Mañá xoves 16 de abril terá lugar unha nova xornada do ciclo Poetas coruñeses, a palabra na voz de quen a crea. Nesta ocasión participarán Francisco Fernández Naval e Eva Veiga, apresentados por Xoán Abeleira. Será ás 20:30 h no salón de actos da Asociación Alexandre Bóveda (R/ Olmos 16-18, 1º). A entrada é libre.
Arquivos da etiqueta: Agrupación Cultural Alexandre Bóveda
A Coruña: presentación do libro de Goretti Sanmartín
Hoxe luns 30 de marzo ás 20:30 no local da Asociación Alexandre Bóveda (rúa dos Olmos, 16-18, 1º, A Coruña) preséntase o libro Nos camiños do entusiasmo. Calidade da lingua e planificación de Goretti Sanmartín. O acto contará coa participación da autora, de Xosé Manuel Sánchez Rei e do editor, Manuel Bragado. A entrada é libre.
A Coruña: conferencia de Ángela Oramas
Mañá xoves 26 de marzo a Asociación Cultural Alexandre Bóveda acolle no seu local este xoves, 26 de marzo, a conferencia O impacto de poetas e músicos coruñeses en La Habana, a cargo da profesora e investigadora cubana Ángela Oramas. Será ás 20:30 h no salón de actos da asociación (R/ Olmos 16-18, 1º), presentado polo escritor e artista Lino Braxe, que nos últimos tempos está a desenvolver diferentes proxectos culturais en Cuba.
A Coruña: conferencia sobre a obra de Lugrís
O xoves 12 de marzo no Salón de actos da Agrupación Cultural Alexandre Bóveda (Olmos, 16-18, 1º, A Coruña) Ignacio Baamonde impartirá unha conferencia co título Lugrís, a súa obra mais descoñecida. A charla comezará ás 20:30 e a entrada é libre até completar aforo.
A Coruña: recital de Lino Braxe e Rivadulla Corcón
Hoxe luns 9 de marzo ás 20:30 ten lugar unha nova sesión do ciclo Poetas coruñeses coa participación de Lino Braxe e X. Henrique Rivadulla Corcón no Salón de actos da Agrupación Cultural Alexandre Bóveda (Olmos, 16-18, 1º, A Coruña). A entrada é libre até completar aforo.
A Coruña: próximas actividades da A. C. Alexandre Bóveda
NOVEMBRO
* Venres 21: XII edición do Memorial de teatro Ibán Toxeiro, ás 20:30h, no Teatro Rosalía de Castro coa actuación de Teatro Proscrito representando A velada de Jenaro Marinhas del Valle a quen se lle adica este ano o memorial.
Entrada de balde.
* Mércores 26: XII edición do Memorial de teatro Ibán Toxeiro, ás 20:30h, no Forum Metropolitano do Parque Europa, coa actuación do Grupo de Teatro Alexandre Bóveda representando A serpe e o Grupo de teatro da Fundación
Wenceslao Fdez. Flórez Fas-que-Fas representando O bosque ambas obras de Jenaro Marinhas del Valle. Entrada de balde.
A AC Alexandre Bóveda participa na organización da Homenaxe popular da Terra das Mariñas a Isaac Díaz Pardo, os actos desta homenaxe son os seguintes:
Luns 24: Conversas con Felipè Senén e Pancho Pillado, ás 20:30 h na Terraza de Sada.
Martes 25: Proxección da biofilmografía sobre Isaac D. Pardo no IES Díaz Pardo de Sada.
Mércores 26: Conversas con Xosé Neira Vilas, Xosé Luis Axeitos e Avelino Pousa Antelo na Terraza de Sada, ás 20:30h.
Xoves 27: Proxección da película Isaac de Xosé Abad, ás 20:30 h. Na Casa da Cultura de Sada.
Venres 28: Actuación do Coro Cántigas da Terra, ás 20:30 h. Na Casa da Cultura de Sada.
Sábado 29: Foliada no Campo da Festa do Castro (Sada) a partir das 13:30 h, con xantar popular, xogos tradicionais e actuacións musicais.
A nosa entidade sumase máis un ano, ós actos da Marcha Mundial das Mulleres polo 25 de novembro:
Martes 25: Concentración no Obelisco da Coruña, ás 20:30 h.
Venres 28: Clausura da exposición sobre as mulleres caboverdianas de Burela na Casa da Cultura de Carballo ás 20:30 h.
DECEMBRO
* Xoves 4: Inauguración da exposición de fotografía do Colectivo Ollo de Vidro da nosa entidade, ás 20:30 h no salón de actos da asociación. Aberta até o 31 de decembro.
* Sábado 13: Cea de socios e socias da Asociación Cultural Alexandre Bóveda. Aberto o prazo de inscripción.
XII Edición do Memorial de teatro Ibán Toxeiro
A Asociación Cultural Alexandre Bóveda informa das actividades pola XII edición do Memorial de Teatro Ibán Toxeiro que este ano está adicado á figura de Jenaro Marinhas del Valle.
* Venres 21: XII edición do Memorial de teatro Ibán Toxeiro, ás 20:30h, no Teatro Rosalía de Castro coa actuación de Teatro Proscrito representando A velada, de Jenaro Marinhas del Valle, a quen se lle adica este ano o memorial, neste acto terá lugar a entrega por parte da nosa entidade do segundo Premio de apoio ó teatro amador Alexandre Bóveda.
* Mércores 26: XII edición do Memorial de teatro Ibán Toxeiro, ás 20:30h, no Forum Metropolitano do Parque europa, coa actuación do Grupo de Teatro Alexandre Bóveda representando A serpe e o Grupo de teatro da Fundación Wenceslao Fdez. Flórez “Fas-que-Fas” representando O bosque, ambas obras de Jenaro Marinhas del Valle.
As dúas actividades son de balde até completar o aforo. (Xunta directiva da ACAB)
Maio na A. C. Alexandre Bóveda da Coruña
A Xunta Directiva da Asociación Cultural Alexandre Bóveda informa das actividades previstas para o mes de maio.
* Martes 6: Conferencia dentro do ciclo do Día das Letras Galegas, a cargo de Henrique Rabunhal, intitulada “Xosé Álvarez Blázquez na súa canle secreta”, ás 20:30 h, no salón de actos da ACAB.
* Xoves 8: Conferencia dentro do ciclo do Día das Letras Galegas, a cargo de Xosé Ramón Freixeiro, intitulada “Os prexuízos lingüísticos”, ás 20:30 h, no salón de actos da ACAB.
* Martes 20: Conferencia dentro do ciclo do Día das Letras Galegas, a cargo de Pilar García Negro, intitulada “O decálogo que a lingua galega precisa”, ás 20:30 h, no salón de actos da ACAB.
* Mércores 21: Presentación do libro Historia da Asociación Cultural Alexandre Bóveda de Dna. Begoña Álvarez Bravo, acompañada polo presidente da Asociación, D. Roberto Catoria e do Vicepresidente da Deputación, D. Pablo Villamar, ás 20:30 h, no local da asociación.
* Xoves 29: Conferencia A destrucción do patrimonio na Coruña e bisbarra, a cargo do arqueólogo e historiador Manolo Díaz, e presentación da páxina web da asociación de Denuncia da destrucción do patrimonio na Galiza.
* Sábado 31: Gala final do I certame de composición coral en galego Alexandre Bóveda, no Teatro Colón da Coruña, ás 20:30h, con entrada de balde.
Participarán o Coro Alexandre Bóveda, Coral Polifónica de Bergantiños, Coral Viladauga de Cenlle (Ourense) e o Coro Cantabile da Coruña defendendo as composicións finalistas.
Durante a semana das Letras galegas, do 12 ao 16 de maio, repartiranse de balde exemplares do libro Historia da A. C. Alexandre Bóveda, recentemente editado e que se presentara na semana seguinte.
Lois Diéguez falará na A. C. Alexandre Bóveda da Coruña
A Asociación Cultural Alexandre Bóveda da Coruña informa da celebración dunha charla do escritor Lois Diéguez, intitulada “Dunha nación e dun tempo: autobiografía literaria”. Será o vindeiro xoves 10 de xaneiro, ás 20:30 horas, no salón de actos da asociación (R/ Olmos 16-18, 1º), con entrada libre. (Asociación Cultural Alexandre Bóveda)
Esta semana na A. C. Alexandre Bóveda…
O martes 8 e o xoves 10 terá lugar un curso intensivo de galego intitulado “Por un modelo digno de lingua”, de 20:00 a 22:00 horas no salón de actos da asociación, a cargo dos profesores Xosé Ramón
Freixeiro e Xosé M. Sánchez Rei.
O venres 11 presentarase o libro A Escola Dramática Galega na configuración do sistema teatral, de Carlos Biscainho, con Francisco Pillado, Manuel Lourenzo e Dores Sánchez Alegre. Será ás 20:30 horas no local da asociación.
