Polafía en Cee. Atrás da balea, o 26 de novembro

Publicado o 22 Novembro 2022 por asociacionescritoras-es

A Polafía de Cee. Atrás da balea é unha actividade organizada pola Sección de Literatura de Tradición Oral co apoio da Área de Cultura da Deputación da Coruña e o Centro Español de Dereitos Reprográficos (CEDRO), e a colaboración do Concello do Cee, que terá lugar no Auditorio Baldomero Cores da Casa da Cultura de Cee (Paseo Alcalde Pepe Sánchez, 9), o sábado 26 de novembro a partir das 18:00 h. A entrada é libre até completar capacidade.

Contará coas intervencións de: Xosé Iglesias, Manuel Caamaño Martínez, Manuel Trillo Fidalgo, Victorio Caamaño Vázquez e Jesús Manuel Blanco Costa.

Coordina: Lois Pérez (Coordinador da Sección de Literatura de Tradición Oral da AELG).

Polafía O Corgo

Publicado o 23 Setembro 2022 por asociacionescritoras-es

A Polafía O Corgo é unha actividade da Sección de Literatura de Tradición Oral da AELG e o Proxecto Corgoral, que conta co apoio da Área de Cultura da Deputación de Lugo e o Centro Español de Derechos Reprográficos (CEDRO), e a colaboración do Concello do Corgo.

Biblioteca do Punto de Atención á Lectura (O Corgo).
Terá lugar o sábado 24 de setembro a partir das 18:00 h. A entrada é libre até completar capacidade.

Coas intervencións de:
– Marco A. García (Secretario do Concello do Corgo).
– Óscar G. Murado (Cura párroco do Corgo).
– Jesús Abuín (Cronista oficial e fillo predilecto do Concello).
– Roberto Besteiro (Grupo de música tradicional A Legua Dereita).
– Consuelo Vázquez (Asociación Cultural Arumes).
– Mario Outeiro (Centro de Estudos do Corgo).
– Lolo da Vila (Oleiro e ceramista artesán).
– Manuel Rodríguez (Asociación Os cinco ríos).
– Xosé Manuel Castro (Profesor do ensino secundario).
– Benedicta Sánchez (Actriz de cinema e Medalla Castelao).
– Antonio López (Último artesán do ferro en activo na Terra de Chamoso).
– Domingo Pérez Lidor (Xuíz de Paz).
– Lois Ladra (Coordenador do Proxecto Corgoral).
– Antonio Reigosa (Coordinador da Sección de Literatura de Tradición Oral da AELG).

Crónica videográfica da homenaxe O Escritor na súa Terra – Letra E 2022 a Xosé Manuel Martínez Oca (IV)

Publicado o 26 Xullo 2022 por asociacionescritoras-es

A Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chegou este ano á súa XXVIII edición, recaendo, por decisión unánime da súa Asemblea de Socios e Socias, na figura de Xosé Manuel Martínez Oca, que foi homenaxeado na Estrada o 18 de xuño de 2022.
Esta iniciativa anual conforma xa unha tradición na traxectoria da Asociación, e tense constituído ao longo de máis de dúas décadas como unha celebración na que a terra de acollida do/a homenaxeado/a ten unha presenza fundamental. É vontade da AELG honrar escritores/as procurando o contacto directo co/a autor/a e a súa implicación persoal na xornada de homenaxe.
Unha celebración múltiple e popular en que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritor (unha peza escultórica a cargo de Soledad Penalta), a plantación da árbore simbólica elixida polo propio autor (un bidueiro) e a colocación dun monólito conmemorativo.