Desde
Que pasa na Costa:
“Ata o 15 de xuño estará aberta no Centro Cívico de Malpica a exposición O desexo. Esta mostra conxunta de Xulio Maside, Xoán Pardiñas e Fernando Riveiro estrea así o Fondo Lugrís, no novo espazo expositivo do segundo andar do Centro Cívico. Unha sala circular pensada para albergar unha mostra permanente das obras de arte adquiridas polo Concello de Malpica ao longo dos últimos anos e das que poidan incorporarse no futuro.
O desexo é un proxecto plástico e literario asinado por Xulio Maside, Xoán Pardiñas e Fernando Riveiro, pero tamén por Ramón Neto, Verónica Martínez, Lino Braxe, Emma Pedreira, Eli Ríos, Eduardo Estévez, Mercedes Leobalde, Alberte Momán, Antonio G. Teijeiro, Miguel Mato, Paco de Tano, Xosé Iglesias e Paco Souto, é dicir, 13 dos 15 poetas que gañaron o Certame de Poesía Erótica Illas Sisargas ao longo dos seus dez anos de vida. E igual que o premio literario, a exposición O desexo é froito da colaboración entre a Asociación Cultural Caldeirón e o Concello de Malpica.
Dadas as limitacións do espazo, na exposición inagurada este domingo non figuran as máis de corenta obras creadas por Maside, Riveiro e Pardiñas para O desexo, pero si todas as incluídas no catálogo editado, no que cada obra pictórica vai acompañada dun poema. Algúns dos autores deses versos ofreceron un pequeno recital no acto de inauguración, ao que tamén asistiron os pintores Riveiro e Pardiñas.”
Arquivo da categoría: Exposicións
Ora Galega inicia na Coruña unha xira polas cidades e vilas onde houbo unha Irmandade da Fala
“Hai
algo máis de un ano creouse un comité promotor ‘Ora Galega’ para impulsar unha declaración no Parlamento galego para que o ano 2016 fose declarado ANO DAS IRMANDADES. Logrado ese obxectivo ORA GALEGA comeza na Coruña unha xira por todas as cidades e vilas onde houbo unha Irmandade da Fala cun autobús que leva unha exposición que explica a historia e o pensamento das xentes das Irmandades. A primeira parada dese bus será na Coruña o vindeiro sábado 21 de maio. Varias asociacións da cidade estamos chamando ás persoas amigas para facer algunha actividade de lectura de textos para animar á xente a achegarse e coñecer o que alí se mostra.
O autobús estará no Obelisco de 10:00 a 22:00 h. As lecturas faranse pola tarde de 18:00 a 20:00 h. Poden ser de textos das Irmandades que ti coñezas ou podes achegarte e alí chos proporcionamos.
Se queres confirmarnos a túa presenza e indicarnos o que vas ler, por favor faino neste correo irmandadesdafala@gmail.com“
Ponferrada: presentación de Curso de Linguística Geral, de Igor Lugris, no marco das Letras Galegas 2016
Boiro: VI Romaría das Letras no Barbanza
O Couto (Ponteceso): actos destacados no Festiletras o luns 16 e martes 17
O
Festiletras 2016, que terá lugar na aldea do Couto (Concello de Ponteceso), terá os seguintes actos destacados para o luns 16 e martes 17 de maio:
Luns 16
– 20:00 h., na Fundación Eduardo Pondal. Inauguración das exposicións de Viki Rivadulla “Ser outra cousa” (pintura) e “Matria” (escultura), e posteriormente: Escoito cisnes, recital poético aberto coordinado por Óscar de Souto.
Martes 17
– 11:00 h., na Fundación Eduardo Pondal. III Premio de Poesía Infantil Eduardo Pondal. Convidad@s: Concha Blanco, Diana Varela, Xelucho Abella e María Canosa.
– De 17:00 a 19:00 h., na Casa dos Veciños. Iº Certame de Teatro Infantil Xosé Neira Vilas. Para as Aulas municipais de teatro de Malpica, Ponteceso, Cabana e Laxe. Recreo e obradoiro de caricatura con Xosé Vizoso.
Pontevedra: Camiño aberto. 100 anos do nacemento de Manuel Lueiro Rey 1916-2016
Compostela: actos destacados do xoves 5 na Feira do Libro
O
xoves 5 de maio continúa a Feira do Libro de Santiago de Compostela (no Paseo Lateral da Alameda, con horario de 11:00 a 14:00 horas e de 17:30 a 21:30 h.), organizada pola Federación de Librarías de Galicia, cos seguintes actos literarios destacados para ese día:
– 11:00 h. Inauguración da exposición A Historia da Literatura Fantástica, por Urco Editora.
– 19:00 h. Memorias contadas. Homenaxe a Neira Vilas, espectáculo de humor con Cándido Pazó.
– 20:00 h. Presentación da Antoloxía poética de Manuel María, a cargo de Darío Xohán Cabana, publicada en Galaxia. Con Víctor F. Freixanes.
Libros conversos: diálogo entre a plástica e a poesía
Desde
o Zig-zag da Televisión de Galicia:
“Unha mostra de Baldo Ramos e Xosé María Álvarez Cáccamo que se pode visitar no Museo do Pobo Galego. A entrevista pode verse aquí.”
Mondoñedo é poesía 2016
Actividades destacadas na Feira do Libro de Bos Aires para o sábado 23 e domingo 24
Do
19 de abril ao 9 de maio desenvólvese en Bos Aires a Feira do Libro, onde Santiago de Compostela é a cidade convidada neste 2016. Cesáreo Sánchez Iglesias e Ledicia Costas, como presidente e vogal da AELG respectivamente, desenvolverán un programa de traballo onde, entre outros actos, o presidente da AELG participará nunha mesa redonda titulada Diálogo de autores arxentinos e galegos, que compartirá con Graciela Aráoz, da presidenta da Sociedad de Escritoras y Escritores de Argentina (SEA), o luns 25 de abril, ás 18:00 h. Farán unha presentación das respectivas entidades e compartirán as inquedanzas das dúas entidades e as ferramentas de traballo e interconexión entre os profesionais das palabras. Dúas visións desde as dúas beiras do Atlántico. Tamén na súa calidade de presidente sumarase á iniciativa da Fundación Manuel María Manuel María na túa voz, lendo o día 23 de abril poemas do autor homenaxeado co Día das Letras Galegas no Festival Internacional de Poesía organizado pola FILBA ás 18:00 h.
Pola súa banda, Ledicia Costas, vogal da AELG, participará o domingo 24 ás 16:00 horas no encontro “Pontes literarias sobre o Atlántico”.
Dentro do programa completo da delegación galega, destacamos as seguintes actividades para o sábado 23 de abril:
– 17:00 h. Encontro con Domingo Villar. Presentación da súa obra, acompañado por Claudia Piñeiro. No Stand.
– 18:00 h. Festival Internacional de Poesía. Con Cesáreo Sánchez Iglesias, que lerá textos de Manuel María. Recinto feiral.
– 19:00 h. Presentación de Escarlatina. A cociñeira defunta, coa presenza da autora, Ledicia Costas, publicado en Xerais. Stand.
– 20:00 h. Presentación e proxección de Dúas letras, de Fina Casalderrey, publicado por Galaxia. No Stand. Participa, xunto á autora, Víctor F. Freixanes.
– 20:00 h. Compostela Colateral: Ostrácia, lectura performática da obra de Teresa Moure, publicada por Através. Centro Cultural Matienzo (auditorio).
Domingo 24 de abril:
– 12:00 h. Inauguración da exposición Blanco Amor. La mirada y el deseo. Usina del Arte.
– 16:00 h. Pontes literarias sobre o Atlántico, con Ledicia Costas. Organizado pola Sociedad de Escritores y Escritoras de Argentina. Sala Faustino Sarmiento (Pavillón branco).
– 17:00 h. Presentación da tradución ao castelán de Uma Mãe Tão Punk, de Teresa Moure, publicada por Hoja de Lata. Stand.
– 18:00 h. Festiva Internacional de Poesía. Con Yolanda Castaño e Luís González Tosar. Recinto feiral.
– 18:00 h. Presentación de Un animal chamado néboa, de Ledicia Costas, publicado en Xerais. Stand.
– 19:00 h. II Recital A poesía ao servizo da paz: pola paz de Latinoamérica. Con Yolanda Castaño, Luís González Tosar, Manuel Rivas e Antonio Requeni, xunto aos cantautores César Isella, Enrique Llopis e Lorena Lores. Federación de Asociaciones Gallegas de Argentina. Teatro Bambalinas.
– 20:00 h. Presentación de A que altura está o ceo?, de Jorge Mira, publicado en Alvarellos. Xunto ao autor, participan Alberto Rojo e Henrique Alvarellos. Stand.
