No Día do Libro, este 23 de abril de 2026, a AELG propón esta actividade, coorganizada xunto á Asociación Socio-Pedagóxica Galega (AS-PG), que conta coa colaboración da Deputación da Coruña.
Nesta ligazón pode descargarse o documento en .pdf coa proposta.
Este é o programa da segunda edición de FAI MEMORIA, unhas xornadas de formación para docentes arredor da memoria histórica, que terá lugar o vindeiro sábado 25 de abril en Santiago de Compostela, no centro social Maruxa e Coralia. As persoas interesadas poden anotarse á xornada escribindo ao email: faimemoriaxornada@gmail.com
A finalidade deste encontro é tecer redes de colaboración arredor da memoria democrática e a docencia, e dotar o profesorado de formación e recursos para traballar a memoria na aula, tamén a partir da literatura. Non hai problema por asistir só a parte da xornada, faise inscrición para controlar o aforo da sala e, sobre todo, do roteiro de Lorca en Compostela.
