“O domingo 12 de maio, ás 11:00 horas, na Libraría Internacional Passa Porta (Rue Antoine Dansaert), en Bruxelas, terá lugar a presentación do libro plurilingüe Passages, do Colectivo de poetas de Bruxelas.
En 2016-2017 o Colectivo de poetas d Bruxelas explorou para o seu proxecto Passages, a forza da expresión poética en varias culturas e comunidades que sobreviven en Bruxelas.
En particular, queriamos investigar nos parámetros que permiten que homes e mulleres chegados dende a distancia acepten a súa condición de emigrantes e, en moitas ocasións, as do exilio e como asumen a nova situación sen caer na desesperación ou o derrotismo. Pode ser a palabra poética a fonte de resistencia, dunha revolta alimentada de todo tipo de datos históricos que perviven en Bruxelas e que contribúen ao sentimento de comunidade? O libro Passages resume as etapas creativas desta procura, traballando coas comunidades Berbér, Turca, Grega e Sufí.
Lerán os poetas Taha Adnan, Adolfo Baberá del Rosal, Frank De Crits, Maarten Goethals, Geert van Istendael, Maky, Manza, Serge Meurant, Ramón Neto, Anne Penders, Xavier Queipo, Elke de Rijcke, Kader Sevinç, Silvia Vainberg e Bart Vonck. extractos dos capítulos (dedicados aos bereberes, turcos, sufís e gregos). O editor Leo Peeraer porá a disposición do público os primeiros exemplares do libro.”
Arquivos da etiqueta: Ramón Neto
Recital virtual Illas Sisargas
Padrón: Abride a Fiestra 2019
Sábado 13
– 19:00 h. Visita teatralizada con Os Quinquilláns.
– 20:00 h. Recital poético multilingüe co Colectivo de Poetas en Bruxelas e un grupo representativo da poesía galega actual. Participarán os/as escritores/as Taha Adnan, Frank de Crits, Geert van Istendael, Serge Meurant, Silvia Vainberg, Bart Wonck, Ramón Neto, Xavier Queipo, Chus Pato e Yolanda Castaño.
– 21:00 h. Concerto de Cristina Pato, con Roberto Comesaña.
Domingo 14
Con feira de produtos rosalianos de todo a xornada e ludoteca para nenas e nenos.
– 11:00 h. Visita guiada pola horta da Casa, por Carlos Dacal.
– 11:30 h. Visita guiada pola Casa, por Pedro Feijoo.
– 12:00 h. Paco Nogueiras, concerto familiar (Brinca vai!).
– 12:00 h. Conferencia de Xosé Luís Méndez Ferrín sobre “Rosalía, A Matanza e Rodríguez del Padrón”
– 12:30 h. Visita guiada pola Casa, con Pepe Barro.
– 13:00 h. Mini-concerto de Secho no Piano de Rosalía.
– 13:00 h. Conferencia de Carlos Castelao sobre “As fotografías de Rosalía”.
– 13:30 h. Regueifa con Lupe Blanco e Kike Estévez.
– 14:00 h. Performance poética de Andrea Sanjurjo e Fabián Niño.
– 14:10 h. Concerto de Secho.
– 16:00 h. Proxección do filme Contou Rosalía.
– 17:00 h. Visita guiada pola Casa, por Francisco Rodríguez.
– 17:30 h. Paco Nogueiras, concerto familiar (Radio Bule Bule).
– 18:30 h. Visita guiada pola Casa, con Olga Novo recitando.
– 18:50 h. Mini-concerto de Ugia Pedreira e Cristina Pato no Piano de Rosalía.
– 19:00 h. Visita guiada para nenos/as con Manuel Lorenzo Baleirón.
– 19:15 h. Performance musical de Ugia Pedreira, acompañada por Cristina Pato.
– 20:00 h. Presentación do proxecto ‘Amigos/as da Casa de Rosalía’, por Anxo Angueira.
– 20:20 h. Presentación do libro do Premio Escolar de Poesía.
– 20:40 h. Entrega da Rosa de Galicia á familia de Villar Granjel + Coral de Padrón.
– 21:00 h. Concerto de Davide Salvado.
Apoian:
– Deputación da Coruña.
– Consellería de Cultura e Turismo da Xunta de Galicia.
– Concello de Padrón.
Patrocinan:
– Galicia Calidade.
– Adega Paco eLola.
– St. Petroni. O vermú de Galicia.”
Compostela: presentación de Minutos para medianoite, de Ramón Neto e Xavier Queipo
Rosalía en camiño, diálogos literarios multilingües 2019
Por convite da Fundación Rosalía de Castro, varias persoas do Colectivo de Poetas de Bruxelas: Taha Adnan, Frank de Crits, Geert van Istendael, Ramón Neto, Xavier Queipo, Silvia Vainberg e Bart Vonck, farán lecturas poéticas con motivo da presentación do libro multilingüe Rosalía en camiño. O programa é o seguinte:
– 11 de xullo, ás 18:00 horas, no Panteón de Galegos Ilustres (San Domingos de Bonaval) – Santiago de Compostela.
– 12 de xullo, ás 18:00 horas, na Fundación Eduardo Pondal – Ponteceso.
– Sábado 13 de xullo, ás 20:00 horas, na Casa-Museo Rosalía de Castro – Padrón.
Santiago: Observatorio da Nova Diáspora, do 20 ao 22 de xullo
“A exploración lírica do desexo”
Artigo
de Daniel Salgado en Sermos Galiza:
“No espazo que debuxa o triángulo entre desexo, amor e sexo sucede Home invisíbel. O último libro de Xavier Queipo (Santiago de Compostela, 1957) é unha investigación singular na lírica amorosa, décimo segundo premio Illas Sisargas de poesía erótica. “Foi tigre salvaxe. / Agora é tigre invisíbel, / sen riscas e sen poutas, / sen mensaxes cifradas e sen cairos lacerantes”, afirma no poema Tigre.
A escrita, relata Queipo vía electrónica desde Bruxelas -onde hai anos que reside-, nace do pulo do poeta galego residente en Bélxica Ramón Neto. “En 2013 propuxo un proxecto de poesía erótica como parte do traballo do Colectivo de Poetas de Bruxelas. Así escribín os primeiros poemas”, apunta, “ese foi o xermolo, tres poemas e un par de performances. O libro foise conformando con tempo e maduración”.
Quince textos, en que a experimentación formal viaxa do poema prosa aos xogos case caligráficos, conforman Home invisíbel. “Ten unha compoñente de lírica amorosa que vai alén da propia elección formal e da reflexión sobre o desexo, o amor potencial se así se quere”, afirma, “en varios poemas explóranse as relacións entre desexo, sexo e amor, como un trípode vital”. Que compara co corazón, os pulmóns e o cerebro: “[Ese trípode] latexa, respira e manda en toda a obra”. (…)”
Malpica estrea o Fondo Lugrís cos poetas eróticos do Premio Illas Sisargas
Desde
Que pasa na Costa:
“Ata o 15 de xuño estará aberta no Centro Cívico de Malpica a exposición O desexo. Esta mostra conxunta de Xulio Maside, Xoán Pardiñas e Fernando Riveiro estrea así o Fondo Lugrís, no novo espazo expositivo do segundo andar do Centro Cívico. Unha sala circular pensada para albergar unha mostra permanente das obras de arte adquiridas polo Concello de Malpica ao longo dos últimos anos e das que poidan incorporarse no futuro.
O desexo é un proxecto plástico e literario asinado por Xulio Maside, Xoán Pardiñas e Fernando Riveiro, pero tamén por Ramón Neto, Verónica Martínez, Lino Braxe, Emma Pedreira, Eli Ríos, Eduardo Estévez, Mercedes Leobalde, Alberte Momán, Antonio G. Teijeiro, Miguel Mato, Paco de Tano, Xosé Iglesias e Paco Souto, é dicir, 13 dos 15 poetas que gañaron o Certame de Poesía Erótica Illas Sisargas ao longo dos seus dez anos de vida. E igual que o premio literario, a exposición O desexo é froito da colaboración entre a Asociación Cultural Caldeirón e o Concello de Malpica.
Dadas as limitacións do espazo, na exposición inagurada este domingo non figuran as máis de corenta obras creadas por Maside, Riveiro e Pardiñas para O desexo, pero si todas as incluídas no catálogo editado, no que cada obra pictórica vai acompañada dun poema. Algúns dos autores deses versos ofreceron un pequeno recital no acto de inauguración, ao que tamén asistiron os pintores Riveiro e Pardiñas.”
Bruxelas: recital multilingüe en homenaxe a Manuel María
I Gala do Libro Galego, o sábado 14 de maio en Compostela
Organizan AELG, Asociación Galega de Editores e Federación de Librarías de Galicia. Co apoio do Concello de Santiago, Consellaría de Cultura, Deputación da Coruña, Centro Español de Derechos Reprográficos (CEDRO) e Fundación Luís Seoane.
Desde hai anos viñan convocándose os premios literarios da AELG coa súa Gala das Letras, a Noite da edición en Galicia da Asociación Galega de Editores e mais os Premios Irmandade do Libro da Federación de Librarías de Galicia. A partir de agora todos estes galardóns desaparecen para transformarse nuns únicos premios literarios co libro galego como protagonista principal, convocados de forma conxunta polas tres organizacións. O nome escollido, é Gala do Libro Galego.
Estes galardóns nacen co obxecto de recoñecer a excelencia do traballo literario realizado no ámbito editorial ao longo do ano 2015 en Galicia; as obras gañadoras faranse públicas no transcurso da Gala do Libro Galego 2016, presentada por Camilo Franco, que se celebrará no Teatro Principal de Santiago de Compostela o sábado 14 de maio, segundo o seguinte horario:
– 18:30 h. Sesión de fotografías (fotocall) de lectoras-es e autores-as e sinatura de libros á entrada do Teatro.
– 19:30 h. Comezo da Gala (entrada libre até completar aforo).
– A partir das 21:30 h. Nova sesión de fotografías (fotocall) e sinatura de libros.
No fotocall as persoas asistentes á Gala poderán facer fotos cos/as seus/súas autores/as favoritos/as e mesmo levar libros para seren asinados.
Na Gala entregaranse as distincións nas seguintes categorías:
- Obra de ensaio
- Obra de narrativa
- Obra infantil e xuvenil
- Libro ilustrado
- Iniciativa bibliográfica
- Obra traducida
- Libro de poesía
- Libro de teatro
- Iniciativa cultural ou fomento da lectura
- Proxecto literario na rede
- Xornalismo cultural
- Escritor galego universal
- Premio honorífico á libraría
- Premio honorífico á editora
As directivas das organizacións convocantes, previa votación dos seus asociados e asociadas, fixeron chegar a listaxe de finalistas nas once primeiras modalidades a un xurado externo, que nomeado de común acordo polas Xuntas Directivas da AELG, AGE e Federación de Librarías, formado por sete persoas, quen se encargarán de fallar estes galardóns sen dotación económica.
O premio ao Escritor Galego Universal será concedido pola directiva da AELG, que xa decidiu outorgarllo a Pere Gimferrer (pode consultarse aquí a súa axenda de actividades para os días 13 e 14), o Honorífico á libraría será concedido pola directiva da Federación de Librarías e o Honorífico á editora corresponderá á directiva da AGE.
Obras finalistas do Premios Gala do Libro Galego 2016 Sigue lendo
