“O
vindeiro venres 12 de maio terá lugar no Auditorio de Galiza, en Santiago de Compostela, o “II Encontro Regueifesta” de improvisación oral en verso, a partir das 10.30.
O Proxecto Regueifesta é un proxecto inovador que está a impulsar a improvisación oral en verso -valores, aprendizaxes e novas normas socio-culturais- no ambito educativo. O seu obxectivo é impulsar un proceso de transformación através da lingua, a música e valores de xustiza social, desde a dimensión lúdica da regueifa, e implicando a comunidade educativa e múltiples axentes sociais.
Regueifesta desenvolve un proceso de participación para a normalización lingüística, impulsando dinámicas de activismo no ámbito educativo, desde o protagonismo do alumnado, profesorado e comunidade educativa e vinculando a escola co movimento social.
O Proxecto está a ser impulsado, inicialmente, polos institutos de Baio e As Cruces, e no Encontro Regueifesta do vindeiro 12 participarán 20 centros de ensino de Compostela e do resto da Galiza. Así mesmo, tamén chegará o IES de Arratia, desde o País Vasco, para participar no segundo intercambio educativo Regueibertso de improvisación oral.
Xa está confirmada a asistencia de 1000 estudantes que encherán as butacas do Auditorio da Galiza. No palco participarán regueifando Alba Maria e Josinho da Teixeira, o alumnado do IES de Viana do Bolo animaranos co seu folión, o grupo VintenBaio do IES de Baio presentará o seu disco “Ainda queda xera”, o alumnado do IES Antón Fraguas porá a bailar a todo o auditorio coa súa proposta musical e o alumnado do IES de Arratia improvisará bertsos (a expresión vasca da improvisación oral en verso).
Ademais, a Regueifesta presenta a nova fornada da regueifa: Xairo de Herbón, Esther das Luras, Noa de Capón, Nuria das Cruces, Lorena Medela e Xandro de Baio.
Terá lugar tamén a entrega de premios do “I Certame Enreguéifate”, impulsado polo Departamento de Lingua do Concello de Santiago, co obxectivo de dar a coñecer o repente galego entre a xente nova. A artista Lidia Botana, Bolboreta, tamén actuará na Regueifesta como madriña do evento, presentando o tema “Boina e Txapela”, himno do proxecto deste ano.
A Regueifesta continúa a súa celebración pola tarde,
no Centro Xove da Almáciga, co I Festival “Boina e Txapela”, unha festa musical de freestyle, rap e rock que contará coa participación de Garcia MC e DJ Mil, Moudafaca e Gato Persa, Lidia Botana e, desde Euskal Herria, Radio Revolución e que terá un tempo para micro aberto e improvisación de quen queira participar. Este festival terá lugar a partir das 19.00h.
A Concellaría de Educación e o Departamento de Lingua do Concello de Santiago, a Vicepresidencia da Deputación da Coruña e a Secretaria Xeral de Política Lingüística da Xunta de Galiza son as tres entidades públicas que colaboran no Encontro Regueifesta e no Festival Boina e Txapela, a Vicepresidencia da Deputación da Coruña e a Secretaria Xeral de Política Lingüística da Xunta de Galiza son as tres entidades públicas que colaboran no Encontro Regueifesta e no Festival Boina e Txapela.”
Arquivo da categoría: Infantil e xuvenil
Taboleiro do libro galego (abril 2017)
Desde Cicloxénese Expresiva:
“Continuamos co excelente traballo que se viña facendo no Caderno da Crítica.
Queremos agradecerlle a axuda a Ramón Nicolás e ás librarías que colaboraron con nós para a elaboración desta listaxe: Pedreira, Cartabón, Paz, Biblos, Miranda, Andel do libro, Suévia e Chan da Pólvora.
Narrativa
– Os nenos da varíola, de María Solar. Galaxia.
– Aqueles días en que eramos malas, de Inma López Silva. Galaxia.
– Bibliópatas e fobólogos, de Emma Pedreira. Galaxia.
– Vento ferido, de Carlos Casares. Galaxia.
– Izan o da saca, de Xabier Quiroga. Xerais.
Poesía
– Camuflaxe, de Lupe Gómez. Chan da Pólvora Editora.
– Suicidas, de Francisco Cortegoso. Chan da Pólvora Editora.
– A relixión do mar, de Xosé Iglesias. Instituto de Estudos Miñoráns.
– Na casa da avoa, de Marta Dacosta. Galaxia.
Ensaio
– Rosalía de Castro. Cantos de independencia e liberdade, de María Xesús Lama. Galaxia.
– Non des ao esquecemento, de Luís Bará. Instituto de Estudos Miñoranos.
– Historias de galegos extraordinarios, de Salvador Rodríguez. Belagua Edicións.
– Bolcheviques, de Teresa Moure (coord.). Através Editora.
Xuvenil
– Jules Verne e a vida secreta das mulleres planta, de Ledicia Costas. Xerais.
– A soidade das medusas, de Iria Collazo. Galaxia.
– Europa express, de Andrea Maceiras. Xerais.
Infantil
– Primeira semana na escola de vacas, de Cutbill e Russell. Editorial Patas de peixe.
– O monstro das cores, de Ana Llenas. Flanboyant.
– Minilibros imperdibles 1 e 2. Kalandraka.
Libro CD-DVD
– Mel, unha mosca agradecida, de Miguel Ángel Alonso. Nova Galicia Edicións.
– Aire, de María Fumaça. Galaxia.
– A bruxa da discordia, de Mamá Cabra e Carmen Gil. Galaxia.
Banda deseñada
– Bichero VI: Ti sacha!!!, de Luís Davila. Autoedición.
– Historias Floreánicas, de Gogue. TodoGrove Edicións.
– A lei da cidade sen alma, de Víctor Boullón. Kómic librería e Demo Editorial.
Revistas
– Luzes.
– Tempos.
– Follas novas.”
Feira do Libro de Santiago: actividades destacadas do venres 5
O
venres 5 de maio continúa a Feira do Libro de Santiago de Compostela (no Paseo Central da Alameda), organizada pola Federación de Librarías de Galicia, con horarios de 11:00 a 14:00 h. e de 17:30 a 21:30 h., cos seguintes actos literarios destacados dentro do seu programa para este día:
– 12:00 h. Presentación de A morte do meu pai, de Afonso Eiré, publicado por Hércules.
– 19:30 h. Presentación de Denébola a Roxa, de Héctor Cajaraville, publicado por Baía Edicións.
Feira do Libro de Santiago: actividades destacadas do martes 2 e mércores 3
O martes 2 de maio continúa a Feira do Libro de Santiago de Compostela (no Paseo Central da Alameda), organizada pola Federación de Librarías de Galicia, con horarios de 11:00 a 14:00 h. e de 17:30 a 21:30 h., cos seguintes actos literarios destacados dentro do seu programa para o martes 2 e mércores 3 de maio:
Martes 2
– 19:30 h. Presentación de Once portas, de Héctor Cajaraville, publicado por Xerais.
– 20:30 h. Presentación de Galegocalantes e galegofalantes, de Carlos Callón, publicado por Xerais.
Mércores 3
– 19:30 h. Presentación de O Códice esmeralda de Alberte Blanco, publicado por Xerais.
– 19:30 h. Presentación de O misterio de Portomarín, de Antía Yáñez, publicado por Galaxia. No acto participan, xunto á autora, Francisco Castro e David Vázquez, director do documental Asolagados.
Feira do Libro de Santiago: actividades destacadas do sábado 29 e domingo 30 de abril e luns 1 de maio
O sábado 29 de abril comeza a Feira do Libro de Santiago de Compostela (no Paseo Central da Alameda), organizada pola Federación de Librarías de Galicia, con horarios de 11:00 a 14:30 h. e de 17:30 a 21:30 h., cos seguintes actos literarios destacados dentro do seu programa para o sábado 29 e domingo 30 de abril, e luns 1 de maio:
Sábado 29
– 19:00 h. Concerto-presentación de Volta, revolta e reviravolta, de As Maimiñas, publicado por Galaxia.
Domingo 30
– 19:00 h. Espectáculo musical O mundo de Carliños, de Luís Vallecillo, baseado na figura de Carlos Casares.
Luns 1
– 18:00 h. Obradoiro de escrita, por Fernando M. Cimadevila: “Claves para a escrita e a publicación dunha novela”.
– 19:00 h. Presentación e recital sobre Pico Sacro. Ferido polo lóstrego e a lenda, libro coordinado por Miro Villar e Xosé M. Lobato, e publicado por Alvarellos.
– 20:00 h. Presentación de Eugenia Osterberger: A compositora galega da Belle Époque (1852-1932), de Beatriz López-Suevos, Susana de Lorenzo e Rosario Martínez Martínez, publicado por Ouvirmos.
A Estrada: presentación de Bicos, de Xosé Vázquez Pintor
Cangas: presentación da colección Mulleres bravas da nosa historia
Xinzo: presentación de Lolo en bici e Carlos na moto, de Rafael Laso Lorenzo
Arteixo: Contadas na súa voz, sobre textos de Carlos Casares
Rendemos unha merecida e sentida homenaxe ás mulleres e homes que crearon ás máis fermosas historias de todos os tempos. Repasaremos e sacaremos á luz a súa biografía e reivindicaremos a súa obra. Serán historias contadas, na súa voz e coa nosa palabra, dunha literatura que levan disfrutado lectores dende hai anos, ata converterse nos clásicos de hoxe.
Achegaremos a figura e contaremos contos de Carlos Casares ao alumnado da Escola de Educación Infantil de Barrionovo, que celebrará o Día do Libro na Biblioteca Miguel Sande, o venres 28 de abril ás 10:00 h. e ás 11:00 h.
Vigo: A memoria dos pioneiros: Os nenos da varíola, conferencia de María Solar, actividade ligada a Inspiraciencia
Inspiraciencia 
é máis que un concurso: como todos os anos, organiza e propón varias actividades paralelas para afondar as interaccións múltiples entre a ciencia e a literatura, como o ciclo de conferencias Elementos da química na literatura, que quere escoitar algunhas das voces que falaron de química do campo literario. Ademais, propóñense outras actividades e formatos de exploración das relaciones entre ciencia e literatura. Destacamos:
A memoria dos pioneiros: Os nenos da varíola
María Solar. Bióloga, xornalista e autora do libro
27 de abril, ás 19:00, no Salón de Actos da Biblioteca Pública de Vigo Juan Compañel. Rúa Joaquín Yáñez, 6. Vigo, Pontevedra
En 1980 a OMS declarou o planeta Terra libre de varíola, unha enfermedade terrible que matou e marcou durante séculos a millóns de persoas en todos os continentes. Era a primeira victoria absoluta dos humanos sobre un virus. Unha vacina rematara por primeira vez, e única polo momento, cunha enfermidade. Esa victoria comezouse fraguar a finais do século XVIII coa invención da mesma, e a comezos do XIX coa primeira expedición para implantala como método sanitario. En 1803 a Expedición filantrópica da vacina sufragada pola Real Facenda Española, amparada polo monarca Carlos IV e dirixida polo médico real Francisco Xavier Balmis, partía do porto da Coruña na corveta María Pita. A bordo o equipo médico da Expedición, a reitora da casa de expósitos da Coruña, Isabel Zendal e 22 nenos orfos que servirían para portar a vacina ata a América, “brazo a brazo” a través dunha cadea de vacinacions. No porto, outro médico pioneiro e ilustrado despedía ao barco, o doutor Posse Roybanes.
A participación española nesta gran xesta médica segue a ser esquecida polos libros de texto e non é o referente histórico e médico que debera. A literatura, unha vez máis serve para poñer carne, pel e sentimentos a cada un dos implicados, para facernos vivir e sentir aquela odisea e entender que tras ela algo importante cambiou no mundo.
