O 
sábado 14 de xaneiro, ás 12:00 horas, no Auditorio de Goián, celebrarase o acto polo que o Concello de Tomiño fai oficial o nomeamento do escritor Xosé Luís Franco Grande como fillo predilecto do municipio. Á cita acudirán numerosos nomes coñecidos, como Xosé Luís Méndez Ferrín, Ramón Villares, Teresa Conde-Pumpido, Luis Manuel García Mañá, Carlos Varela García ou Xosé Manuel Beiras. Vía Galaxia. Recensión en Galicia Hoxe.
Arquivos da etiqueta: Xosé Manuel Beiras
Santiago: presentación de Por un común denominador. A esquerda da nación, de Martiño Noriega
O mércores 28 de decembro, ás 20:00 horas, na Libraría Couceiro (Praza de Cervantes, 6) de Santiago de Compostela, preséntase o libro Por un común denominador. A esquerda da nación, de Martiño Noriega, publicado por 2.0 Editora e Edicións do Castro. No acto intervirán, xunto ao autor, Xosé Manuel Beiras, Xosé Ramón Fandiño e Rosabel Candal.
Santiago: Á beira de Beiras, homenaxe a Xosé Manuel Beiras, o 17 de decembro
Co 
gallo do 40º aniversario do libro O atraso económico de Galicia terá lugar unha homenaxe ao seu autor, Xosé Manuel Beiras Torrado, o vindeiro 17 de decembro en Santiago de Compostela, baixo o título Á beira de Beiras. A comisión organizadora, integrada por Xosé María Álvarez Cáccamo, Salomé Álvarez Blanco, Xusto Beramendi, Manuel Caamaño, Comba Campoy, Xosé Ramón Fandiño, Miguel Anxo Fernán-Vello, Víctor F. Freixanes, Margarita Ledo, Lidia Senra e Xosé Manuel Soutullo, infórmase de que a homenaxe contempla tamén a celebración do 75 aniversario do economista, profesor e político galego, engarzando así as dúas efemérides e “ofrecendo o merecido recoñecemento pola súa traxectoria de entrega a Galicia e loita pola reivindicación dos valores que ennobrecen ao ser humano”.
Nese día, 17 de decembro, ás 12:30 horas, no salón Ángel Brage do Auditorio de Galicia, en Santiago de Compostela, farase a presentación dun libro dedicado á súa persoa editado por Galaxia con máis de trinta autores, xunto con outras actuacións no mesmo lugar que se están a programar. Este acto será público.
A continuación, ás 14:30 horas, terá lugar un xantar no seu honor no restaurante do mesmo auditorio, para o que será preciso inscribirse na conta do Banco Santander 0049 5404 22 2795102504 (Homenaxe a Beiras), mediante o pago de cincuenta euros. Máis información no correo: homenaxebeiras@gmail.com
Crónica posterior en Galaxia. Nesas ligazóns pódense ver unha fotogalería do acto e a súa intervención.
Vilalba: Antía Cal, Chairega de Honra
O 
sábado 1 de outubro, ás 12:00 h., na Casa da Cultura de Vilalba, a Asociación Cultural Xermolos e a Irmandade Manuel María organizan un acto no que se nomeará a Antía Cal Chairega de Honra. Previamente terá lugar unha mesa redonda coa participación de Avelino Pousa Antelo, Xosé Neira Vilas, Carmiña de Soutomaior, Xosé Manuel Beiras e María Xosé Lamas, actuando como moderador David Otero. Posteriormente terá lugar un xantar no restaurante Nova Ruta de Vilalba, tralo que actuarán Mini e Mero. Para anotarse a comida, que custa 17 euros, os interesados deberán chamar o teléfono 646413890 ou ben enviar un correo electrónico á dirección xermolos@xermolos.org
Santiago: presentacións de Actas do Congreso Emigración e Educación (1900-1936)
O 
mércores 6 de xullo, ás 13:15 horas, na Biblioteca do Consello da Cultura Galega (Pazo de Raxoi, 2º andar), de Santiago de Compostela, preséntanse as Actas do Congreso Emigración e Educación (1900-1936). Iº Centenario das Escolas da Unión Hispano-Americana Valle Miñor (1909-2009), coordinados por Xosé Manuel Malheiro, publicado polo Instituto de Estudos Miñoranos, coa participación de Ramón Villares, Carlos Méixome e o seu coordinador, Xosé Manuel Malheiro.
No mesmo día e cidade, ás 20:00 horas, preséntase na Libraría Couceiro (Praza de Cervantes, 6), cos mesmos participantes máis Xosé Manuel Beiras.
Ferrol: conferencia A crise económica e política en Galiza, de Xosé Manuel Beiras
O 
mércores 22 de xuño, ás 19:30 horas, na Galería Sargadelos (Rúa Rubalcava, 30-32, esquina rúa María) de Ferrol, terá lugar unha conferencia pronunciada por Xosé Manuel Beiras, titulada A crise económica e política en Galiza, organizada pola citada entidade e Amigos da Universidade do Campus de Ferrol.
Nigrán: presentación das Actas do Congreso Emigración e educación (1900-1936)
O mércores 22 de xuño, ás 13:00 horas, no IES Escolas Proval de Nigrán, presentarase o libro que recolle as Actas do Congreso Emigración e educación (1900-1936). Iº Centenario das Escolas da Unión Hispano-Americana Valle Miñor (1909-2009), organizado polo Instituto de Estudos Miñoranos, e que recolle as aportacións, entre outros, de Ramón Villares, Antón Costa ou Xosé Manuel Beiras, coordinados polo profesor Xosé Manuel Malheiro.
Santiago: presentación de A crise económica na época presente e a descentralización rexional, de Alfredo Brañas
O 
mércores 16 de marzo, a partir das 20:00 h., presentación de A crise económica na época presente e a descentralización rexional, de Alfredo Brañas, publicado en Toxosoutos. Intervirán no acto Xosé Manuel Beiras, autor do limiar, Afonso Ribas e David González Couso. Crónica posterior en Galicia Hoxe.
Santiago: presentación de Lidia Senra. A historia dun liderado entrañable, de Tareixa Ledo Regal
O 
sábado 18 de decembro, a partir das 12:00 h., no Auditorio de Galiza de Santiago de Compostela, preséntase o libro Lidia Senra. A historia dun liderado entrañable, de Tareixa Ledo Regal, publicado en Laiovento. No acto participan Xosé Manuel Beiras, Carme Freire, Lidia Senra e a autora, moderad@s por Isabel Vilalba Seivane.
Aquí pode lerse a entrevista feita á autora en Galicia Hoxe.
A Coruña: conferencia de Xosé Manuel Beiras
O 
xoves 30 de setembro, ás 20:30 h., desenvolverase unha charla-coloquio na que participará Xosé Manuel Beiras, e que versará sobre A crise económica: consecuencias e alternativas. O acto desenvolverase na Fundación Caixa Galicia (Cantón Grande, 21-24) da Coruña.
