O 
V 
Ciclo de mesas redondas Escritores/as na Universidade, organizado pola AELG, comeza este xoves 7 de outubro a partir das 12:00 h. no Salón de Actos da Facultade Filoloxía e Tradución da Universidade de Vigo, coa participación de Estíbaliz Espinosa e Dores Tembrás na mesa redonda Poesía de muller. Poesía feminista, unha lectura fresca de poemas propios, con comentarios ilustrativos inclinados a aspectos que teñan que ver coa peculiar concepción das autoras sobre a relación entre literatura e loita feminista, entre poesía e muller, etc. Un encontro con escritoras nunha versión lúdica e persoal. O acto será presentado por Anxo Angueira.
Arquivo da categoría: Poesía
Santiago: presentación de Pel con pel
O 
domingo 3 de outubro, ás 17:30 h., no Centro Sociocultural das Fontiñas, en Santiago de Compostela, preséntase Pel con pel, que recolle case corenta fotos presentadas ao II Concurso sobre Lactancia Materna que organizou Fedegalma e a Editorial Galaxia, acompañadas por textos literarios. No acto participan Dores Tembrás, Marta Dacosta, Begoña Caamaño, Ledicia Costas, Francisco Castro, Eduardo Estévez e Alfredo Ferreiro, autores de parte dos textos publicados neste libro, no que tamén escribiron Xosé María Álvarez Cáccamo, Román Raña, e Yolanda Castaño.
Santiago: presentación de To the Winds Our Sails e recital de poetas de Galicia e Irlanda
O
venres 1 de outubro de 2010 ás 19:00 h., na Libraría Couceiro (Praza de Cervantes) de Santiago de Compostela, preséntase o libro To the Winds Our Sails, antoloxía de poetas galegas feita por autoras irlandesas, editado por Mary O’Donnell e Manuela Palacios en Salmon Books. No acto desenvolverase un recital de poesía presentado por Olivia Rodríguez, no que participarán: Luz Pozo Garza, Mary O’Donnell, Ana Romaní, Maurice Harmon, Chus Pato, Lorna Shaughnessy, Marilar Aleixandre, Xiana Arias, Luz Pichel, María Lado e María do Cebreiro. Colaboran a AELG (Asociación de Escritores en Lingua Galega), o Ministerio de Educación e Ciencia (Proxecto Us and Them (FFI2009-08475/FILO)) e o Grupo de investigación Discourse and Identity (GI 1924).
Ferrol: ciclo de As miñas lecturas favoritas e Clube de Lectura en Galego
A 
Biblioteca 
Municipal de Ferrol, sita na céntrica Praza de España, pon en marcha hoxe un novo ciclo de animación á lectura titulado: As miñas lecturas favoritas, destinado a lectores adultos. A actividade, que se desenvolverá ao longo de seis luns entre os meses de setembro e decembro, enmárcase dentro da programación posta en marcha pola Concellería de Cultura e do programa Letras Vivas, promovido pola Consellería de Cultura coa finalidade de promover os hábitos lectores, así como o libro e a lectura en galego. As sesións celebraranse ás 19.30 h., con entrada libre e gratuíta, e nelas preténdese tamén promover o diálogo naqueles lectores con inquedanzas culturais e ganas de ler. Para iso, contarase con prestixiosos nomes da literatura galega como Marilar Aleixandre (27 de setembro), Francisco Fernández Naval (4 de outubro), Santiago Jaureguizar (18 de outubro), Marina Mayoral (8 de novembro), Yolanda Castaño (22 de novembro) e Carmen Blanco (20 de decembro).
Por outra banda, desde o mércores 13 de outubro, e en mércores alternos entre as 19:00 e as 20:30 h., Henrique Dacosta coordinará o Clube de Lectura en Galego.
Lugo: presentación da revista oral O Pazo das Musas
O 
xoves 30 de setembro, a partir das 20:00 h., preséntase no Refectorio do Museo Provincial de Lugo outra edición da revista oral de periodicidade trimestral, editada polo Museo Provincial (Rede Museística da Deputación de Lugo), O Pazo das Musas. O sumario está formado por:
– Música: Arranxo musical sobre Chove en Santiago (Federico García Lorca) para a obra de teatro Km. 526 de Paloma Lugilde. Intérpretes: Carlos Díaz, Xabi Díaz e Paloma Lugilde (3’).
– O cruceiro do adro da igrexa de Trobo, Begonte (Lugo), por Fernando Arribas Arias (5’).
– Música: Meu Amor (Poema-correspondencia entre os pais de Luz Pozo Garza na guerra civil). Arranxo musical para a obra de teatro “Km 526” de Paloma Lugilde. Intérpretes: Carlos Díaz, Xabi Díaz e Paloma Lugilde (3’).
– Lectura: Fume (texto e imaxes), por Antón Fortes (5’).
– Presentación e proxección da curtametraxe Leo de Fernando Cortizo (15’), por María Hernanz, directora de arte de Artefacto Producciones.
– Música: Nanas de la Cebolla (Poema de Miguel Hernández). Música e interpretación: Carlos Díaz (3’).
– Lectura: Caderno de Animalista (texto e imaxes), por Antón Fortes (5’).
– Presentación do proxecto: Queres que cho conte?, por Paloma Lugilde (5’).
– Lectura: O rato do souto e o rato da casa (Proxecto: Queres que cho conte?). Voces: Paula Buján, Paloma Lugilde, Carlos Díaz e Sabela M. Eiriz. Ilustracións: Sabela M. Eiriz e Mar Eiriz. Música: Carlos Díaz. Comentario sobre os contos: Antonio Reigosa (10’).
– Música: Nana dos avós. Música e interpretación: Carlos Díaz (3’).
– Lectura: O piollo e a pulga (Proxecto: Queres que cho conte?). Voces: Paula Buján, Paloma Lugilde, Carlos Díaz e Sabela M. Eiriz. Ilustracións: Sabela M. Eiriz e Mar Eiriz. Música: Carlos Díaz. Comentario sobre os contos: Antonio Reigosa (10’).
– Música: Xulieta na auga. Música de Carlos Díaz para a obra de teatro O Público de Paloma Lugilde. Intérprete: Carlos Díaz (3’).
– Poesía: Espiñas (Lectura de poemas de Figuras masculinas de meio-corpo, Sexto Fetiche e Espiñas), por Antón Fortes (5’).
– Opinión: Intervención do público. Entrega de diplomas aos amigos/as da revista (3’).
– Epílogo, por Aurelia Balseiro, directora do MPL (3’).
– Contraportada musical: Durme neniña (Xosé María Álvarez Blázquez). Música e interpretación: Carlos Díaz (3’).
Branca Novoneyra: “Fanme graza as etiquetas como a de ‘jóvenes poetas’, eu teño 34 anos e tardei en publicar”
(Entrevista en La Voz de Galicia)
Riotorto: recital de poetas da xeración dos 80 na Festa da Cultura
Este 
sábado 25 de setembro, a partir das 22:00 h., dentro da Festa da Cultura que se celebra en Riotorto, desenvolverase un recital poético de autores da chamada Xeración dos 80, no que intervirán Xavier Rodríguez Baixeras, Xosé María Álvarez Cáccamo, Manuel Forcadela, Xulio Varcárcel, Xavier Seoane, Luísa Castro e Cesáreo Sánchez.
Ese mesmo día celebrarase a Feira do libro e do disco galego, no marco da cal se realizarán as seguintes presentacións:
17:00 h. Xosé Chao Rego, por Bernardo García Cendán e Marcos Maceira.
18:00 h. Rosalía, o clamor da rebeldía, por Pilar García Negro.
19:00 h. Noente paradise, con Ugia Pedreira e Raquel Miragaia.
O programa completo da Festa da Cultura, desde o venres 24 até o domingo 26, pódese consultar aquí.
Vigo: recital A hostia en verso, con poesía, música e artes plásticas
O 
sábado 25 de setembro, ás 21:30 horas, terá lugar no Café Golem (Churruca, Vigo) un combate lírico que enfrentará a Ledicia Costas, Daniel Landesa, Laura Sáez, David Rodríguez, Lara do Are e Miguel Valverde, baixo o nome de A hostia en verso. O acto será unha divertida velada na que ambos equipos se enfrontarán para gañar o favor do público e estará presentado polas poetas Lucía Aldao e María Lado. Contarán tamén coa intervención musical do Leo i Arremecághona, e a das artistas plásticas Antía Sánchez e María Longa, que realizarán senllas obras en directo. Haberá tamén ricos e gratuítos petiscos para o público asistente, que se verá reconfortado coa posibilidade de votar el mesmo o equipo gañador ao longo dos tres asaltos que compoñen este singular combate.
Folgoso do Courel: Emilio Cao homenaxea a Novoneyra
O 
sábado 25 de setembro ás 18:30 h., na Ferrería Nova de Seoane, no Concello de Folgoso do Courel, terá lugar a presentación de Interseccións, o inconcluso proxecto conxunto que desenvolveran no seu día Uxío Novoneyra e Emilio Cao, e que se retoma co propio músico, Branca Novoneyra no recitado, Carme Rey na voz e Manuel Gutiérrez no piano. Este acto forma parte do festival Espazos Sonoros, organizado pola Consellería de Cultura.
María do Carme Kruckenberg: “Non podo esquecer a desolación que vin nos países comunistas”
Entrevista
a María do Carme Kruckenberg en Xornal:
“Xornal (X): Cales son a estrutura e a temática d’A voz da auga?
María do Carme Kruckenberg (MCK): O libro está composto de poemas curtos divididos en catro partes: primavera, verán, outono e inverno. Estes poemas están pensados xa dende o ano 1997, en que fixen a primavera e o verán, e este ano rematei o outono e o inverno para facer un libro. A temática é a auga, pero a auga en moitos sentidos: a auga que un sente, a auga que unha persoa é, o recordo dos ríos, das fontes, do mar…
X: Este é o seu derradeiro poemario?
MCK: Si, este é o último, con el penso pechar a temática poética da miña vida, e xa non escribirei máis poesía. É o último porque hai outro libro meu, entregado a Galaxia que aínda non está publicado, pero está feito antes deste.”
