Arquivo da categoría: Poesía
Xunqueira de Ambía: Aldearmos. Tangaraño Cultural 2023, o 25 de marzo
Vídeo do Centenario de Luz Pozo Garza na Cátedra Valente
Compostela: “Xornada técnica na Biblioteca de Galicia. Un bosque cheo de libros”
Yolanda Castaño lanza o seu primeiro audiolibro, Materia
“O pasado xuño e tras oito anos sen publicar un novo libro de poesía para público xeral adulto, vía a luz en Edicións Xerais Materia, o sétimo título de Yolanda Castaño. En poucas semanas esgotábase a edición de mil exemplares e o poemario da autora compostelano-coruñesa alcanzaba unha segunda edición, un feito pouco usual para as cifras da poesía culta en Europa.
Como vén sendo habitual na traxectoria da tamén xestora cultural, o poemario está a piques de saír do prestixioso selo de Visor Libros para o resto de España e Latinoamérica. Farao nunha edición bilingüe galego-castelán que inclúe a tradución da propia autora e unha fermosa portada dos artistas galegos de puxante proxección internacional Los Bravú.
Pero, ademais, o libro –que trata en verso o tema da familia na súa proxección pretérita, presente e futura– alcanza agora unha edición en Audiolibro: un formato baseado na escoita dos poemas que o compoñen, recitados pola propia Castaño sobre suxestivas atmosferas sonoras expresamente creadas para cada peza polo seu irmán, Alberto Castaño, a carón doutros colaboradores.
Este formato audible é de acceso libre e gratuíto a través da propia páxina da poeta. O proxecto recibiu a finais do pasado ano unha Axuda á Creación Artística do Concello da Coruña cuxo resultado agora poden gozar todas aquelas persoas interesadas en escoitar os poemas.”
Ribeira: presentación da tradución das Sátiras, de Horacio
A Coruña: Homenaxe da Real Academia Galega a Darío Xohán Cabana
A Coruña: conferencia “A proxección autoral das poetas galegas nas redes sociais dixitais”, con Inma Doval Porto
O 23 de marzo, ás 19:30 h., na A. C. Alexandre Bóveda da Coruña (Rúa Santo André, 36, 1º), dentro do ciclo Aula Aberta coa UDC, Inma Doval falaranos da proxección autoral das poetas galegas nas redes sociais dixitais: catro casos representativos. A consolidación das redes sociais dixitais facilita a comunicación e a relación entre as persoas, ao tempo que supón a creación dun novo espazo público para a (re)presentación do Eu, en moitas ocasións, cun carácter performativo. Nesta palestra analizarase a proxección autoral de catro poetas galegas contemporáneas (Helena Villar Janeiro, Dores Tembrás, Afra Torrado e Estíbaliz Espinosa) nas redes sociais dixitais e como as utilizan para se (re)presentar ante a mirada dunha audiencia múltiple e heteroxénea e para crearen un espazo (auto)biográfico cohesivo para a elaboración e recuperación da memoria individual e colectiva. As autoras empregarán estas esferas públicas conectadas como lugares de ciber-activismo e empoderamento co obxectivo final de-construíren o discurso hexemónico. As persoas interesadas poden inscribirse aquí.
Lugo a Versos 2023
A AELG colabora con Lugo a Versos 2023, actividade da Área de Cultura, Turismo e Promoción da Lingua do Concello de Lugo e o Centro Sociocultural O Vello Cárcere de Lugo.
Achégase o Día Mundial da Poesía, e con el, o noso xa tradicional “Lugo a Versos”!
Esta actividade, aberta a toda a cidadanía, ten como principal obxectivo tecer unha rede de poesía galega vencellada ao Cárcere tanto no eido virtual como presencial. Por iso, durante a vindeira semana, encheremos as redes sociais coas propostas recibidas, e finalmente organizaremos un recital de poesía no panóptico do Centro.
→ Bases de participación na dinámica virtual #LugoaVersos:
– A dinámica virtual dará comezo o luns 20 e rematará o sábado 25 de marzo.
– Durante eses días, as persoas interesadas en participar deberán subir ás súas redes sociais (Facebook, Instagram, Twitter) un vídeo recitando poesía, ou ben unha imaxe compartindo un poema en formato texto.
– Cada poema deberá ir acompañado do título e da autoría correspondente (que pode ser propia ou non).
– Todos os vídeos ou imaxes que formen parte desta iniciativa deberán ir acompañados dos cancelos #OVelloCarcere e #LugoaVersos, e etiquetar os perfís de O Vello Cárcere (Facebook, Instagram ou Twitter).
→ Bases de participación no recital “Lugo a Versos” no panóptico do Centro:
– O recital de poesía terá lugar o sábado 25 de marzo ás 18:00 h. no Vello Cárcere.
– As persoas interesadas en recitar deberán inscribirse nunha listaxe de participantes chamando ao 982297195, entre o luns 20 e o venres 24 de marzo ás 18:00 h.
– Durante o evento, e previa autorización das persoas participantes, gravaranse as intervencións co fin de ser posteriormente publicadas na nosa canle de Youtube e promocionadas a través das redes sociais.
– O acto estará aberto ao público ata completar cabida.
Convidámosvos a participar nesta festa da poesía que é “Lugo a Versos”!
Viveiro: presentación de Brinde e desespero, de Miguel Sande
