente ou de actualidade. Ademais, esa personalidade tamén é convidada a ver e, se así o considera, intervir nas conversas de análise sobre cada un dos proxectos escénicos seleccionados, participando, incluso, no Xurado que vai valorar a posibilidade de premiar coa estrea nun teatro un dos proxectos presentados no Festival.
Por tanto, dentro do programa incluímos unha Masterclass sobre un tema relevante. Para esta edición de 2026 propoñemos o tema “MEMORIA E ACCIÓN” a cargo da dramaturga e directora de escena María Goiricelaya.
A actualidade parece marcarnos o ritmo, cada vez máis acelerado e trepidante cara a ningures, porque non temos tempo de pensar nin de lembrar. O ruído informativo e a anestesia dixital, a través de videoxogos e horas de “scroll” nas redes sociais, atrofian os nosos sentidos. Todo ten que ser para xa, inmediato. Non hai tempo para volver a vista atrás. De repente, alguén nos advirte de que a historia se repite, de que é un ciclo, mentres asistimos a invasións, ao quebrantamento das regras de xogo democráticas, ao masacre a gran escala, a que os dereitos humanos sexan debatibles, periguen ou sexan, directamente, violentados.
Preguntámonos pola importancia da historia e da memoria, como espazos nos que quizais encontrar algunhas claves do porvir.
Preguntámonos se os escenarios teatrais, cos seus tempos demorados, e a dramaturxia como a arte de manexar a atención, poderían facernos recordar incluso o que non temos vivido, imaxinado ou soñado.
As artes escénicas fíncanse no presente e na presencialidade, no compartir un tempo e un xogo. Preguntámonos como unhas artes tan presentistas poden traer a memoria histórica e as memorias persoais e sociais aos palcos e activalas, converténdoas en acción para traer luz que nos permita enxergar o futuro.
IX FESTIVAL PEZAS DUN TEATRO DO PORVIR, GALIZA + PORTUGAL 2026
Estímulo para as creadoras e creadores que, nestes momentos, están a escribir ou a bosquexar algún tipo de peza para os escenarios. Cómpre facilitar, visibilizar, abrir espazos de encontro para compartir eses procesos de creación e para encontrar unha complicidade e un diálogo que poida potenciar esas pezas en construción. Ademais, queremos procurar o diálogo coas inquedanzas que, neste ámbito, podemos compartir coas dramaturgas e dramaturgos de Portugal, reforzando os lazos de irmandade que se remontan á orixe común da nosa lingua.
Nesta oitava edición do festival acollemos 7 proxectos (4 galegos e 3 portugueses), que foron mostrados e compartidos en público.
Desa selección, logo das presentacións no VIII Festival Pezas dun Teatro do Porvir 2025: Galiza + Portugal, a comisión organizadora da AELG, con Afonso Becerra, Xosé Paulo Rodríguez, director do Teatro Rosalía de Castro da Coruña e Célia Guido Mendes, en representación do Camões-Centro Cultural Portugués em Vigo; Fabrice Corrons, especialista en teatro contemporáneo e profesor na Universidade de Toulouse; contando co voto emitido polos propios participantes, premiarán proxecto(s) coa posibilidade da súa estrea posterior. Non obstante, este premio podería quedar deserto, se o xurado así o considerase.
Terá lugar o domingo 25 de outubro de 2026 no Teatro Rosalía de Castro da Coruña. A entrada é libre e gratuíta para calquera persoa interesada que queira acudir como público.
PROGRAMA
DOMINGO 25 DE OUTUBRO DE 2026
No Teatro Rosalía de Castro da Coruña. Entrada libre.
– 10:00 h. Apertura da Xornada a cargo de Cesáreo Sánchez Iglesias, presidente da AELG, e representantes das institucións colaboradoras.
IX Festival Pezas dun teatro do porvir, Galiza + Portugal. Procesos abertos de escrita dramática (mañá).
– 10:30 h. Jimmy Núñez. A casa do avó.
– 11:00 h. Intervalo.
– 11:15 h. Diana Longa e Javier Villamil. Xineceo.
– 11:45 h. Intervalo.
– 12:00 h. Altea Piñeiro. A última cea.
– 12:30 h. Intervalo.
– 12:45 h. Aula maxistral Memoria e Acción, a cargo de María Goiricelaya.
IX Festival Pezas dun teatro do porvir, Galiza + Portugal. Procesos abertos de escrita dramática (tarde).
– 16:30 h. Clara Zamorano. Crescer, Dói!
– 17:00 h. Intervalo.
– 17:15 h. Paulo Narciso. Gordot.
– 17:45 h. Intervalo.
– 18:00 h. Rafael Ferreira. As Bacantes.
– 18:30 h. Intervalo.
– 18:45 h. Silvia Penas e Samuel Merino. Barreira para peles sensibles.
– 19:30 h. Inicio do proceso de deliberación, por parte do Comité de Selección do Festival, formado por Afonso Becerra de Becerreá, Vogal de Literatura Dramática da AELG, Xosé Paulo Rodríguez, Director do Teatro Rosalía Castro da Coruña e Membro da Xunta Directiva de La Red do Estado español, Célia Guido Mendes, en representación do Camões-Centro Cultural Portugués em Vigo; Fabrice Corrons, especialista en teatro contemporáneo e profesor na Universidade de Toulouse; contando cos votos emitidos polas/os creadoras/es dos proxectos escénicos presentados, que será dada a coñecer nos días seguintes á Xornada.
Gala dos Premios Mestras e Mestres da Memoria 2026, en Lugo
A Gala dos Premios Mestras e Mestres da Memoria 2026 é unha actividade da AELG, co apoio da Área de Cultura, Turismo e Promoción da Lingua do Concello de Lugo e a colaboración da Deputación de Lugo.
A Sección de Literatura de Tradición Oral da AELG, previa deliberación do Grupo de Traballo composto por Ana Acuña, Félix Castro Vicente, Carme Pernas Bermúdez, Calros Solla, Xurxo Souto, Cesáreo Sánchez Iglesias, Xosé Manuel Varela, Lois Pérez e Antonio Reigosa, propuxo ao Consello Directivo da Asociación de Escritoras e Escritores en Lingua Galega recoñecer como Mestra e Mestras/es da Memoria 2026 respectivamente a Yolanda Díaz Gallego e Xulio do Canelo, polas súas achegas á mesma ao longo das súas vidas, contribuíndo así a manter viva unha parte fundamental da nosa memoria colectiva e o saber popular.
As distincións entregáranse no marco da XI Gala dos Premios Mestras e Mestres da Memoria, a celebrar en Lugo, co apoio do Concello de Lugo e a colaboración da Deputación de Lugo, que terá lugar o 23 de outubro, na sala expositiva da Deputación de Lugo (Rúa San Marcos, 8), a partir das 18:00 horas, con entrada libre até completar capacidade.
No acto, que será conducido por Lois Pérez, participarán Cesáreo Sánchez Iglesias, presidente da AELG, Antonio Reigosa, quen vai ler a laudatio de Xulio Díaz Canelo, e Lucía Arroxo, quen fará o proprio coa laudatio do Yolanda Díaz Gallego.
A actividade contará tamén co acompañamento musical de Secho.
A Coruña: XI Xornada da Sección de Literatura Dramática. IX Festival Pezas dun Teatro do Porvir 2026. Galiza + Portugal
A XI Xornada da Sección de Literatura Dramática. IX Festival Pezas dun Teatro do Porvir 2026. Galiza + Portugal é unha actividade organizada pola AELG co apoio do Concello da Coruña, CEDRO, Deputación Provincial da Coruña e Camões-Centro Cultural Português em Vigo.
Desde sempre, as artes vivas, especialmente o teatro, tamén a danza e o circo, utilizan o movemento, a emoción e, en moitos casos, a acción verbal, a palabra, para contestar, reivindicar, apuntar ou interrogar á comunidade que congregan, sobre aspectos fundamentais da actualidade.
Co paso do tempo, démonos conta de que o impulso necesario debía poñerse no apoio e fomento de novos proxectos escénicos a través dunha convocatoria e mostra dos mesmos, dentro dunha xornada para compartir, analizar e debater. Así naceu, no seo das xornadas, o Festival Pezas dun Teatro do Porvir: Galiza + Portugal. Trátase dun festival único en Galiza, para impulsar e analizar pezas que están en proceso de creación e que buscan abrir e compartir ese proceso con outras persoas, cun público, e con especialistas en artes escénicas. Ao mesmo tempo, tamén se procura tender pontes, dentro do Eixo Atlántico peninsular, coa veciña Portugal.
En todas as edicións deste evento sempre puxemos especial atención en dedicar un espazo para traer algunha personalidade relevante do mundo das artes escénicas que nos brinde o seu coñecemento sobre algún aspecto candente ou de actualidade. Ademais, esa personalidade tamén é convidada a ver e, se así o considera, intervir nas conversas de análise sobre cada un dos proxectos escénicos seleccionados, participando, incluso, no Xurado que vai valorar a posibilidade de premiar coa estrea nun teatro un dos proxectos presentados no Festival.
Por tanto, dentro do programa incluímos unha Masterclass sobre un tema relevante. Para esta edición de 2026 propoñemos o tema “MEMORIA E ACCIÓN” a cargo da dramaturga e directora de escena María Goiricelaya.
A actualidade parece marcarnos o ritmo, cada vez máis acelerado e trepidante cara a ningures, porque non temos tempo de pensar nin de lembrar. O ruído informativo e a anestesia dixital, a través de videoxogos e horas de “scroll” nas redes sociais, atrofian os nosos sentidos. Todo ten que ser para xa, inmediato. Non hai tempo para volver a vista atrás. De repente, alguén nos advirte de que a historia se repite, de que é un ciclo, mentres asistimos a invasións, ao quebrantamento das regras de xogo democráticas, ao masacre a gran escala, a que os dereitos humanos sexan debatibles, periguen ou sexan, directamente, violentados.
Preguntámonos pola importancia da historia e da memoria, como espazos nos que quizais encontrar algunhas claves do porvir.
Preguntámonos se os escenarios teatrais, cos seus tempos demorados, e a dramaturxia como a arte de manexar a atención, poderían facernos recordar incluso o que non temos vivido, imaxinado ou soñado.
As artes escénicas fíncanse no presente e na presencialidade, no compartir un tempo e un xogo. Preguntámonos como unhas artes tan presentistas poden traer a memoria histórica e as memorias persoais e sociais aos palcos e activalas, converténdoas en acción para traer luz que nos permita enxergar o futuro.
IX FESTIVAL PEZAS DUN TEATRO DO PORVIR, GALIZA + PORTUGAL 2026
Estímulo para as creadoras e creadores que, nestes momentos, están a escribir ou a bosquexar algún tipo de peza para os escenarios. Cómpre facilitar, visibilizar, abrir espazos de encontro para compartir eses procesos de creación e para encontrar unha complicidade e un diálogo que poida potenciar esas pezas en construción. Ademais, queremos procurar o diálogo coas inquedanzas que, neste ámbito, podemos compartir coas dramaturgas e dramaturgos de Portugal, reforzando os lazos de irmandade que se remontan á orixe común da nosa lingua.
Nesta oitava edición do festival acollemos 7 proxectos (4 galegos e 3 portugueses), que foron mostrados e compartidos en público.
Desa selección, logo das presentacións no VIII Festival Pezas dun Teatro do Porvir 2025: Galiza + Portugal, a comisión organizadora da AELG, con Afonso Becerra, Xosé Paulo Rodríguez, director do Teatro Rosalía de Castro da Coruña; Célia Guido Mendes, en representación do Camões-Centro Cultural Portugués em Vigo; e Fabrice Corrons, especialista en teatro contemporáneo e profesor na Universidade de Toulouse; contando co voto emitido polos propios participantes, premiarán proxecto(s) coa posibilidade da súa estrea posterior. Non obstante, este premio podería quedar deserto, se o xurado así o considerase.
Terá lugar o domingo 25 de outubro de 2026 no Teatro Rosalía de Castro da Coruña. A entrada é libre e gratuíta para calquera persoa interesada que queira acudir como público.
PROGRAMA
DOMINGO 25 DE OUTUBRO DE 2026
No Teatro Rosalía de Castro da Coruña. Entrada libre.
– 10:00 h. Apertura da Xornada a cargo de Cesáreo Sánchez Iglesias, presidente da AELG, e representantes das institucións colaboradoras.
IX Festival Pezas dun teatro do porvir, Galiza + Portugal. Procesos abertos de escrita dramática (mañá).
– 10:30 h. Jimmy Núñez. A casa do avó.
– 11:00 h. Intervalo.
– 11:15 h. Diana Longa e Javier Villamil. Xineceo.
– 11:45 h. Intervalo.
– 12:00 h. Altea Piñeiro. A última cea.
– 12:30 h. Intervalo.
– 12:45 h. Aula maxistral Memoria e Acción, a cargo de María Goiricelaya.
IX Festival Pezas dun teatro do porvir, Galiza + Portugal. Procesos abertos de escrita dramática (tarde).
– 16:30 h. Clara Zamorano. Crescer, Dói!
– 17:00 h. Intervalo.
– 17:15 h. Paulo Narciso. Gordot.
– 17:45 h. Intervalo.
– 18:00 h. Rafael Ferreira. As Bacantes.
– 18:30 h. Intervalo.
– 18:45 h. Silvia Penas e Samuel Merino. Barreira para peles sensibles.
– 19:30 h. Inicio do proceso de deliberación, por parte do Comité de Selección do Festival, formado por Afonso Becerra de Becerreá, Vogal de Literatura Dramática da AELG, Xosé Paulo Rodríguez, Director do Teatro Rosalía Castro da Coruña e Membro da Xunta Directiva de La Red do Estado español, Célia Guido Mendes, en representación do Camões-Centro Cultural Portugués em Vigo, e Fabrice Corrons, especialista en teatro contemporáneo e profesor na Universidade de Toulouse; contando cos votos emitidos polas/os creadoras/es dos proxectos escénicos presentados, que será dada a coñecer nos días seguintes á Xornada.
Gala dos Premios Mestras e Mestres da Memoria 2026
A Gala dos Premios Mestras e Mestres da Memoria 2026 é unha actividade da AELG, co apoio da Área de Cultura, Turismo e Promoción da Lingua do Concello de Lugo e a colaboración da Deputación de Lugo.
A Sección de Literatura de Tradición Oral da AELG, previa deliberación do Grupo de Traballo composto por Ana Acuña, Félix Castro Vicente, Carme Pernas Bermúdez, Calros Solla, Xurxo Souto, Cesáreo Sánchez Iglesias, Xosé Manuel Varela, Lois Pérez e Antonio Reigosa, propuxo ao Consello Directivo da Asociación de Escritoras e Escritores en Lingua Galega recoñecer como Mestra e Mestras/es da Memoria 2026 respectivamente a Yolanda Díaz Gallego e Xulio do Canelo, polas súas achegas á mesma ao longo das súas vidas, contribuíndo así a manter viva unha parte fundamental da nosa memoria colectiva e o saber popular.
As distincións entregáranse no marco da XI Gala dos Premios Mestras e Mestres da Memoria, a celebrar en Lugo, co apoio do Concello de Lugo e a colaboración da Deputación de Lugo, que terá lugar o 23 de outubro, na sala expositiva da Deputación de Lugo (Rúa San Marcos, 8), a partir das 18:00 horas, con entrada libre até completar capacidade.
No acto, que será conducido por Lois Pérez, participarán Cesáreo Sánchez Iglesias, presidente da AELG, Antonio Reigosa, quen vai ler a laudatio de Xulio Díaz Canelo, e Lucía Arroxo, quen fará o proprio coa laudatio do Yolanda Díaz Gallego.
A actividade contará tamén co acompañamento musical de Secho.
Recendo (CUAC FM): entrevista a Cesáreo Sánchez Iglesias, presidente da AELG
Desde Recendo (CUAC FM):
“Episodio número 540, no que entrevistamos a Cesáreo Sánchez Iglesias, presidente da Asociación de Escritoras e Escritores en Lingua Galega. Pode escoitarse aquí.”
Crónica videográfica do recital poético-musical celebrado no marco do Bonito pra chover 2026, dedicado a Elisa Lucinda
O 24 de setembro tivo lugar un Recital poético e musical dedicado a Elisa Lucinda dentro do Festival de arte e cultura brasileira Bonito Pra Chover 2026. A Asociación de Escritoras e Escritores en Lingua Galega (AELG) colabora, co apoio de CEDRO, no recital poético-musical en homenaxe á escritora, poeta e actriz Elisa Lucinda, na Casa do Taberneiro (Rúa San Pedro, 15), en Santiago de Compostela, con entrada libre até completar capacidade.
O programa foi o seguinte:
Saúda ás persoas presentes de Jakson Renner Rodrigues Soares e Cesáreo Sánchez Iglesias.
– Recital poético:
Andrea Nunes Brións
Cesáreo Sánchez Iglesias
Daniel Asorey
Elisa Lucinda
Jakson Renner Rodrigues Soares
Luiza Fernandes
– Música ao vivo con:
Leka Denz
Sérgio Tannus
Aquí pode verse a crónica videográfica da actividade:
Crónica videográfica da homenaxe A Escritora na súa Terra – Letra E 2026, dedicada a Eva Veiga (IV)
A Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chegou á súa XXXII edición, recaendo na figura da poeta Eva Veiga, de quen se destaca, dentro da súa importante traxectoria vital, a súa amplamente recoñecida obra literaria. Foi homenaxeada en Pontedeume o 13 de xuño de 2026.
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida do homenaxeado ten unha presenza fundamental. É vontade da AELG honrar escritoras/es procurando o contacto directo coa autora e a súa implicación persoal na xornada de homenaxe.
Unha celebración múltiple e popular en que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritora (unha peza escultórica), a plantación dunha árbore simbólica elixida pola propia autora, e a colocación dun monólito conmemorativo.
Esta actividade contou co apoio do Concello de Pontedeume, CEDRO, Deputación da Coruña e Xunta de Galicia.
Aquí pode verse a crónica videográfica, da que publicamos hoxe a cuarta parte dos vídeos:
Crónica videográfica da homenaxe A Escritora na súa Terra – Letra E 2026, dedicada a Eva Veiga (III)
A Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chegou á súa XXXII edición, recaendo na figura da poeta Eva Veiga, de quen se destaca, dentro da súa importante traxectoria vital, a súa amplamente recoñecida obra literaria. Foi homenaxeada en Pontedeume o 13 de xuño de 2026.
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida do homenaxeado ten unha presenza fundamental. É vontade da AELG honrar escritoras/es procurando o contacto directo coa autora e a súa implicación persoal na xornada de homenaxe.
Unha celebración múltiple e popular en que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritora (unha peza escultórica), a plantación dunha árbore simbólica elixida pola propia autora, e a colocación dun monólito conmemorativo.
Esta actividade contou co apoio do Concello de Pontedeume, CEDRO, Deputación da Coruña e Xunta de Galicia.
Aquí pode verse a crónica videográfica, da que publicamos hoxe a terceira parte dos vídeos:
– Intervención de Cesáreo Sánchez Iglesias, presidente da AELG, no acto de entrega da Letra E:
– Laudatio, por Teresa Seara:
Crónica videográfica da homenaxe A Escritora na súa Terra – Letra E 2026, dedicada a Eva Veiga (II)
A Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chegou á súa XXXII edición, recaendo na figura da poeta Eva Veiga, de quen se destaca, dentro da súa importante traxectoria vital, a súa amplamente recoñecida obra literaria. Foi homenaxeada en Pontedeume o 13 de xuño de 2026.
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida do homenaxeado ten unha presenza fundamental. É vontade da AELG honrar escritoras/es procurando o contacto directo coa autora e a súa implicación persoal na xornada de homenaxe.
Unha celebración múltiple e popular en que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritora (unha peza escultórica), a plantación dunha árbore simbólica elixida pola propia autora, e a colocación dun monólito conmemorativo.
Esta actividade contou co apoio do Concello de Pontedeume, CEDRO, Deputación da Coruña e Xunta de Galicia.
Aquí pode verse a crónica videográfica, da que publicamos hoxe a segunda parte dos vídeos:
– Plantación da árbore da autora:
– Intervención do Alcalde de Pontedeume, Bernardo Fernández Piñeiro, no acto de entrega da Letra E:
– Lectura da concesión da Letra E, por Beatriz Maceda Abeleira, vicepresidenta da AELG:
