O
martes 28 de abril, ás 20:00 horas, no Resas Restaurante (Rúa Algalia de Abaixo, 33) de Santiago de Compostela, preséntase Cabalos e lobos, de Fran P. Lorenzo, XXXII Premio Blanco Amor de novela, publicado en Xerais. No acto, xunto ao autor, participan Belén Regueira e Manuel Bragado.
Arquivos da etiqueta: Edicións Xerais
Ferrol: actos destacados do sábado 25 e domingo 26 na Feira do Libro
O
domingo 26 de abril finaliza a Feira do Libro de Ferrol (na Praza da Constitución), organizada pola Federación de Librarías de Galicia, con horarios de 11:00 a 14:30 h. e de 17:30 a 21:30 h., cos seguintes actos literarios destacados dentro do seu programa: Programa da Feira do Libro de Ferrol 2015:
Sábado 25:
– 19:00 h. Concha Blanco presenta O balcón do meu universo, publicado por Embora.
– 20:00 h. Concha Blanco asinará exemplares do seu libro A pantufla de Celia, na caseta da Libraría Pedreira.
Domingo 26:
– 12:00 h. Antón Cortizas na Feira do Libro. Lectura pública de libros do autor, que asinará exemplares da súa obra ao remate do acto. Os libros para a lectura, serán: Contos de vento e de nunca acabar (Galaxia), Vaia tropa! (Xerais), Historias e algún percance, todas ditas en romance (Galaxia), Era unha vez na quimbamba (Tambre), Sopra neste furadiño… (Embora), Vestida co arco da vella (Embora) e o libro inédito Cando as follas caen (mención de honra no último premio Arume da Fundación Neira Vilas).
– 12:30 h. O escritor Henrique Dacosta asinará exemplares dos seus libros na caseta de Espacio Lector Nobel.
Agustín Fernández Paz fálanos da súa nova novela xuvenil A neve interminable
Desde
o Diario Cultural da Radio Galega:
“Agustín Fernández Paz fálanos da súa nova novela xuvenil A neve interminable, publicada en Xerais. Un relato de misterio co que o autor pecha unha liña narrativa que abrira con Cartas de inverno. A entrevista completa pode escoitarse aquí.”
Ferrol: actos destacados do venres 24 na Feira do Libro
O venres 24 de abril continúa a Feira do Libro de Ferrol (na Praza da Constitución), organizada pola Federación de Librarías de Galicia, con horarios de 11:00 a 14:00 h. e de 17:30 a 21:30 h., cos seguintes actos literarios destacados dentro do seu programa: Programa da Feira do Libro de Ferrol 2015:
– 18:00 h. Contacontos Os contos de Pablísimo, pola Biblioteca Municipal de Ferrol.
– 19:00 h. Xesús Constela presenta Apoteose das perchas, publicado por Embora. Participarán no acto, xunto ao autor, o xornalista Nicolás Vidal e o editor Miguel Toval.
– 20:00 h. Xurxo Souto presenta Océano para terrícolas, espectáculo baseado no seu
libro Contos do Mar de Irlanda, publicado por Xerais.
Antonio Reigosa: “Internet é a unha gran oportunidade para a cultura que se expresa oralmente”
Vigo: presentación de Cabalos e lobos, de Fran P. Lorenzo
O venres 24 de abril, ás 20:00 horas, na JT Photogallery (Rúa Abeleira Menéndez, 13) de Vigo, preséntase Cabalos e lobos, de Fran P. Lorenzo, XXXII Premio Blanco Amor de novela, publicado en Xerais. No acto, xunto ao autor, participan Belén Regueira e Manuel Bragado.
Entrevista a Gonzalo Hermo e Xabier Quiroga
Desde
o
Diario Cultural da Radio Galega:
“Zapatillas rotas, de Xabier Quiroga e Celebración, de Gonzalo Hermo Premios da Crítica en lingua galega. As entrevistas poden escoitarse aquí.”
A Coruña: presentación de Funambulistas, de Mercedes Leobalde
O
xoves 23 de abril, ás 20:00 horas, na FNAC da Coruña (Praza de Lugo, s/n), preséntase Funambulistas, de Mercedes Leobalde, publicada en Xerais. No acto, xunto á autora, participa Manuel Bragado, contando coa actuación especial da cantante MJ Pérez.
Entrevista a María Xosé Queizán sobre Son noxento
Desde
o Diario Cultural da Radio Galega:
“A escritora María Xosé Queizán fálanos da súa nova obra, a novela curta Son noxento, que publica Xerais. A entrevista completa pode escoitarse aquí.”
Gonzalo Hermo e Xabier Quiroga, Premios da Crítica en poesía e narrativa en galego
Desde
Sermos Galiza:
“O xurado nomeado pola Asociación Española de Críticos Literarios xuntouse en Pontevedra para escollerenos gañadores dunha nova edición do Premio Nacional da Crítica. No apartado de lingua galega, os gañadores foron Gonzalo Hermo por Celebración, primeiro libro da editorial Apiario que promoven as poetas Antía Otero e Dores Tembrás e Xabier Quiroga con Zapatillas rotas (Xerais) en narrativa. (…)”
