Nus, a nova novela de Manuel Gago: “Os coiristas dos 80 foron os primeiros en decatarse do poder da imaxe nas protestas sociais”

Desde o Zig-zag da Televisión de Galicia:
Nus é un retrato irónico e irreverente da contraditoria Galicia dos 80 a través das aventuras dun crápula. A novela sitúanos na revolución nudista nas praias galegas e as convulsións políticas e sociais da época. O autor conta a historia desta época desde a perspectiva da clase alta e adéntrase na literatura erótica. A entrevista pode verse aquí.”

Compostela: actividades destacadas dos 8 e 9 de maio na Feira do Libro 2021

O 8 de maio comeza a Feira do Libro de Santiago de Compostela (no Paseo Central da Alameda), organizada pola Federación de Librarías de Galicia, con horarios de 11:30 a 14:00 h. e de 17:30 a 21:00 h., cos seguintes actos literarios destacados dentro do seu programa para este fin de semana:

Sábado 8
12:30 h. Pregón de inauguración a cargo de Arantza Portabales.
13:00 h. Arantza Portabales asina A vida secreta de Úrsula Bas, publicada por Galaxia, e Historias de Mentes, publicada por Bululú.
13:00 h. Esther Carrodeguas asina Malcriada e 32m2, publicadas por Positivas.
18:00 h. Yolanda Castaño asina Xela quixo ser ela, publicado por Xerais.
18:00 h. Estefanía Padullés asina Leopoldo, o pequeno monstro, publicado por Hércules, e Un mundo para Maruxa, publicado por Belagua.
19:00 h. Luz Darriba asina Abril, publicado por Belagua.
19:00 h. Beatriz Busto Miramontes asina Um país a la gallega, publicado por Através.
20:00 h. Antón Reixa asina Outlet, publicado por Chan da Pólvora.
20:00 h. Andreia Costas asina Corazón de vaca e outras vísceras, publicado por Urutau.

Domingo 9
19:00 h. Carlos Negro asina Non cantan paxaros neste bosque, publicado por Xerais.
20:00 h. Manuel Gago asina Nus, publicado por Xerais.

Tabela dos libros. Abril de 2021

Desde o blogue Criticalia, de Armando Requeixo:
“Velaquí a nova Tabela dos Libros, que ofrece a lista de títulos que Francisco Martínez Bouzas, Inma Otero Varela, Mario Regueira, Montse Pena Presas e eu estimamos como máis recomendables entre os publicados nas últimas semanas.”

Manuel Gago: “A novela retrata un escándalo da época e revela un segredo que poucos coñecen”

Entrevista a Manuel Gago na Radio Galega:
“No Galicia por diante, con Kiko Novoa, Manuel Gago preséntanos Nus, unha historia sobre o país e o movemento nudista dos 80, na editorial Xerais. “A novela retrata un escándalo da época e revela un segredo que poucos coñecen”, asegura na Radio Galega. A entrevista pode escoitarse aquí.”

Manuel Gago presenta Nus: “Como un crápula acaba metido nas reivindicacións nudistas da Galicia dos 80”

Entrevista a Manuel Gago na Radio Galega:
“O colaborador do Galicia por Diante, Manuel Gago, anunciou que a súa próxima novela, Nus, publicarase o 11 de marzo. Aproveitou o espazo das #Efeméridas para adiantarnos un pouco máis a historia deste grupo que, no principio dos 80, loitaron polo dereito a ir espidos en Galicia. A entrevista pode escoitarse aquí.”