Desde o blogue Criticalia, de Armando Requeixo:
“Velaquí a Tabela dos Libros de xuño. A seguir ofrécese a lista de títulos que Francisco Martínez Bouzas, Inma Otero Varela, Mario Regueira, Montse Pena Presas e eu estimamos como os máis recomendables entre os publicados nas últimas semanas.”
A
cuarta feira 6 de xuño, ás 20:00 horas, no local da A. C. Alexandre Bóveda (Rúa Olmos 16-18, 1º), na Coruña, preséntase o número 2 da revista de estudos rosalianos Follas Novas. No acto participan Anxo Angueira, Xosé Luís Axeitos, Pilar García Negro e Diego Rodríguez González.
Desde 
o Consello da Cultura Galega:
“O Pleno da institución votou favorablemente a candidatura de Rosario Álvarez Blanco, única presentada para a presidencia do Consello da Cultura Galega trala finalización do mandato de Ramón Villares. A nova Presidenta do CCG xa ostentaba a vicepresidencia da institución desde 2010.
Rosario Álvarez comparecerá como presidenta electa no Parlamento de Galicia nas datas que fixe esta institución e o seu nomeamento será efectuado no Consello da Xunta de Galicia, tralo que será publicado no Diario Oficial de Galicia. Trala súa incorporación oficial, o Pleno do Consello da Cultura Galega elixirá os membros da Comisión Executiva por proposta da presidenta.
No seu discurso de presentación, Rosario Álvarez debullou as liñas estratéxicas da súa candidatura, que definiu como de “continuidade, non continuísmo” e como unha nova etapa que incorporará “novo pulo, novos retos e novos modos” á institución. Álvarez destacou a súa aposta pola xestión participativa e por “explotar ao máximo a fortaleza representativa do CCG” e o seu “carácter referencial” para a cultura galega.
Rosario Álvarez subliñou a necesidade de traballar desde o CCG pola igualdade de xénero na cultura, pero tamén na igualdade de oportunidades no acceso a esta, a través de tres eixos: “a idade, o territorio (eixo atlántico /provincias orientais) e o hábitat”. (…)”
O
6 de xuño continúa a Semana do Libro de Compostela (na Praza da Quintana, con horario de 17:00 a 21:00 horas), organizado polo Concello de Santiago, cos seguintes actos literarios destacados para este día dentro do seu programa:
– 18:30 h. Contos do mundo. As viaxes de Irene. Contacontos sobre as viaxes de Irene (filla de cooperantes) a distintos lugares onde ten presenza a Cooperación Internacional de SIG (Solidariedade Intenacional Galicia); América Central, campamentos de refuxiados saharauís, Senegal, rexión andina ou Oriente Próximo.
– 19:00 h. Librería Lenda. In tempus veritas (viaxe pictopoética). Xabier Ron (poeta), Xosé Poldras (gravador) e Xosé Antonio Ferreira (músico).
– 20:00 h. Librería Lenda. Atlas dos hórreos de Galicia. Presentación do libro Atlas dos Hórreos de Galicia, de Carlos Regueira Méndez.
A
III Gala do Libro Galego, coorganizada pola Asociación de Escritoras e Escritores en Lingua Galega, a Asociación Galega de Editoras e a Federación de Librarías de Galicia, tivo lugar o sábado 19 de maio no Teatro Principal de Santiago de Compostela.
Aquí pode verse a crónica videográfica completa, da que destacamos hoxe estas intervencións:
– Premio na categoría de Teatro: Río Bravo, de Chévere (Kalandraka Editora):
– Premio na categoría de Narrativa: A nena do abrigo de astracán, de Xabier P. DoCampo (Edicións Xerais de Galicia).
– Premio na categoría de Poesía: Camuflaxe, de Lupe Gómez (Chan da Pólvora Editora).
Estas son algunhas das fotografías do Paseo pola Pontevedra Literaria con Manuel Lourenzo González, que tivo lugar o sábado 26 de maio. A crónica fotográfica completa pode verse aquí.
Desde
o Diario Cultural da Radio Galega:
“Presentado, tres meses despois do seu falecemento, polos seus amigos. “El sentíase poeta”. A entrevista pode escoitarse aquí.”
