
Arquivos da etiqueta: Marcos Calveiro
Charla-coloquio e presentación de Lovers, con María Xosé Porteiro e Alberto Avendaño, en Vigo
Xerardo Quintiá gaña o XX Premio Narrativa Breve Repsol
“A obra baixo o título e lema A Miseria de Xerardo Quintiá, resultou gañadora da XX edición do Premio Narrativa Breve Repsol en lingua galega e recibirá unha dotación de 15.000 euros alén da publicación do libro pola Editorial Galaxia. Así o comunicou esta mañá o voceiro do Xurado, Armando Requeixo.
O acto do ditame deste 20º aniversario foi na Fundación Luís Seoane e contou coa presenza de representantes das entidades impulsoras do premio: o secretario xeral de Lingua, Valentín García, a directora da Refinería de Repsol na Coruña, Natalia Barreiro; o concelleiro de Cultura e Turismo coruñés Gonzalo Castro; o director xeral da Editorial Galaxia, Marcos Calveiro; Cesáreo Sánchez, Presidente da Asociación de Escritoras e Escritores en Lingua Galega (AELG); Dolores Sánchez Palomino, académica da Real Academia Galega e Armando Requeixo como voceiro do Xurado.
Este ano a convocatoria do XX aniversario superou o número de obras presentadas con máis de 60 obras orixinais e inéditas.
O Xurado da XX edición do Premio Narrativa Breve Repsol estivo composto este ano por cinco recoñecidas voces das letras galegas: o director Xeral da Editorial Galaxia, Marcos Calveiro; a escritora e gañadora da XIX edición do Premio Narrativa Breve Repsol, Carmen V. Valiña; a arquiveira e membro da Comisión Executiva da Real Academia Galega, Dolores Sánchez Palomino; o tamén crítico literario, Armando Requeixo, e a poeta e escritora nomeada pola Asociación de Escritoras e Escritores en Lingua Galega (AELG), Alicia Fernández.
Armando Requeixo, voceiro do Xurado desta edición, destacou da novela de Xerardo Quintiá ” a capacidade para artellar un relato de fonda sensibilidade social, que plasma a traxedia dun desafiuzamento e as dramáticas consecuencias que provoca na familia que o padece.
Tamén si, salientou especialmente o talento do autor para espellar a transformación na identidade do protagonista, que ve como unha vida acomodada acaba virando nunha traxedia que remata por anulalo”.
Segundo os membros do Xurado a obra “está escrita cunha prosa de moi fino burilado, chea de imaxes poéticas, esta historia conmoverá ao lectorado, convidándoo a repensar o inclemente e feroz mundo no que vive unha parte da sociedade actual. (…)”
Vigo: actividades do 1 de xullo da Feira do Libro 2026
Feria do Libro de Vigo 2026
Kim Puime gaña a VII edición do Premio O Garaxe Hermético de Banda Deseñada
Desde Galaxia:
“Reunido en Pontevedra o 6 de xuño, o xurado da VII edición do Premio «O Garaxe Hermético» de Banda Deseñada, integrado por Kiko da Silva, debuxante e responsable do Garaxe Hermético; Teresa Valero, debuxante; e Marcos Calveiro, director de Edicións Galaxia, acordou por unanimidade conceder o galardón á obra Merlín e familia, adaptación da obra homónima de Álvaro Cunqueiro presentada baixo o pseudónimo de Pardal. Unha vez aberta a plica, resultou ser autora da proposta Kim Puime.
O xurado destacou que se trata dunha adaptación á banda deseñada moi fiel ao espírito da obra orixinal, mais ao tempo profundamente persoal e innovadora. Valorou especialmente o equilibrio entre texto e imaxe, a forza expresiva do relato, o seu grafismo contemporáneo con ecos da estética románica e a reinterpretación da mitoloxía desde unha perspectiva propia, capaz de actualizar o clásico e facelo dialogar co lectorado actual.
Debido á alta calidade das obras presentadas, o xurado decidiu tamén distinguir como finalista o proxecto Alfa, presentado baixo o pseudónimo de Xinchi e que, tras a apertura da plica, resultou ser obra de Xian Caamaño Caramés.
Sobre Alfa, o xurado salientou o seu debuxo de filiación cartoon, expresivo e cheo de matices, o uso coidado da cor ao servizo da narración, as composicións de páxina dinámicas e imaxinativas e a reflexión crítica sobre as novas masculinidades que desenvolve a través dunha historia con estrutura de fábula.
A entrega dos premios celebrarase o 27 de xuño, dentro das actividades da IV edición do Festival BDra Gráfica, en Pontevedra. Ambas as obras serán publicadas por Galaxia ao longo do ano 2027, dentro das coleccións Novela Gráfica e BD, respectivamente.
Kim Puime, residente en Pontevedra, é alumna do Garaxe Hermético, finalista do premio de fin de curso de 2019 da escola profesional e creadora do fanzine a catro mans Corpos.
Xian Caamaño Caramés, tamén residente en Pontevedra, é graduado en Belas Artes e alumno do Garaxe Hermético. Ademais, un cartel da súa autoría resultou gañador do concurso do Entroido de Pontevedra.”
O Consello de Administración de Galaxia nomea, por unanimidade, Director Xeral da editorial a Marcos Calveiro
Desde Galaxia:
“En reunión do Consello de Administración de Editorial Galaxia celebrada na tarde do 28 de maio, acordouse, por unanimidade, nomear novo director xeral a Marcos Calveiro (Vilagarcía de Arousa, 1968).
A remuda na dirección, que se formalizará o vindeiro 1 de xullo, prodúcese polo próximo cesamento nas súas funcións do actual director, Xosé Manuel Soutullo, que informou ao Consello sobre da súa vontade de retiro após de considerar que se cumpriran os obxectivos marcados cando o seu nomeamento.
Marcos Calveiro é licenciado en Dereito pola Universidade de Santiago de Compostela e un recoñecido autor que se deu a coñecer como narrador con novelas xuvenís. Coa súa produción literaria acadou numerosos premios, entre os que destacan: o Premio Ala Delta de Literatura Infantil, o Premio Barco de Vapor de Literatura Infantil, o Premio Lazarillo de Literatura Xuvenil, o Premio Narrativa Breve Repsol e o Premio de Novela García Barros.
En 2022 accedeu ao posto de director de edicións de Galaxia. Grazas ao seu desempeño, chegaron ao catálogo de Galaxia novas voces da narrativa, novos formatos —audiolibros, lectura fácil etc.— e xéneros. É membro da xunta directiva da Asociación Galega de Editoras e representa a Editorial Galaxia nos xurados do Premio de Literatura Xuvenil Xosé Neira Vilas, Premio García Barros, Premio de Narrativa Breve Repsol e Premio de Ensaio Ramón Piñeiro, entre outros.”







