Libro de actas do Congreso de Poesía Nós tamén navegar. 40 anos de poesía galega

Nós tamén navegar. 40 anos de poesía galega foi o título do Congreso de Poesía organizado pola AELG, que tivo lugar en 2017 co apoio do Concello de Pontevedra, co que se pretendeu facer unha revisión da poesía galega nos últimos catro decenios, un exame da súa situación actual e do peso da poesía no sistema literario e na sociedade galega, tendo en conta a relevante diversidade de propostas, achegas e temáticas que mostran as diferentes poéticas existentes, e tamén analizar colectivamente os retos para o futuro.

Xa está dispoñíbel o libro de actas.

O sector do libro galego demanda á Xunta de Galicia accións urxentes ante a crise do coronavirus

A Asociación Galega de Editoras (AGE), a Federación de Librarías de Galicia (FLG) e a Asociación de Escritoras e Escritores en Lingua Galega (AELG) remitiron hoxe ao conselleiro de Cultura e Turismo da Xunta de Galicia, Román Rodríguez, un documento onde demandan ao goberno galego unha serie de accións urxentes ante a crise do coronavirus

As tres entidades expresamos a nosa fonda preocupación polos efectos que a crise do COVID19, co estado de Alarma decretado en todo o estado Español, vaia ter sobre o sector do libro galego.

Consideramos que existe un alto risco de que moitas das empresas que conforman o tecido do libro galego non poidan superar as dificultades económicas derivadas desta crítica situación, un panorama que non ten precedentes.

A preocupación arrastra á totalidade do noso colectivo, dende empresas editoras e librarías —moitas delas, microempresas ou negocios unipersonais baixo o réxime de autónomos— ata as autoras e autores. Todo o seu traballo e mesmo a súa supervivencia atópanse en claro risco de continuidade.

Neste sentido, cómpre lembrar que a industria do libro galego constitúe hoxe o primeiro sector cultural do país, e son precisamente as pequenas e medianas empresas que o conforman as que garanten a súa pluralidade e diversidade. O posible peche destas empresas, como consecuencia da crise do coronavirus, suporía unha perda irreparable para a cultura galega.

O cálculo realizado polo sector do libro en Galicia sitúa nun 30%, como mínimo, a previsión de diminución da facturación para este ano. Os datos ofrecidos polas Cámaras do Libro de España cifran esa redución a nivel estatal en mil millóns de euros, 800 procedentes do mercado interior e 200 millóns do mercado exterior do libro.

Ante este panorama, as presidencias da Asociación Galega de Editoras, da Asociación de Escritores e Escritoras en Lingua Galega e da Federación de Librarías de Galicia en representación das empresas e autoría agremiadas, solicitamos á Consellería de Cultura e Turismo e ao goberno galego as seguintes medidas para o sector do libro en Galicia. En primeiro lugar recollemos as propostas que foron trasladadas ao goberno central a través da Federación de Gremios de Editores de España e as Cámaras do Libro de España nestes días:

– Dispoñer de créditos a interese cero para as empresas do sector para poder facer fronte aos problemas graves de tesouraría derivados da parada repentina da actividade económica.
– Autorizar o atraso do pagamento das retencións do IRPF para empresas e autónomos.
– Suspender o pagamento das cotas da Seguridade Social para empresas e autónomos durante o vindeiro semestre.
– Facilitar o pagamento do IVE do 1º e 2º trimestre.
– Suprimir o pagamento do IBI das librarías.

Paralelamente, e de xeito complementario a estas propostas, propoñemos un paquete de OITO MEDIDAS ESENCIAIS, encamiñadas a incentivar a demanda do libro galego:
– Pór en marcha un Bono familiar que fomente a compra en librarías.
– Incrementar nun 50% a dotación para a compra de libros por parte de todas as bibliotecas públicas.
– Preparar unha campaña especial de fomento da lectura que integre a toda a sociedade. Que pode empezar xa por un plan transversal de promoción lectora neste momento de reclusión.
– Deseñar un verdadeiro plan de potenciamento do libro galego dentro e fóra do país, con especial detemento naquelas estratexias que promovan a poñan en valor a súa internacionalización.
– Crear unha liña especial de axudas para a edición.
– Ampliar os prazos de execución e xustificación das accións subvencionadas en 2020. Flexibilizar todas as tramitacións das axudas, simplificar a entrega de documentación, axilizar os pagamentos.
– As librarías (aquelas que teñan os CNAE 4761 e 4762, sendo a súa actividade principal a venda de libros) deben ser a canle comercializadora preferente para calquera compra con fondos da administración pública e/ou realizadas por entidades públicas.
– Reorientar as asignacións económicas previstas para o Xacobeo 2021 para destinar máis recursos á edición, á actividade dos escritores/as, ás librarías, e contar coas librarías nas campañas de divulgación de Galicia como destino turístico e nas accións difusoras do Xacobeo.

Adiados os Paseos pola Coruña Literaria primavera 2020

Os Paseos pola Coruña Literaria primavera 2020 son unha iniciativa da AELG desenvolvida coa colaboración e patrocinio do Servizo de Normalización Lingüística do Concello da Coruña
Estes Paseos constitúen unha iniciativa para coñecermos unha cidade diferente da man de diferentes autoras e autores.

– Están destinados a persoas maiores de 16 anos e son gratuítos.
– É necesaria a inscrición, pois están limitados a 55 prazas.
– A inscrición pódese facer en Normalización Lingüística no Centro Ágora, chamando ao 981 184 200 ext. 34333 e 34321 (a partir das 9:00 h, en calquera dos casos) e no correo inscricionslingua@coruna.es.

Por causa da suspensión de todas as actividades municipais até novo aviso, quedan adiados estes paseos, pendentes de confirmar as novas datas en que terán lugar.

Olivia Rodríguez. A Coruña de Luz Pozo Garza.
​Faremos un percorrido polos espazos vitais e poéticos de Luz Pozo Garza na nosa cidade e deterémonos naqueles lugares máis significativos na súa traxectoria.

María Canosa. Peregrina na miña cidade.
O paseo rememorará a visión de dúas protagonistas dos últimos libros da autora. Nunha delas, a protagonista chega á cidade por mar e sentirase atraída por todo aquilo que é a fachada da cidade pero tamén polo que queda ás súas costas. A segunda protagonista vive dentro da cidade e transita os espazos menos pintorescos e máis prosaicos, o día a día, a cidade que se “usa”.

África López Souto. Concepción Arenal na Coruña: escoitando as “malas mulleres”.
Faremos un percorrido aberto e participativo pola presenza de Concepción Arenal na nosa cidade, incidindo nas súas perspectivas en relación a unha visión humanitaria do castigo, a potencia da amizade entre mulleres, centrada na súa relación con Juana de Vega, e o legado que deixou a súa vida e obra na nosa cidade.

Xosé Antón Bocixa e Emma Pedreira. O éxodo, a ruína.
Un paseo pola poética da memoria e da casa baleira e abandonada e que fica no silencio da ruína, desde o audiovisual ao literario, coa mirada diversa e complementaria destes creadores.

Adiada a Gala dos Premios da Gala do Libro Galego

As entidades organizadoras da Gala do Libro Galego 2020, Asociación de Escritoras e Escritores en Lingua Galega (AELG), Federación de Librarías de Galicia (FLG) e Asociación Galega de Editoras (AGE), acordamos -debido á situación actual e seguindo as recomendacións das autoridades sanitarias- adiar o evento en principio ata o outono deste ano. A organización da Gala dará a coñecer a nova data de celebración e comunicará se se mantén o formato actual en función das circunstancias e cando a situación o permita.

Moita saúde e sorte para todos/as.

A Asociación de Escritoras e Escritores en Lingua Galega ante a pandemia do coronavirus COVID-19

A Asociación de Escritoras e Escritores en Lingua Galega (AELG), ante a evolución epidemiolóxica do coronavirus COVID-19, quere manifestar, canda os demais colectivos do tecido cultural do noso país, a súa fonda preocupación polo grave impacto que están a ter na nosa sociedade as consecuencias desta epidemia, deixando un rastro de enfermidade, sufrimento, dor e perda entre toda a cidadanía. Igualmente, dende a AELG observamos con gran preocupación os efectos sociais e económicos derivados das medidas de contención da epidemia que se están a dar en todos os colectivos afectados por esta crise.
Para todos eles, a nosa solidariedade, afecto e comprensión.
As traballadoras e traballadores da cultura, entre quen nos contamos, non somos alleas ao drama desta situación que, con ser grave, probabelmente o sexa máis aínda no seu desenlace cun panorama que comportará, en moitos casos, miseria, escaseza, precariedade e dificultades para a subsistencia.
Neste momento, é incalculábel o dano que ao noso sector lle están a provocar a cancelación de todo tipo de actividades culturais en todo o Estado -o peche dos espazos escénicos, museos, bibliotecas e programas, entre outros, durante un período inicial de quince días que ben puidese ser ampliado, no peor dos supostos.
Así, o Goberno do Estado puxo xa sobre a mesa a posibilidade de adiar uns meses o pagamento da cota das persoas que están dadas de alta como autónomas. Mais aos prexuízos económicos que ocasiona a cancelación dos actos culturais, debemos engadir tamén o custo de todos aqueles gastos que as traballadoras e traballadores da cultura deberán seguir asumindo neste tempo, poñendo en serio risco o seu medio de vida e o das súas familias.
Ao forte impacto social que ocasiona a anulación de toda programación cultural no seu sentido máis amplo, cómpre engadirmos a invisibilización e o acompañamento social e económico da cultura no noso día a día, pois a cultura contribúe decisivamente ao benestar das persoas.
Paralelamente, esta crise comportará irremediabelmente o deterioro da proxección exterior -alén do espazo estatal- da nosa cultura e a nosa lingua. As consecuencias da cancelación de feiras internacionais do libro, festivais e similares, comportarán tamén importantes perdas e custos para a economía da nosa cultura.
A historia da nosa lingua e da nosa cultura é unha historia, como a do noso país, de dificultades e carencias, pero tamén o é de compromiso, resistencia e solidariedade.
Por iso, acompañaremos a cidadanía nun esforzo compartido por superar xuntas esta crise e recuperar a normalidade nas nosas vidas. E por iso, tamén, demandamos do Goberno da Xunta de Galicia, da Consellería de Cultura e do resto de institucións que teñen capacidade para facelo, o seu compromiso inequívoco coa nosa cultura e a nosa lingua. A implementación de medidas específicas de apoio aos distintos colectivos do sector, a habilitación de partidas económicas que garantan a continuidade da nosa industria cultural e poidan contribuír a paliar as situacións aquí descritas, constitúen unha prioridade para o país.

Vivimos unha emerxencia, tamén cultural. Debemos coidala e recuperala, mais precisamos a axuda de quen pode facelo, antes de que sexa demasiado tarde.

O Consello Directivo da Asociación de Escritoras e Escritores en Lingua Galega

A AELG recolle e abeira as iniciativas culturais: rechiade e unídevos baixo cancelos comúns como #CorentenaLiteraria, #Euquedonacasa, #LerGalegoSempre, #Acasainfinita, #DescobreACulturaGalega, #CulturaGalegaCuradora e #CulturaNaRede

Rechiade e unídevos baixo cancelos comúns como #CorentenaLiteraria, #Euquedonacasa, #LerGalegoSempre, #Acasainfinita, #DescobreACulturaGalega, #CulturaGalegaCuradora, #CulturaNaRede e/ou #aculturasegue.
Ante o forte impacto social que provoca a anulación de toda a programación cultural, en sentido amplo, e a desaparición da visibilidade e acompañamento social e económico da cultura do noso día a día como cidadanía, desde a AELG recollemos e abeiramos as iniciativas #culturais que se están a levar a cabo para a promoción da #culturagalega, proba da rede de creación e afecto que somos, coidando a nosa #mente e a nosa #comunidade.

Aquí poden seguirse as publicacións nas redes sociais cos correspondentes cancelos:

Facebook
#CorentenaLiteraria
#Euquedonacasa
#LerGalegoSempre
#Acasainfinita
#DescobreACulturaGalega
#CulturaGalegaCuradora
#CulturaNaRede

Twitter
#CorentenaLiteraria
#Euquedonacasa
#LerGalegoSempre
#Acasainfinita
#DescobreACulturaGalega
#CulturaGalegaCuradora
#CulturaNaRede

Pontevedra: Escola de Escritoræs. Obradoiro de creación literaria Mulleres na literatura do cotián, con Montse Fajardo

O Obradoiro de creación literaria Mulleres na literatura do cotián é unha iniciativa da Escola de Escritoras/es da AELG, co patrocinio e colaboración do Pazo da Cultura e o Concello de Pontevedra.

Desde unha perspectiva feminista, o obradoiro busca afondar na literatura do cotián, nos relatos protagonizados por mulleres “do común”. Irá na procura de historias do día a día, na realización de textos baseados en experiencias propias ou protagonizados por mulleres “reais” afastadas tanto das heroínas como das damas en apuros que coparon a literatura durante séculos. A creación será usada como terapia, como arma de empoderamento e sororidade, que nos convenza de que cada vida é unha historia única que merece a pena vivir e contar devagar.

O obradoiro será impartido por Montse Fajardo e contará cunha sesión especial de Inma López Silva. Noutra sesión estará presente a actriz Sheyla Fariña, que participou na adaptación teatral do libro Invisibles.

Calendario e inscrición
– Días: sábados 9, 16, 23 e 30 de maio; e sábados 6, 13, 20 e 27 de xuño de 2020
– Horarios: de 10:30 a 12:30
25 prazas para persoas maiores de 16 anos.
Inscrición, gratuíta, no correo electrónico oficina@aelg.org
– As prazas asignaranse por orde de solicitude.

O obradoiro desenvolverase no Pazo da Cultura (Rúa Alexandre Bóveda), no Seminario 8 – Aula da Escola de Escritoræs da AELG.

Información sobre protección de datos
A/O responsábel do tratamento é a Asociación de Escritoras e Escritores en Lingua Galega. A finalidade do tratamento é a prestación do servizo que se detalla na solicitude ou actividade organizada. A base legal do tratamento é o cumprimento dunha obriga contractual na prestación dun servizo. Os seus datos conservaranse unicamente durante os prazos de prescrición legalmente aplicábeis. Pódense comunicar os seus datos a terceiras/os organizadoras/es ou colaboradoras/es da actividade. No caso de solicitar certificado de asistencia, os seus datos comunicaranse ao/á impartidor/a da actividade. Pode acceder, rectificar, suprimir os seus datos e nos casos determinados opoñerse ao tratamento, limitar o seu uso ou portar a outra/o responsábel. Tamén pode solicitar a tutela da Axencia Epañola de Protección de Datos ou presentar unha reclamación ante a mesma.

Adiado o Paseo pola Coruña Literaria con Olivia Rodríguez sobre A Coruña de Luz Pozo Garza, o sábado 21 de marzo

Os Paseos pola Coruña Literaria primavera 2020 son unha iniciativa da AELG desenvolvida coa colaboración e patrocinio do Servizo de Normalización Lingüística do Concello da Coruña
Estes Paseos constitúen unha iniciativa para coñecermos unha cidade diferente da man de diferentes autoras e autores.

– Están destinados a persoas maiores de 16 anos e son gratuítos.
– É necesaria a inscrición, pois están limitados a 55 prazas.
– A inscrición pódese facer en Normalización Lingüística no Centro Ágora, chamando ao 981 184 200 ext. 34333 e 34321 (a partir das 9:00 h, en calquera dos casos) e no correo inscricionslingua@coruna.es, nas seguintes datas:
Olivia Rodríguez. Inscrición desde o xoves 12 de marzo. (Por causa da suspensión de todas as actividades municipais durante quince días, queda adiado este paseo, pendentes de confirmar a nova data).
María Canosa. Inscrición desde o luns 23 de marzo.
África López. Inscrición desde o luns 6 de abril.
Xosé Antón Bocixa e Emma Pedreira. Inscrición desde o luns 27 de abril.

Sábado 21 de marzo (a partir das 12:00 h.): Olivia Rodríguez. A Coruña de Luz Pozo Garza. Inscrición: desde o xoves 12 de marzo. O DÍA 13 DE MARZO DE 2020 O CONCELLO DA CORUÑA CANCELOU TODAS AS ACTIVIDADES EN QUINCE DÍAS E, POR TANTO, QUEDA ADIADO O PRIMEIRO DOS PASEOS, PENDENTE DE CONFIRMAR A NOVA DATA EN QUE SE REALIZARÁ.
​Faremos un percorrido polos espazos vitais e poéticos de Luz Pozo Garza na nosa cidade e deterémonos naqueles lugares máis significativos na súa traxectoria.

Sábado 4 de abril (a partir das 12:00 h.): María Canosa. Peregrina na miña cidade. Inscrición: desde o luns 23 de marzo.
O paseo rememorará a visión de dúas protagonistas dos últimos libros da autora. Nunha delas, a protagonista chega á cidade por mar e sentirase atraída por todo aquilo que é a fachada da cidade pero tamén polo que queda ás súas costas. A segunda protagonista vive dentro da cidade e transita os espazos menos pintorescos e máis prosaicos, o día a día, a cidade que se “usa”.

Sábado 18 de abril (a partir das 12:00 h.): África López Souto. Concepción Arenal na Coruña: escoitando as “malas mulleres”. Inscrición desde o luns 6 de abril.
Faremos un percorrido aberto e participativo pola presenza de Concepción Arenal na nosa cidade, incidindo nas súas perspectivas en relación a unha visión humanitaria do castigo, a potencia da amizade entre mulleres, centrada na súa relación con Juana de Vega, e o legado que deixou a súa vida e obra na nosa cidade.

Sábado 9 de maio (a partir das 12:00 h.): Xosé Antón Bocixa e Emma Pedreira. O éxodo, a ruína. Inscrición desde o luns 27 de abril.
Un paseo pola poética da memoria e da casa baleira e abandonada e que fica no silencio da ruína, desde o audiovisual ao literario, coa mirada diversa e complementaria destes creadores.

Paseos pola Coruña Literaria primavera 2020

Os Paseos pola Coruña Literaria primavera 2020 son unha iniciativa da AELG desenvolvida coa colaboración e patrocinio do Servizo de Normalización Lingüística do Concello da Coruña
Estes Paseos constitúen unha iniciativa para coñecermos unha cidade diferente da man de diferentes autoras e autores.

– Están destinados a persoas maiores de 16 anos e son gratuítos.
– É necesaria a inscrición, pois están limitados a 55 prazas.
– A inscrición pódese facer en Normalización Lingüística no Centro Ágora, chamando ao 981 184 200 ext. 34333 e 34321 (a partir das 9:00 h, en calquera dos casos) e no correo inscricionslingua@coruna.es, nas seguintes datas:
Olivia Rodríguez. (Por causa da suspensión de todas as actividades municipais até novo aviso, queda adiado este paseo, pendentes de confirmar a nova data).
María Canosa. (Por causa da suspensión de todas as actividades municipais até novo aviso, queda adiado este paseo, pendentes de confirmar a nova data).
África López. Inscrición desde o luns 6 de abril.
Xosé Antón Bocixa e Emma Pedreira. Inscrición desde o luns 27 de abril.

Data por confirmar (a partir das 12:00 h.): Olivia Rodríguez. A Coruña de Luz Pozo Garza. (Por causa da suspensión de todas as actividades municipais até novo aviso, queda adiado este paseo, pendentes de confirmar a nova data).
​Faremos un percorrido polos espazos vitais e poéticos de Luz Pozo Garza na nosa cidade e deterémonos naqueles lugares máis significativos na súa traxectoria.

Data por confirmar (a partir das 12:00 h.): María Canosa. Peregrina na miña cidade. (Por causa da suspensión de todas as actividades municipais até novo aviso, queda adiado este paseo, pendentes de confirmar a nova data).
O paseo rememorará a visión de dúas protagonistas dos últimos libros da autora. Nunha delas, a protagonista chega á cidade por mar e sentirase atraída por todo aquilo que é a fachada da cidade pero tamén polo que queda ás súas costas. A segunda protagonista vive dentro da cidade e transita os espazos menos pintorescos e máis prosaicos, o día a día, a cidade que se “usa”.

Sábado 18 de abril (a partir das 12:00 h.): África López Souto. Concepción Arenal na Coruña: escoitando as “malas mulleres”. Inscrición desde o luns 6 de abril.
Faremos un percorrido aberto e participativo pola presenza de Concepción Arenal na nosa cidade, incidindo nas súas perspectivas en relación a unha visión humanitaria do castigo, a potencia da amizade entre mulleres, centrada na súa relación con Juana de Vega, e o legado que deixou a súa vida e obra na nosa cidade.

Sábado 9 de maio (a partir das 12:00 h.): Xosé Antón Bocixa e Emma Pedreira. O éxodo, a ruína. Inscrición desde o luns 27 de abril.
Un paseo pola poética da memoria e da casa baleira e abandonada e que fica no silencio da ruína, desde o audiovisual ao literario, coa mirada diversa e complementaria destes creadores.

Crónica videográfica do acto central do Día de Rosalía 2020 (III)

O acto central do Día de Rosalía 2020 tivo lugar o domingo 23 de febreiro no Panteón de Galegos Ilustres, en Santiago de Compostela.

Aquí pode verse a crónica videográfica completa, da que destacamos hoxe estas intervencións:

Ofrenda floral e interpretación do Himno Galego: