Arquivos da etiqueta: Concello de Rianxo

Rianxo: actividades destacadas do sábado 26 e domingo 27 na Feira do Libro

Publicado o por

OIMAXE FEIRA LIBRO RIANXO WEB sábado 26 e domingo 27 de xullo finaliza a Feira do Libro de Rianxo (na Praza de Castelao), con horarios de 12:00 a 14:30 h. e de 19:00 a 23:00 h., cos seguintes actos literarios destacados para ese día:

Sábado 26
– 13:00 h. Presentación, na casa do concello, do libro As crónicas de Bran, Vol. II: A porta de Annwn, de Xosé Duncan. Xunto co autor, participará no acto Adolfo Muíños.
– 19:30 h. Presentación do libro disco Brinca vai!, de
Paco Nogueiras, con ilustracións de David Pintor, publicado por Kalandraka. Na Biblioteca
da feira.
– 20:30 h. Presentación, na casa do concello, do primeiro número do proxecto
Caderno de Literatura popular de Rianxo, adicado a Francisco Rodríguez Gey. Participarán no acto Eulalia Agrelo Costas, Carla Morano e Adolfo Muíños.
– 21:30 h. Concerto na Praza Rafael Dieste. Presentación do traballo discográfico Toc Toc, a cargo de Pablo Díaz e Banda. (Programa Rede Cultural Deputación da Coruña).

Domingo 27
– 13:00 h. Presentación da Antoloxía Poética de Evaristo Martelo, a cargo de Pepe Blanco Alborés, responsable de Plan B Editora e presentado por Adolfo Muiños.
– 19:30 h. Presentación, na Biblioteca Infantil, do álbum ilustrado O libro dos bicos, de Xosé Luna e Nuria Díaz.
– 20:30 h. Presentación, na Biblioteca Infantil, do libro Salseiros, de Suso Lista, publicado por Edicións Embora.

Rianxo: curso Ó redor de Castelao, dirixido por Carlos Mella, do 28 ao 31 de xullo

Publicado o por

O curso da Universidade de Santiago Ó redor de Castelao terá lugar entre o 28 e o 31 de xullo, no Auditorio do Pazo de Martelo en Rianxo, sendo cofinanciado pola Deputación da Coruña, o Concello de Rianxo e a Fundación Castelao.
Tendo como director a Carlos Mella, e secretario a Marcial Gondar, contará cun total de 15 horas lectivas, co seguinte programa:

28 de xullo
– 11:00 h. Inauguración do curso.
– 12:00 h. Castelao e a política, por Xusto Beramendi.
– 13:30 h. Coloquio.
– 17:00 h. Mesa redonda: A visión política de Castelao, moderada por Amancio Liñares Giraut, cos relatores Carlos Mella, Marcial Gondar e David Otero.
– 18:30 h. Ruta guiada polos lugares máis importantes na vida de Castelao.

29 de xullo
– 10:00 h. Castelao e o home galego, por Marcial Gondar.
– 12:00 h. Castelao e o mundo da muller, por Encarna Otero.
– 13:00 h. Coloquio.
– 17:00 h. Mesa redonda sobre os retratos de negros, moderada por Miguel Anxo Seixas, cos relatores Amancio Liñares Giraut, David Otero e Anxo Tarrío
– 19:00 h. Ruta guiada pola ría.

30 de xullo
– 10:00 h. A manifestación artística en Castelao, por Miguel Anxo Seixas.
– 11:30 h. Coloquio.
– 12:30 h. Mesa redonda sobre o relato curto en Castelao, moderada por Esperanza Mariño Dávila, cos relatores Carlos Mella, Marcial Gondar e Encarna Otero.
– 17:00 h. Ruta guiada polos museos de Dieste e Manuel Antonio.

31 de xullo
– 11:00 h. A visión económica de Castelao, por Carlos Mella.
– 11:30 h. Coloquio.
– 13:00 h. Clausura do curso.

Rianxo: presentación de Nimbos. Cáliz fervendo!

Publicado o por

O venres 13 de xuño, ás 20:30 horas, no Salón de Actos do Auditorio de Rianxo, preséntase Nimbos: Cáliz fervendo!, caderno XXIX do Centro Ramón Piñeiro para a Investigación en Humanidades, con Xosé Luís Axeitos, Armando Requeixo, Luís Cochón e Luís Alonso Girgado, introducidos por Adolfo Muíños.

Rianxo: Obradoiro de poesía erótica impartido por María Lado, os sábados 15, 22 e 29 de marzo

Publicado o por

Desde o Concello de Rianxo:
“Dentro da programación do Ferve a Lingua, organizado pola Área de Educación, Cultura e Normalización Lingüística vai desenvolverse un Obradoiro de Poesía Erótica, impartido por María Lado no Centro Sociocultural-Auditorio de Rianxo.
Terá lugar os sábados 15, 22 e 29 de marzo das 10:30 ás 13:30 horas.
No obradoiro preténdese achegar aos participantes á escrita de poesía e, concretamente, de poesía erótica a través de exercicios lúdicos que aporten ferramentas para a escrita, como son os chamados “disparadores” (ferramentas que facilitan o inicio da escrita).
O obxectivo é que os participantes coñezan e escriban poesía erótica, partindo da práctica da escrita e tamén da lectura de modelos que empregaremos como punto de partida, xa sexa a través da copia, a reinterpretación, a transformación, contraposición… etc.
Tamén se fará lectura dos textos dos participantes e o seu comentario entre todos, de maneira que adquiran a noción da importancia da crítica. Finalmente a través da lectura dos textos propios traballarase tamén cos participantes a lectura en público, as ferramentas das que dispoñemos para facelo e o resultado que procuramos no espectador. Esta parte preparatoria da lectura en público está baseada en exercicios sinxelos inspirados na práctica teatral e na oratoria. procúrase, ante todo, descubrir e respectar o estilo propio de cada participante.

Se estás interesado/a en participar, tes ata o 14 de marzo ás 14:00 horas para inscribirte, cubrindo a ficha de inscrición na seguinte ligazón: Ficha de inscrición Obradoiro Poesía Erótica. Máis información en cultura@concelloderianxo.es”

Rianxo: presentación de Iria, de Anxo Angueira

Publicado o por

O venres 4 de outubro, ás 20:30 horas, no Salón de Actos do Auditorio de Rianxo (Rúa Autores da Rianxeira- Parque de Galicia), terá lugar a presentación de Iria, de Anxo Angueira, publicada en Xerais. No acto, coorganizado polo Concello de Rianxo e a editora, participan, xunto ao autor, Xosé Luís Méndez Ferrín, Xosé Luís Axeitos e Manuel Bragado.