O 1 de xullo, ás 19:30 horas, na A. C. Alexandre Bóveda (Rúa Santo André, 36, 1º), na Coruña, preséntase o libro Cantos de dor e liberdade, voces galegas por Palestina, publicado por Tempo Galiza Editora. Participan nesta presentación o profesor Carlos Aymerich Cano, autor do prólogo; Iván Prado, de Pallasos en Rebeldía; Marga do Val, Igor Lugrís, Xulio López Valcárcel, Celso Álvarez Cáccamo, Julia Aguiar, Mensi Cortizas, Sabela Losada e Estíbaliz Espinosa. As persoas interesadas poden inscribirse aquí.
Arquivos da etiqueta: Celso Álvarez Cáccamo
Falece aos 71 anos o escritor Alfonso Álvarez Cáccamo
Desde Nós Diario:
“O escritor e profesor vigués Alfonso Álvarez Cáccamo (Vigo, 23 de outubro de 1952 – 4 de marzo de 2024) faleceu na tarde da segunda feira aos 71 anos de idade no Hospital Álvaro Cunqueiro, onde, segundo puido saber Nós Diario, levaba semanas ingresado por mor dunha enfermidade. Salientou como autor cultivando diferentes xéneros como a novela, o relato ou o ensaio, destacando especialmente como narrador, e no seu haber contaba con múltiples distincións como o Premio Xerais de Novela, o Premio Álvaro Cunqueiro de Narrativa ou o Premio de Novela Café de Catro a Catro.
Álvarez Cáccamo cursou os estudos de Filoloxía e Maxisterio e exerceu como profesor no CPI de Panxón, en Nigrán (comarca de Vigo), até que se xubilou hai xa unha década após 35 anos dedicados á docencia. Era fillo de Xosé María Álvarez Blázquez, de quen traduciu ao galego dúas obras —Na vila hai caras novas e Enchen as augas— e irmán dos tamén escritores Xosé María e Celso Álvarez Cáccamo, da pintora Berta Cáccamo e mais da asistente de clínica —xa xubilada— Elena. (…)
Nunha entrevista gravada no museo MARCO de Vigo en 2009 e recollida pola Asociación de Escritoras e Escritores en Lingua Galega (AELG), Álvarez Cáccamo apuntaba ao seu contexto familiar como “decisivo” para decidirse a escribir, mais apuntaba igualmente ao seu gusto polas artes plásticas que tamén cultivou profesionalmente a súa irmá Berta: “Non só comecei a escribir moi noviño, senón tamén a debuxar, dúas afeccións que levo moi intimamente ligadas. Se tivese que escoller, non sei cal me reconfortaría máis”.
“Desde moi pequeno, ademais do pracer de escribir e de contar as cousas que me arrodeaban, tamén era o propio pracer táctil de coller o lapis e facer frases; mesmo facer uns libriños o meu irmán e eu que logo grampabamos”, engadira naquela conversa, incidindo na súa enorme paixón pola escrita.”
A Coruña: actividades do 2 de agosto na Feira do Libro 2022
A Coruña: presentación de Xosé María Álvarez Blázquez. Mestre republicano, de Narciso de Gabriel
A Coruña: lanzamento de Os Passos da Procura, de Celso Álvarez Cáccamo
Cadáveres exquisitos, artigo de Armando Requeixo
Desd
e Criticalia, blogue de Armando Requeixo:
“(…) Para o caso galego o antecedente histórico máis notorio é o telúrico “Poema a tres voces”, escrito por María Mariño, Uxío Novoneyra e mais Ramón Regueira na Casa Grande de Parada do Courel o 26 de novembro de 1966 e hoxe publicado nas páxinas da revista A trabe de ouro, un texto do que se cumpre agora medio século da súa creación. Con posterioridade, practicaron abondosamente este xénero os poetas de Rompente, quen asinaron numerosos textos colectivos nos seus libros grupais.
Alén diso, pode considerarse unha iniciativa parella a levada adiante por Camilo Franco en Por conto alleo, libro no que recolleu medio cento de relatos que a fins de 1999 escribira baixo a proposta en cada caso dun tándem de palabras que os internautas suxeriron ao autor para que as fose incluíndo en cada conto.
A última gran proposta nesta liña veu da man do poeta Igor Lugris, quen tamén a través da Rede convidou á participación nun cadáver exquisito cibernético que dende a primavera do 2007 se multiplicou ata chegar a máis de medio cento de versións, que foron recitadas e amosadas nun Expo-Cadáver celebrado en Ponferrada. Naquel cibercadáver exquisito participaron, entre moitos outros, poetas galegos como Elvira Ribeiro, Xavier Queipo, Emma Pedreira, Antía Otero, Daniel Salgado, Alberto Lema, Séchu Sende, Celso Álvarez Cáccamo, Mario Regueira, Oriana Méndez ou Estíbaliz Espinosa. Ningunha proba mellor para demostrar que o cadáver está moi vivo e segue a ser un exquisito artefacto literario.”
Letras en familia, por Armando Requeixo
Desde Criticalia, de Armando Requeixo:
“(…) Galicia tamén deu ao mundo familias literarias de mérito. Só cómpre lembrar o rexionalista Uxío Carré Aldao e os seus tres fillos Uxío, Leandro e Lois Galo Carré Alvarellos; os irmáns Antón e Ramón Villar Ponte, fundadores e destacados persoeiros das Irmandades da Fala; Vicente Risco e o seu fillo Antón; Álvaro Cunqueiro e o seu fillo maior César; Fermín Bouza Trillo, o seu fillo Bouza-Brey e o seu neto Bouza Álvarez; e, mais nos nosos días, os irmáns De Toro (Suso, Xelís e Antonio Raúl), Villar (Miro e Rafa) ou Valcárcel (Xulio e Xesús Manuel), Xosé Luís Méndez Ferrín e María Xosé Queizán e as poetas Cristal Méndez Queizán e Oriana Méndez; Uxío Novoneyra e a súa filla Branca; Roberto Vidal Bolaño e o seu fillo Roi Vidal Ponte ou, por non ser prolixo, as Brontë galegas, as tres irmás poetas Andrea, Lara e Marcela Porto Mato.
Agora ben, se hai un caso entre nós que destaca pola súa admirable recursividade ese é o da familia Álvarez, insólita saga recollida no libro Escolma de familia (2000). Unha historia literaria que se remonta ao século XIX co bisavó dramaturgo e ensaísta Emilio Álvarez Giménez, que pasa polo avó poeta Xerardo Álvarez Limeses, os seus fillos Emilio e Xosé María Álvarez Blázquez ―polígrafo consumado que tiña un curmán, Emilio Álvarez Negreira, tamén escritor― e os fillos deste, Afonso, Xosé María e Celso Álvarez Cáccamo, poetas e narradores.”
Encontros Soberania(s): corpo, hábitos e territórios, dirixidos por Teresa Moure
PROGRAMA
15 de julho: Soberania sobre o corpo
– 10:30 h. As femem e as práticas discursivas para deconstruírmos o género. Teresa Moure, prof. titular de linguística da USC e escritora.
– 12:30 h. As novas identidades de género: soberania sobre o próprio corpo. Elvira de Burgos, prof. titular de filosofia da Univ. de Zaragoza. / Beatriz Suárez Briones, prof titular de teoria da literatura da Univ. de Vigo.
– 16:00 h. Corpos, géneros e sexualidades. A pergunta pela liberdade e pela dissidência. Laura Bugalho, ativista trans- feminista e sindicalista.
– 18:30 h. A soberania sobre o corpo. Para onde caminha o feminismo na Galiza? Laura Bugalho, supra. / Rocío Fraga, socióloga e ativista feminista em Non me pises o freghao. / Paula Ríos, linguista e ativista feminista em Mulheres Nacionalistas Galegas.
16 de julho: Soberania nacional e soberania ortográfica
– 10:00 h. O conceito de nação aqui e agora: Soberania nacional e história da Galiza. Carlos Morais, historiador, Secretário geral de Primeira Linha.
– 12:00 h. Galiza pela soberania. Que significa soberania nacional na época da globalização? Uxío-Breogán Diéguez, prof. de História na UDC e integrante da GpS. / Joam Péres, portavoz de Causa Galiza e integrante da GpS. / Ana Viqueira, jornalista e integrante da coordenadora nacional da GpS.
– 16:00 h. Escribir/escrever en/em galego: o que implica mudar a norma? Carlos Quiroga, prof. titular de filologia portuguesa na USC e escritor.
– 18:30 h. Estratégias de domínio-submissão no caso galego: O combate entre normas ortográficas e a sua incidência na soberania nacional. Celso Álvarez Cáccamo, prof. titular de linguística na UDC e escritor. / Valentim Rodrigues Fagim, professor de portugués, editor e vice-presidente da AGAL. / Isabel Rei Samartim, professora de música no conservatório de Compostela e ativista reintegracionista.
17 de julho: Soberania sobre os hábitos.
– 10:00 h. Decrescentismo para viver melhor. Pensamentos alternativos na economia e na sociedade. Carlos Taibo, prof. titular de ciências políticas da UAM e escritor.
– 12:00 h. Soberania alimentar. Feminismo e decrescentismo, um projeto comum? Carlos Taibo, supra. / Isabel Vilalba, filóloga, secretaria geral do Sindicato Labrego Galego / Modera: Teresa Moure, supra.
– 16:00 h. Projeção e debate do documentário: Stop! Rodando el cambio, um projeto de ação mundial.
– 18:30 h. Economia feminista: na procura da soberania dos tempos e dos cuidados. Eva Aguayo, prof. contratada doutora de economia e coord. da Oficina de Igualdade e Género da USC.
18 de julho: Soberanias.
– 10:00 h. As conclusões à luz: O repto das soberanias duma perspetiva anti-globalizadora. Teresa Moure, supra.
– 11:30 h. Apresentação de comunicações.
– 16:00 h. Clausura e reparto de diplomas.
A Coruña: Capitalismo lingüístico: por que se está a perder a língua da Galiza (e que se pode fazer), por Celso Álvarez Cáccamo
A
terza feira 5 de novembro, ás 20:00 horas, na Fundación Paideia (Praza de María Pita) da Coruña, Celso Álvarez Cáccamo falará, dentro do ciclo Língua, Literatura e Naçom da A. C. O Facho, sobre Capitalismo lingüístico: por que se está a perder a língua da Galiza (e que se pode fazer).
Ferrol: presentación da colección Clássicos da Galiza e o Arquivo Digital da AGLP
“A 
sexta-feira, 20 de Janeiro, às 20:00 horas, serão apresentados os Clássicos da Galiza e o Arquivo Digital da AGLP nos locais da Escola Oficial de Idiomas (Rua Real, 29), de Ferrol. O evento conta com a organização da própria Fundaçom Artábria e com a colaboração da Pró Academia e do Departamento de Português da EOI de Ferrol. O presidente da AGLP, o catedrático José-Martinho Montero Santalha, apresentará a coleção CLÁSSICOS DA GALIZA, editada por Edições da Galiza em parceria com a Academia Galega da Língua Portuguesa, focando a sua exposição na edição do volume Queixume dos Pinhos e Outros Poemas. Os Clássicos da Galiza são uma reedição dos grandes autores galegos adaptados ao Acordo Ortográfico de 1990 com notas e glossários que enriquecem o texto literário. Celso Álvarez Caccamo apresentará o recentemente criado Arquivo Digital da AGLP, um inovador repositório de materiais digitalizados acerca da língua e cultura galega.” Vía Portal Galego da Língua.
