Arquivos da etiqueta: Antonio Manuel Fraga

A Coruña: Libros a monte III

Publicado o por

A Coruña: actividades destacadas na Feira do Libro 2018 para o 2 de agosto

Publicado o por

O 2 de agosto continúa a Feira do Libro da Coruña (nos Xardíns de Méndez Núñez, s/n.), con horarios de 11:00 a 14:00 h. e de 18:00 a 22:00 h., cos seguintes actos literarios destacados dentro do seu programa para este día:

– 18:00 h. Arantza Portabales asina exemplares de Deixe a súa mensaxe despois do sinal, publicado por Galaxia.
– 18:00 h. Presentación de Nube Branca quere ser astronauta, de Pablo Nogueira e Manuel Uhía. Por Baía Edicións.
– 18:00 h. Lucía Cobo asina Muriel, na caseta de AENEA.
– 19:00 h. Presentación de Gaiola aberta, de Xoán Neira López, publicado por Baía Edicións, en edición de Armando Requeixo. No acto participa, xunto a autor e editor, Belén López Vázquez.
– 19:00 h. Emma Pedreira asina Antídoto na caseta de Alvarellos Editora.
– 19:00 h. Antonio Tizón asina Un home estraño e A antesala luminosa, publicados por Xerais, na caseta de Lume.
– 19:00 h. Antía Otero e María Brenn asinan O branco non pinta!, publicado por Apiario. Ismael Ramos asina exemplares de Lumes, editado tamén por Apiario. Na caseta da Libraría Berbiriana.
– 19:00 h. Enrique López asina Vida sa e outros libros na caseta de Hércules.
– 19:45 h. Presentación de Poesía erótica: Cantar de corpos, de Correa Corredoira, publicado por Baía Edicións. Coa participación de Yolanda Castaño.
– 19:45 h. Presentación de O Lobo con botas, de El Hematocrítico, con Alberto Vázquez e Cristina Ameijeiras, publicado por Xerais (na carpa infantil).
– 20:00 h. Antonio Manuel Fraga asina exemplares de Querido H. P. Lovecraft na caseta de Urco Editora.
– 20:30 h. Presentación de Baleas e baleas, de Luísa Castro, publicado por Galaxia. A autora conversará con Yolanda Castaño e Ismael Ramos.
– 21:15 h. Presentación de O xardineiro dos ingleses, de Marcos Calveiro, publicado por Galaxia. Acompañando ao autor estarán Encarna Otero e Ismael Ramos.

Fallo do I Premio María Victoria Moreno de Literatura Xuvenil

Publicado o por

Reunidas en Pontevedra o 23 de abril de 2018, día internacional do libro e dos dereitos de autoría, o xurado do I Premio María Victoria Moreno de Literatura Xuvenil, composto por:
– Eli Ríos en representación da familia de María Victoria Moreno
– Andrea Martínez, alumna do IES Torrente Ballester
– Carme Hermida en representación do Concello de Pontevedra
– Montse Pena Presas, experta en LIX
– Andrea Jamardo Seijo en representación de Urco Editora,
considerou como gañadora por maioría dos votos a obra O bestiario científico de Anxos Nogueirosa, pola fortaleza dos personaxes femininos dotadas dunha afouteza optimista e sen creba, a introdución do bestiario máxico galego nun contexto histórico e, no entanto, dotado de modernidade e a mestría con que tece con precisión a linguaxe nos novelos da maxia.
Unha vez aberta a plica o autor resultou ser: Antonio Manuel Fraga.
Asemade o xurado considera finalistas e recomenda a súa publicación as obras presentadas cos seguintes lemas:
“Be Water”
“Irmá Paxaro”
Xs autorxs destas obras poden poñerse en contacto coa editora en info@urcoeditora.com
Queremos agradecer ás 31 persoas que participaron na primeira edición do premio María Victoria Moreno de Literatura Xuvenil pola calidade das obras presentadas.”

Aliteraclara | Escola galega de escrita creativa

Publicado o por

Aliteraclara.com, escola galega on-line de escrita creativa, nace da demanda das numerosas persoas que senten a necesidade de escribir e de aprender e que, por motivos laborais ou xeográficos, non teñen posibilidade de asistir ás clases. Está pensada para mulleres e homes que precisan da escrita para realizarse, que necesitan dunha man que os acompañe nos primeiros pasos e lles dea azos para desenvolverse na literatura. Aliteraclara.com ofrece ao alumnado un gran abano de posibilidades e recursos para lanzarse a escribir, pero tamén achega as novidades literarias, as convocatorias de concursos e o mundo editorial.
Clara do Roxo é a directora da escola. Escritora, profesora e narradora, imparte obradoiros de escrita creativa dende 2013. A súa maior motivación, e a dos escritores e escritoras que a acompañan neste proxecto é transmitir aos alumnos a súa paixón pola escrita. Aliteraclara.com conta no seu inicio coa poeta María Lado, os escritores Fran Fernández Davila, Antonio Manuel Fraga e Xabier López, e a propia Clara do Roxo como profesores, e ofrece obradoiros de poesía, novela e relato. Para pechar o círculo, nun intento de achegar aos autores e autoras á publicación ou aos certames literarios, a escola pon ao seu dispor un servicio de valoración e corrección de orixinais, a cargo dos escritores Amadeo Cobas e Manuel Sánchez Gálvez.