O 28 de febreiro, ás 19:30 horas, no Museo do Pobo Galego, terá lugar unha nova edición da proposta Máscaras Tradicionais de Entroido. Ao redor de Antonio Fraguas, con Paula Godinho e Xosé Manuel González Reboredo, na que se vai lembrar a quen foi director do Museo e homenaxeado este ano no Día das Letras Galegas. Partirase dos traballos de Antonio Fraguas, para falaren de, entre outras cousas, máscaras, momadas, sermóns e da importancia da alimentación nas celebracións entroideiras de Galicia.