Ferrol: actos destacados do 24 de abril na Feira do Libro 2019

O 24 de abril continúa a Feira do Libro de Ferrol (na Praza da Constitución), organizada pola Federación de Librarías de Galicia, con horarios de 11:00 a 14:00 h. e de 17:00 a 21:00 h., cos seguintes actos literarios destacados dentro do seu programa:

19:00 h. Presentación de Memoria histórica do barrio de Canido, de Guillermo Llorca e Juan J. Burgoa, publicado por Edicións Embora.
19:00 h. Miguel Anxo Romero asina Poemas con Canela, na caseta de Edicións Embora.
20:00 h. Presentación de 1[14]1, de Alberte Momán, publicado por Belagua. No acto participa, xunto ao autor, Henrique Dacosta.

Ferrol: actos destacados do 23 de abril na Feira do Libro 2019

O 23 de abril comeza a Feira do Libro de Ferrol (na Praza da Constitución), organizada pola Federación de Librarías de Galicia, con horarios de 11:00 a 14:00 h. e de 17:00 a 21:00 h., cos seguintes actos literarios destacados dentro do seu programa:

19:30 h. Inauguración oficial, coa presenza de Ánxela Loureiro.
20:00 h. Ánxela Loureiro asina exemplares da súa obra na caseta de Secretaría.

Verín: Feira do Libro 2019

Monterroso: IV Feira do Disco e Libro Galego

11:00 h. Obradoiro gastroliterario Cociñando con Bolboretas no bandullo, (para nen@s de 5 a 12 anos con reserva previa). Reservas e info 630 65 04 19 / 699 69 14 47
11:00 h. Presentación de Hotel para coleccionistas discretos, de Diego Giráldez, publicado por Galaxia. Acompañan ao autor Manrique Fernández e Francisco Castro.
11:30 h. Presentación de A gotiña viaxeira, de Toño Núñez, publicado por Edicións Fervenza.
12:00 h. Presentación de Monstros, con ou sen consentimento, de Chuches Amil. Con Fran Amil. Concerto para nen@s.
12:50 h. Presentación de Chámame señora, pero trátame coma un señor, de Inma López Silva, publicado por Galaxia.
16:10 h. Presentación da Colección Cámara Escura, con Eutropio Rodríguez (aCentral Folque).
16:30 h. Contacontos + actividade: A manchas ou a raias, con Estefanía Padullés.
16:45 h. Presentación de Cairón nº 3. Boletín do Instituto de Estudos Ulloáns. Con Xesús Alonso Montero, Daniel Salgado e Francisco Pardo.
18:20 h. Presentación de O puño e a letra, con Yolanda Castaño, publicado por Xerais.
20:00 h. Presentación de Memoria do silencio, de Eva Mejuto, publicado por Xerais.

A proxección exterior e a formación entre as actividades da Asociación Galega de Editoras para 2019

Desde a Asociación Galega de Editoras:
“A Asociación Galega de Editoras afronta o 2019 coa proxección exterior e a formación como dúas das principais actividades a desenvolver. A primeira das citas internacionais será a Feira do Libro de Boloña, á que o gremio acudirá, de novo, cun stand propio. A formación ás empresas asociadas centrarase na venda de dereitos e na organización dunha nova edición do Simposio do Libro e da Lectura.
Así mesmo, a presenza da AGE nas feiras internacionais do libro reforzarase coa elaboración dun catálogo propio de novidades, en inglés, destinado ás feiras de Boloña e Frankfurt.

A proxección exterior, un dos eixes fundamentais
Logo da valoración positiva por parte da Asociación Galega de Editoras da participación na Feira Internacional do Libro de Boloña con stand propio no ano 2018, o gremio das editoras galegas acordou recentemente asistir de novo, co mesmo sistema, á feira máis importante do mercado editorial de libro infantil e xuvenil, para o que conta coa colaboración de CEDRO. A contratación do espazo fíxose efectiva estes días e permitirá que as editoras galegas estean representadas polo seu propio gremio ademais de contar cun catálogo específico para esta feira, elaborado pola propia AGE e que incluirá as principais novidades das editoras asociadas.
Nas seguintes citas internacionais –principalmente Frankfurt e Liber– a AGE decidirá que modelo será o máis axeitado para o noso colectivo.

A formación centrará o peso das actividades
A formación en venda de dereitos será outra das accións prioritarias. Dirixida a profesionais interesados en obter recursos, así como elaborar estratexias de organización nas feiras internacionais. Ademais, a organización do Simposio Anual do Libro e a Lectura, centrará o traballo da entidade para o vindeiro exercicio.

Valoración da actividade e do traballo gremial en 2018
A organización anual do Simposio O Libro e A Lectura, que este ano se centrou no xénero da poesía; o Galeusca, celebrado na Coruña no mes de xuño, o I Encontro da Edición Galega e Portuguesa e a Xornada de Internacionalización do libro galego, en setembro, marcaron as actividades de formación gremial durante 2018.
Así mesmo, 2018 marcou unha nova etapa na presenza nas feiras internacionais, pois a AGE participou, por vez primeira con stand propio, na Feira Internacional do Libro Infantil e Xuvenil de Boloña.

Presenza en Cerdeña, Forum Edita Barcelona ou Literary Market de Valencia
Durante 2018 a AGE foi convidada a participar en diferentes actividades organizadas por outras entidades do sector editorial, coa finalidade de reforzar as oportunidades de negocio no exterior e traballar nas experiencias de éxito con outros gremios e editoras. Así, a AGE participou nas xornadas profesionais Liber & Liber, no mes de xullo, organizadas pola Asociación de Editores Sardos, en Alghero (Cerdeña), asistiu ao Forum Edita Barcelona (xullo) e, unha delegación de editoras galegas participaron no congreso Literary Market, celebrado en Valencia (novembro).

AGE, convidada ao 40 aniversario da Federación de Gremios de Editores de España
O pasado 18 de decembro a AGE participou no acto de conmemoración do 40 aniversario que a Federación de Gremios de Editores de España, celebrado na sala do Padroado da Biblioteca Nacional. A este evento acudiron, ademais do Presidente da FGEE, Daniel Fernández, representantes das asociacións gremiais federadas, entre as que se atopaba a AGE, representada polo seu presidente, Xosé Ballesteros. Contou tamén coa presenza da directora da Biblioteca Nacional, Ana Santos; o ministro de Cultura e Deporte, José Guirao e a subdirectora xeral de Promoción do Libro, a Lectura e as Letras Españolas, Begoña Cerro.
A Asociación Galega de Editoras valorou positivamente o compromiso anunciado neste acto por parte do Ministro de Cultura, José Guirao: o seu departamento duplicará a partida destinada á compra de novidades para as bibliotecas como prioridade para o vindeiro exercicio 2019.”

A Coruña: Libros a monte III

Barcelona: participación de CEDRO en Liber 2018

CEDRO participa un ano máis en Liber, a Feira Internacional do Libro, que se celebrará do 3 ao 5 de outubro, no Recinto Gran Vía de Fira Barcelona, Pavillón 1.

O stand de CEDRO (419D) inaugúrase o 2 de outubro, ás 20:00 horas.

O 3 de outubro, ás 11:15 horas, en CC1. Sala 1.3, terá lugar a seguinte mesa redonda, organizada con ACE, nas xornadas profesionais da feira:
“Escritores, pensións e dereitos de autor na Unión Europea”
Participan:
– José Jorge Letria, Presidente da Sociedade Portuguesa de Autores (SPAUTORES).
– Manuel Rico, Presidente da Asociación Colexial de Escritores de España (ACE).
– Carme Riera, Presidenta de CEDRO.
– Marie Sellier, Presidenta da Société des Gens de Lettres (SGDL).
– Modera: D. Carles Mesa, xornalista.”

Burela: actos destacados na Feira do Libro 2018 para o 1 e 2 de setembro

O domingo 2 de setembro remata a Feira do Libro de Burela, que estará aberta na Praza da Mariña, con horarios de 11:00 a 14:00 h. e de 17:00 a 22:00 h., cos seguintes actos literarios destacados dentro do seu programa para estes días:

Sábado 1
19:00 h. Presentación de Senlleiras, de Antía Yáñez, publicado por Galaxia.
20:30 h. Presentación de Conserveiras de Celeiro, de Carlos Nuevo Cal.
21:00 h. Presentación de Hai mulleres, de Otero Regal.

Domingo 2
20:00 h. Presentación de Crua e Nua, libro de poemas ilustrado de Suevia Figueroa e Otto Treto.

Monforte: actos destacados da Feira do Libro 2018 para o 25 de agosto

O 25 de agosto finaliza a Feira do Libro de Monforte (na Rúa do Cardeal), organizada pola Federación de Librarías de Galicia, con horarios de 12:00 a 14:00 h. e de 18:00 a 22:00 h., co seguinte acto literario destacado dentro do seu programa para este día:

20:00 h. Presentación e recital de poesía e humor de Long Play, de Lois Pérez, publicado por Xerais.