“Un 
xurado 
formado por representantes da Xunta de Galiza, do Consello da Cultura Galega, das tres universidades, da Real Academia Galega e da Real Academia Galega de Belas Artes, ademais de catro persoas do mundo da cultura, escolleron como premiados nesta edición dos Premios da Cultura Galiza a Salvador García Bodaño na categoría das Letras; o grupo de teatro Airiños (Rianxo) na das Artes Escénicas; Manuel Quintana Martelo na das Artes Plásticas; a Asociación Internacional Estudos Galegos en Promoción Cultural de Galicia; a Fundación Eduardo Pondal en Iniciativas en prol do Patrimonio Cultural; Manuel Rodeiro en Música; e Miguel Anxo Fernández na modalidade de Creación Audiovisual. Estes galardóns crearonse no ano 2008 co nome de Premios Nacionais da Cultura Galega. Desde a chegada do PP ao goberno da Xunta non levan o nome de “nacionais” e non dispoñen de dotación económica algunha.” Desde Sermos Galiza.
Arquivos da etiqueta: Universidade de Santiago de Compostela
Premio da Bienal de Teatro Romaría Vikinga 2013-2014
“O Concello de Catoira e a Universidade de Santiago de Compostela, dentro do seu programa de actividades de promoción e sensibilización das culturas viquinga e galega e ó mesmo tempo co desexo de contribuír á creación teatral, convocan o premio de teatro-espectáculo Bienal Romaría Vikinga, coas seguintes bases:
1. As obras terán que ser inéditas e estar escritas en galego. O autor/a deberá ter en conta que se trata dunha representación popular na que participarán actores e actrices afeccionados, en gran número; e que a presentación comezará ó atardecer, e ó aire libre.
2. A organización e composición do xurado corresponderalle á USC e ó Concello de Catoira, e formarán parte do mesmo un representante do Concello de Catoira, tres persoeiros destacados do mundo do teatro e un representante da USC.
3. O tema deberá gardar relación con calquera dos moitos aspectos das incursións viquingas e a defensa das Torres, lendas, costumes, personaxes e símbolos, valores e sensibilidades propios do tema en Galicia. Sen saírse destes parámetros valorarase a creatividade e a orixinalidade.
4. A obra terá como escenario de representación o recinto histórico de Torres de Oeste, co cal poden formar parte da escenificación os elementos que o compoñen.
5. A representación da obra terá lugar na semana anterior ó día da Romería Vikinga (1º domingo de agosto).
6. O Concello de Catoira farase cargo da designación da persoa responsable da dirección da obra e de todo o referente a decorados e atrezzo, montaxe, materiais e vestiario.
7. Os actores e actrices serán afeccionados, que nacesen ou residan en Catoira. As persoas que participen no reparto da obra ceden ó Concello de Catoira os seus dereitos de imaxe con fins de reprodución, distribución e comunicación pública da obra teatral.
8. A presentación ó concurso esixe dous sobres adxuntos e pechados que conterán a seguinte documentación:
· Sobre A, incluirá os orixinais, mecanografados e por sextuplicado sen asinar, co título da obra e pseudónimo do/a autor/a que permita a súa posterior identificación, así como un precaderno de dirección no que se describa a posta en escena do espectáculo.
· Sobre B, incluirá o nome, teléfono e enderezo do autor/a, xunto cunha fotocopia do seu D.N.I. Por fóra, deberá ir o título da obra e o pseudónimo do/a autor/a. Ademais os/as residentes do concello escribirán Catoira no exterior do sobre.
Ambos sobres deberán ir pechados.
9. Prazo: os traballos poderán entregarse ata o día 30 de outubro de 2012, incluído, no seguinte enderezo:
Concello de Catoira
Rúa do Concello, 6
36612 Catoira-Pontevedra
Nese mesmo enderezo poderase recibir toda clase de información, ou a través do teléfono 986546014.
10. Premio: establécese un único premio de 2.500 euros para o texto teatral.
11. Ademais da calidade das obras, valorarase a viabilidade da súa posta en escena así como a innovación no libreto e que os autores non representaran obras en anos anteriores, co obxecto de dar paso a novas ideas e valores.
12. A resolución do xurado farase pública no mes de novembro de 2012 e seralles comunicada ós galardoados/as e difundida a través dos principais medios de comunicación.
13. O autor/a da obra premiada cede en exclusiva ó Concello os dereitos de reprodución, distribución, comunicación pública e transformación da obra, en todo o territorio da Unión Europea, para a súa explotación e execución teatral, edición e produción.
14. A determinación da publicidade corresponde ó Concello de Catoira e á USC.
15. O autor/a non percibirá ingresos de despacho de billetes.
16. Dado que a convocatoria do premio é bienal, entre os traballos presentados elixiranse as obras que se representarán nos anos 2013 e 2014. Á hora de elixir o segundo texto terán preferencia os residentes en Catoira, co fin de fomentar a creatividade e a afección polo teatro entre as persoas do municipio.
17. O xurado pode declarar deserto o premio se os traballos presentados non reúnen as condicións artísticas e de calidade suficientes.
18. A participación no presente concurso implica a aceptación das súas bases. Sen contradición con estas, para calquera detalle non especificado nelas, a organización resolverá no seu momento.”
Santiago: Homenaxe a Celso Emilio Ferreiro. 50 anos de Longa noite de pedra, o 11 e 12 de abril
Toda a información no blogue da Homenaxe.
IX Curso de Formación Continua: Narrativas xuvenís no século XXI (2000-2010). Tendencias e correntes
A 
Asociación de Escritoras e Escritores en Lingua Galega colabora, mediante o patrocinio da Secretaría Xeral de Política Lingüística, coa Universidade de Santiago neste curso de postgrao.
Aquelas persoas interesadas en matricularse poden enviar cuberta e escaneada a folla de preinscrición a algún destes correos electrónicos: marta.neirarodriguez@ceu.es ou blanca.roig@usc.es acompañada dun escaneo do documento de identidade, no máis breve prazo posíbel.
O presente curso ten como finalidade formar e informar o alumnado participante dunha temática, as Literaturas Infantís e Xuvenís dos ámbitos lingüísticos ibéricos, xeralmente excluída dos planos de estudo das licenciaturas, diplomaturas e graos e, con todo, dunha transcendencia fundamental en ámbitos básicos como a formación lectora e a expresión escrita no mundo das Tecnoloxías da Información e Comunicación (TIC). Tenta analizar estas literaturas dende un enfoque comparativo para dar a coñecer que axentes literarios se presentan máis débiles en cada ámbito lingüístico. Nesta edición, o tema específico a tratar é NARRATIVAS XUVENÍS NO SÉCULO XXI (2000-2010). TENDENCIAS E CORRENTES.
O presente curso ten como finalidade formar e informar o alumnado participante dunha temática, as Literaturas Infantís e Xuvenís dos ámbitos lingüísticos ibéricos, xeralmente excluída dos planos de estudo das licenciaturas, diplomaturas e graos e, con todo, dunha transcendencia fundamental en ámbitos básicos como a formación lectora e a expresión escrita no mundo das Tecnoloxías da Información e Comunicación (TIC). Tenta analizar estas literaturas dende un enfoque comparativo para dar a coñecer que axentes literarios se presentan máis débiles en cada ámbito lingüístico. Nesta edición, o tema específico a tratar é NARRATIVAS XUVENÍS NO SÉCULO XXI (2000-2010). TENDENCIAS E CORRENTES.
– Directora: Blanca-Ana Roig Rechou, da Universidade de Santiago de Compostela.
– Coordinación e Secretaría: Marta Neira Rodríguez, da Universidade de Vigo, e Isabel Soto López, da Universidade de Santiago de Compostela.
– Carga lectiva e número de prazas: 60 horas (2 créditos de libre configuración, non acumulativos) para licenciaturas e diplomaturas. Número de prazas: 125.
– Datas de realización:
* Parte virtual: Do 28 de xuño ao 31 de xullo de 2012.
* Parte presencial: Do 4 ao 7 de setembro de 2012.
– Lugar:
* Parte virtual: Inauguración: 28 xuño de 2012, de 9:00-14:30 e 16:00 a 20:30 h. Facultade de Filoloxía (Campus Norte). Salón de Graos.
* Parte presencial: Biblioteca NovaCaixaGalicia, Rúa Frei Rosendo Salvado, 14-16. 15701. Santiago de Compostela
– Requisitos de acceso: Profesionais do ensino, alumnado das facultades de Ciencias da Educación, da Comunicación, Xornalismo, Audiovisual, Publicidade), Maxisterio, Xeografía e Historia, Humanidades, Filoloxías, Tradución e Interpretación, profesionais de bibliotecas e calquera persoa interesada.
– Matrícula:
* Preinscrición: Ata o 30 de marzo de 2012.
* Formalización: Do 16 de abril ao 15 de xuño de 2012.
– Prezo e prazo de pagamento: 90 euros, nun único prazo para matrícula.
– Información:
* Biblioteca NovaCaixaGalicia. Telf. 981 59 34 67. Correo: bibliofundacion@caixagalicia.es
* Universidade de Vigo. Marta Neira Rodríguez. Correo: marta.neirarodriguez@ceu.es
* Universidade de Santiago. Blanca Roig. Correo: blanca.roig@usc.es ou na páxina do Centro de Posgrao.
* Asociación de Escritoras e Escritores en Lingua Galega (AELG). Correo: oficina@aelg.org
– Organizan:
* Universidade de Santiago de Compostela.
* Departamento de Filoloxía Galega.
* Asociación de Escritoras e Escritores en Lingua Galega (AELG).
– Colaboran:
* Centro Ramón Piñeiro para Investigación en Humanidades (CRPIH).
* Biblioteca NovaCaixaGalicia.
* Edicións Xerais de Galicia.
* Rede temática As Literaturas Infantís e Xuvenís do Marco Ibérico e Iberoamericano.
* Asociacións: ANILIJ e ELOS.
* Centro de Investigación de Procesos e Prácticas Culturais Emerxentes(CIPPCE)-USC.
Programa parte virtual:
1. As Literaturas Infantís e Xuvenís no marco ibérico. Bibliografía básica.
2. Narrativas xuvenís no século XXI (2000-2010). Tendencias e correntes.
2.1. Estudos teóricos.
2.2. Selección de obras para o mediador.
2.3. Comentarios de narrativas xuvenís.
3. Ferramentas de comunicación: foros, charlas e correo electrónico co alumnado e profesorado.
4. AVALIACIÓN a partir dun comentario sobre o material proporcionado (entregarase ao recoller o material do curso presencial).
Programa parte presencial:
Martes 4 de setembro:
– 09:00-10:00 h. Recollida de material.
– 10:00-11:00 h. Inauguración: Directora do curso e Director da Biblioteca NovaCaixaGalicia.
– 11:00-12:00 h. Informe sobre docencia e investigación 2011-2012 na LIX a partir dos Informes de Literatura (CRPIH): Carmen Ferreira Boo e Mar Fernández Vázquez (AELG/USC).
– 12:00-12:30 h. Pausa.
– 12:30-14:30 h. Os inicios da Literatura Xuvenil: Xosé Neira Vilas. Conversa con Blanca-Ana Roig (AELG/USC).
– 16:00-18:00 h. A ficción científica: Ramón Caride e Anxo Fariña. Conversa con Isabel Mociño (AELG/USC).
– 18:00-18:30 h. Pausa.
– 18:30-20:30 h. Misterio e humor: Santiago Jaureguizar e Pepe Carballude. Conversa con Eulalia Agrelo (AELG/USC).
Mércores 5 de setembro
– 09:00-10:30 h. A tradución das narrativas xuvenís ao galego. Pilar Bendoiro (USC).
– 10:30-12:00 h. Técnicas tradutolóxicas nas narrativas xuvenís. Lourdes Lorenzo (UVigo).
– 12:00-12:30 h. Pausa.
– 12:30-14:30 h. Novela histórica e Guerra Civil: An Alfaya e Francisco Castro. Conversa con Marta Neira (AELG/UVigo.CEU).
– 16:00-18:30 h. Novas formas literarias: Rosa Aneiros e Marcos Calveiro. Conversa con Vanessa Ferreira da Silva (USC).
– 18:30-19:00 h. Pausa.
– 19:00-20:30 h. A construción literaria nas obras de Marilar Aleixandre e António Mota. Conversa con Ana Margarida Ramos (Universidade de Aveiro).
Xoves 6 de setembro
– 09:00-11:30 h. A ilustración destinada ao público xuvenil no proxecto de El Patito Editorial. Fausto Isorna e Gemma Sesar (El Patito Editorial).
– 11:30-12:00 h. Pausa.
– 12:00-14:30 h. A fotografía como ilustración para as narrativas xuvenís. José Mª Mesías (UdC).
– 16:00-17:45 h. Informes dos investigadores da Rede sobre a LX nos ámbitos castelán, catalán, galego, portugués, vasco e no ámbito iberoamericano. Conversa con Isabel Soto (AELG/USC) e Blanca-Ana Roig (AELG/USC).
– 17:45-18:15 h. Os novos portais da Biblioteca Virtual Miguel de Cervantes de autores de LIX: Agustín Fernández Paz (Galicia) e Ema Wolf (Arxentina). Ramón Llorens (Universitat d’Alacant).
– 18:15-18:30 h. Pausa.
– 18:30-20:30 h. Obradoiro de creación literaria. AELG.
Venres 7 de setembro
– 09:00-11:00 h. Contos do demo. Espectáculo de narración oral. Inacio.
– 11:00-12:00 h. Presentación do libro A narrativa xuvenil a debate (2000-2011). Manuel Bragado, Blanca-Ana Roig e Alexia Dotras.
– 12:00-12:30 h. Pausa.
– 12:30-13:30 h. Clausura.
– 13:30-14:30 h. Entrega de certificados de participación. Reitor ou representación, Director do Departamento de Filoloxía Galega, Presidente da AELG, Directora do curso.
Santiago: Conexões IV. A literatura brasileira hoje. Diálogos Galiza-Brasil
O 
evento Conexões IV:-A Literatura Brasileira hoje. Diálogos Galiza-Brasil, que terá lugar no Consello da Cultura Galega (Pazo de Raxoi, 2º andar), en Santiago de Compostela, entre os días 17 e 19 de outubro de 2011 constitúe o primeiro encontro deste teor que se desenvolve na Europa. A orixe desta iniciativa está no proxecto Conexões-Mapeamento Internacional da Literatura Brasileira. Trátase dun programa da área de Literatura do Itaú Cultural que, desde 2008, constitúe un espazo de reflexión e debate e elabora unha base de dados sobre a difusión e a presenza da literatura e da cultura brasileiras no exterior. Esa cartografia permite planificar e desenvolver políticas concretas de apoio á difusión e coñecemento da literatura e da cultura brasileiras a nivel internacional. Trátase do cuarto encontro internacional do programa do Itaú Cultural e o segundo realizado fóra do País –o primeiro foi na Universidade de Wisconsin-Madison (EUA). No Brasil tiveron lugar os encontros de pesquisadores, tradutores e escritores brasileiros e estranxeiros en São Paulo (2008) e no Rio de Janeiro, en parcería coa Universidade Federal do Rio de Janeiro (2009). Alén diso, o Conexões Itaú Cultural xa presentou o seu mapeamento internacional da literatura brasileira na reunión da Associação Europeia de Pesquisadores em Brasil (Universidade de Salamanca, 2009), no 10º Congresso Internacional da Brasa (Brazilian Studies Association) (Brasília, 2010), alén de participacións no Fórum das Letras 2010 (Ouro Preto-Minas Gerais) ou das edicións de 2010 e 2011 na Festa Literária Internacional (FLIP) de Paraty. Conexões IV será co-organizado polo Itaú Cultural e o Consello da Cultura Galega, coa colaboración da Embaixada do
Brasil en Madrid e Fundación Cultural Hispano- Brasileña e da Universidade de Santiago de Compostela. Os responsables son Claudiney Ferreira (Itaú Cultural), Felipe Lindoso (consultor do Itaú Cultural) e Carmen Villarino Pardo (USC). Este Encontro pretende que escritores/as brasileiros/as (con traxectorias amplamente consolidadas e con obras traducidas en diversos países poidan discutir en mesas-redondas sobre as dinámicas actuais da literatura brasileira e as dificultades para se inserir nos espazos da crítica e dos mercados internacionais e contrastar esa situación con escritores/as galegos/as homólogos e con críticos literarios, editores, pesquisadores, docentes e tradutores.
O programa, que pode ser descargado aquí: Conexões IV, está formado polas seguintes actividades:
Luns, segunda feira, 17 de outubro
– 17:00 h. Inauguración e presentación á prensa.
– 17:30 h. Conexões Itaú Cultural – A literatura brasileira hoje. Conexões dentro e fora do Brasil. Mesa 1. Con Carmen Villarino (moderadora), Claudiney Ferreira, Felipe Lindoso, Carlos Quiroga e Marco Luchessi.
– 19:30 h. Actuación de Quico Cadaval.
Martes, terza feira, 18 de outubro
– 09:30 h. Descubrindo o Brasil – As pesquisas sobre literatura brasileira e as súas ligazóns con outras disciplinas no ámbito do “Brasilianismo”. Mesa 2. Con Leonardo Tonus (moderador), Carlos Paulo Martínez Pereiro, Elena Losada, Florencia Garramuño e Darlene Sadlier.
– 12:00 h. Diálogos de escritores 1. Con Felipe Lindoso (moderador), Marçal Aquino, Luiz Ruffato, Suso de Toro e Iolanda Zúñiga.
– 16:00 h. A mediación cultural como diálogo. Mesa 3. Márcio Souza (moderador), Marco Lucchesi, João Almino, Antonio Maura e Manuel Bragado.
– 18:15 h. Entrega da colección de libros de asunto galego-brasileiro do Servizo de Publicacións da Universidade da Coruña e da Universidade de Santiago de Compostela.
– 19:30 h. Presentación do libro O conto brasileiro contemporâneo, editado por Laiovento e organizado por Carmen Villarino Pardo e Luiz Ruffato (na Libraría Couceiro Praza Cervantes, 6, de Santiago de Compostela).
Mércores, cuarta feira, 19 de outubro
– 09:30 h. As vertentes do ensino de literatura brasileira. Mesa 4. Con Carlos Paulo Martínez Pereiro (moderador), Pedro Serra, Leonardo Tonus, Florencia Garramuño e Darlene Sadlier.
– 12:00 h. Espazos para a literatura brasileira actual. Mesa 5. Con Luiz Ruffato (moderador), Marçal Aquino, Cíntia Moscovich, Anxo Quintela e Elias Torres.
– 16:00 h. Diálogos de Escritores 2. Con Claudiney Ferreira (moderadora), Márcio Souza, Cíntia Moscovich, Xavier Queipo e Víctor Fernández Freixanes.
– 18:00 h. Clausura.
– 20:00 h. Presentación do libro Extramunde, de Xavier Queipo, publicado en Xerais (no CGAC, Rúa de Ramón del Valle-Inclán. 15704 Santiago de Compostela). Despois representarase o espectáculo artístico O embigo do mundo / L’ombelico del mondo, coa participación de Manuel Bragado, Quico Cadaval, Olga Cameselle e o Colectivo Ríolagares (MisterChoco e o propio Xavier Queipo).
Profesores da Universidade de Santiago homenaxean a Juan José Moralejo
“Un 
grupo de profesores da Universidade de Santiago ofreceron o xoves 22 de setembro unha homenaxe ao tamén profesor Juan José Moralejo Álvarez. A celebración tiña como motivo o 70º aniversario do doutor en Filoloxía Clásica, que foi profesor de numerosas promocións da Universidade compostelá. A homenaxe, que partiu dun grupo de docentes do Departamento de Latín e Grego, tivo carácter aberto, e fóronse sumando no salón de actos da Facultade de Filoloxía unha parte dos amigos, colegas e exalumnos do profesor que traduciu a Política de Aristóteles ao galego”. Vía La Voz de Galicia.
A Universidade de Santiago presenta campUSCulturae, un proxecto que potencia a diversidade cultural e lingüística
Guitiriz: curso Paisaxes simbólicas na nosa cultura, na Universidade de Verán 2011, do 20 ao 22 de xullo
O 
Curso Paisaxes simbólicas na nosa cultura, da Universidade de Verán 2011 (Universidade de Santiago), desenvolverase do mércores 20 ao venres 22 de xullo, na Casa Habanera (Guitiriz, Lugo), con 22 horas lectivas. O curso está cofinanciado polo Concello de Guitiriz e outras institucións e empresas. O seu director é Roxelio Pérez Moreira e o seu secretario: Francisco Javier López González. Máis información sobre o curso e matrícula (o prazo remata o venres 8 de xullo) aquí.
PROGRAMA
* Mércores 20 de xullo:
– 10:00 h. Recepción e inauguración.
– 11:00 h. Os usos simbólicos da paisaxe: simbolismo existencial, simbolismo cultural. María López Sández, doutora en Teoría da Literatura e Literatura Comparada.
– 12:45 h. As paisaxes do pan: entre a terra e a mesa. Adolfo García Martínez, profesor de Antropoloxía Social e Cultural. UNED.
– 16:15 h. Imaxe do xardín do Edén nos claustros dos mosteiros galegos. Ana Goy Diz, profesora de Historia da Arte. Universidade de Santiago de Compostela.
– 18:00 h. Viaxe a procura do solpor. Francisco X. Fernández Naval, escritor.
* Xoves 21 de xullo:
– 10:00 h. A casa tradicional: simbolismo e arquitectura popular. Francisco Javier López González, profesor de Enxeñaría Agroforestal. Universidade de Santiago de Compostela.
– 11:15 h. Cruceiros e cruces na paisaxe galega. Fernando Arribas Arias, etnógrafo e investigador do patrimonio cultural.
– 13:00 h. Arqueoloxía e territorio: patrimonio e paisaxe. Felipe Arias Vilas, director do Museo do Castro de Viladonga, arqueólogo e historiador.
– 16:15 h. A paisaxe rural na nosa arte pictórica: realidade e idealización. Roxelio Pérez Moreira, profesor de Patrimonio Natural e Paisaxe. Universidade de Santiago de Compostela.
– 18:00 h. As paisaxes do mar na arte pictórica galega. Xosé Manuel B. López Vázquez, profesor de Historia da Arte. Universidade de Santiago de Compostela.
* Venres 22 de xullo:
– 10:00 h. Bosques simbólicos de Galicia. Manuel Antonio Rodríguez Guitián, botánico e profesor de Produción Vexetal. Universidade de Santiago de Compostela.
– 11:15 h. Da natureza xurdíu o símbolo. Luís Giadás, investigador de simbolismos e rituais na cultura popular.
– 13:00 h. As paisaxes imaxinarias na cultura popular galega. Antonio Reigosa, escritor e investigador da mitoloxía popular e da literatura de tradición oral.
– 16:30 h. Roteiro: paisaxes simbólicas chairegas.
VIII Curso de Formación Continua: O álbum infantil
A 
Asociación de Escritoras e Escritores en Lingua Galega colabora, mediante o patrocinio da Secretaría Xeral de Política Lingüística, coa Universidade de Santiago neste curso de postgrao.
O VIII Curso de Formación Continua: O álbum infantil ten como finalidade formar e informar o alumnado participante dunha temática, as Literaturas Infantís e Xuvenís dos ámbitos lingüísticos ibéricos, xeralmente excluída dos planos de estudo das licenciaturas e diplomaturas e, con todo, dunha transcendencia fundamental en ámbitos básicos como a formación lectora e a expresión escrita no mundo das Tecnoloxías da Información e Comunicación (TIC). Tenta analizar estas literaturas dende un enfoque comparativo para dar a coñecer que axentes literarios se presentan máis débiles en cada ámbito lingüístico. Nesta edición, o tema específico a tratar é O álbum infantil.
INFORMACIÓN
Directora: Blanca-Ana Roig Rechou (Universidade de Santiago de Compostela).
Coordinación e Secretaría: Marta Neira Rodríguez (Universidade de Vigo) e Isabel Soto López (Universidade de Santiago de Compostela).
Carga lectiva: 60 horas (2 créditos de libre configuración, non acumulativos).
Datas de realización
* Parte virtual: Do 1 ao 30 de xullo de 2011.
*Parte presencial: Do 5 ao 8 de setembro de 2011.
Lugar
* Parte virtual: Inauguración: 30 de xuño de 2011 ás 17:00 horas. Facultade de Filoloxía (Campus Norte). Salón de Graos.
* Parte presencial: Biblioteca Novacaixagalicia. Rúa Frei Rosendo Salvado, 14-16. 15701. Santiago de Compostela.
Requisitos de acceso: Profesionais do ensino, alumnado das facultades de Ciencias da Educación, da Comunicación (Xornalismo, Audiovisual, Publicidade), Maxisterio, Xeografía e Historia, Humanidades, Filoloxías, Tradución e Interpretación, profesionais de bibliotecas e calquera interesado.
Matrícula
* Preinscrición: Do 1 de febreiro ao 1 de maio de 2011.
* Formalización: Do 15 de maio ao 15 de xuño de 2011.
Prezo: 90 euros.
Prazo de pagamento: Un único prazo para matrícula.
Número de prazas: 135.
Máis información en:
* Biblioteca Novacaixagalicia. Telf. 981 59 34 67, bibliofundacion@caixagalicia.es.
* Universidade de Vigo. Marta Neira Rodríguez, marta.neirarodriguez@ceu.es.
* Universidade de Santiago. Blanca Ana Roig, blanca.roig@usc.es, www.usc.es/cptf.
* Asociación de Escritoras e Escritores en Lingua Galega, oficina@aelg.org.
Organizan:
* Universidade de Santiago de Compostela. Departamento de Filoloxía Galega.
* Asociación de Escritoras e Escritores en Lingua Galega.
Colaboran
* Centro Ramón Piñeiro para a Investigación en Humanidades.
* Biblioteca Novacaixagalicia.
* Editoriais: Kalandraka, Faktoría K e OQO.
* Rede temática As literaturas infantís e xuvenís do marco marco ibérico e iberoamericano.
* Asociacións: ANILIJ e ELOS.
* Centro de Investigación de Procesos e Prácticas Culturais Emerxentes.
PROGRAMA PARTE VIRTUAL
1. As literaturas infantís e xuvenís no marco ibérico. Bibliografía básica.
2. O álbum infantil.
2.1. Estudo teórico sobre o álbum.
2.2. Selección de obras para o mediador.
2.3. Comentarios sobre álbums de todos os ámbitos lingüísticos do marco ibérico e iberoamericano e Os inolvidábeis.
3. Ferramentas de comunicación: foros, charlas e correo electrónico co alumnado e profesorado.
4. AVALIACIÓN a partir dun comentario sobre o material proporcionado (entregarase ao recoller o material do curso presencial).
PROGRAMA PARTE PRESENCIAL
Luns 5 de setembro
9:30-10:00. Recollida de material.
10:00-10:30. Inauguración: Directora do curso e Director da Biblioteca Novacaixagalicia.
10:30-11:30. Informe sobre docencia e investigación 2011 na LIX a partir dos Informes de Literatura (CRPIH). Eulalia Agrelo e Isabel Mociño (AELG/USC). Presenta: Pilar Bendoiro Mariño (AELG/USC).
11:30-12:00. Pausa.
12:00-13:30. Avós, de Chema Heras Varela e Rosa Osuna. Comentario e conversa con Blanca-Ana Roig (AELG/USC).
16:30-18:30. Editorial Kalandraka e Faktoría K. A modernización do álbum. Carmen Ferreira Boo (AELG/USC).
Presenta: Mar Fernández Vázquez (AELG/USC).
18:30-19:00. Pausa.
19:00-20:30. Encontro con Gémeo Luís e João Pedro Mésseder. Ilustrador e escritor portugueses. Presenta: Sara Reis da Silva (Universidade do Minho).
Martes 6 de setembro
10:00-11:30. Fóra dos programas universitarios, pero tan dentro das aulas: o álbum ilustrado en Infantil, Primaria e Secundaria. Tipos e usos. Alexia Dotras (Universidade de Coimbra). Presenta: Pedro Lucas (Biblioteca Novacaixagalicia).
11:30-12:00. Pausa.
12:00-13:30. Editorial OQO e o álbum. Representante da Editorial. Presenta: Isabel Soto (AELG/USC).
16:30-18:30. Entre texto, imaxe e soporte: elementos de análise dun álbum. Carina Rodrigues (Universidade de Aveiro). Presenta: Beatriz Prado (Biblioteca Novacaixagalicia).
18:30-19:00. Pausa.
19:00-20:30. E ti de quen vés sendo? Taller creativo de tipofotos. José Mª Mesías e Xana Morales (Universidade da Coruña). Presenta: Álvaro Álvarez (Biblioteca Novacaixagalicia).
Mércores 7 de setembro
10:00-12:00. Informes dos investigadores da Rede. Presenta: Blanca-Ana Roig (AELG/USC).
– Biblioteca Virtual Miguel de Cervantes. Ramón Llorens (Universitat d’Alacant).
– Centros e grupos de investigación no ámbito castelán. Jesús Díaz (Universidad de La Laguna).
– Etxepare Euskal Institutua (Etxepare Instituto Vasco). Mari Jose Olaziregi (Euskal Erriko Unibertsitatea e Directora do Instituto).
12:00-12:30. Pausa.
12:30-13:30. Informes dos investigadores da Rede. Presenta: Blanca-Ana Roig (AELG/USC).
– A Casa da Leitura. Ana Margarida Ramos (Universidade de Aveiro).
– Associació Rosa Sensat e Consell català del Llibre Infantil i Juvenil. Caterina Valriu (Universitat de les Illes Balears).
– Asociacións de investigadores en LIX. Veljka Ruzicka Kenfel (Universidade de Vigo).
– Institucións e LIX en Iberoamérica. João Ceccantini (Universidade Estadual Paulista) e Laura Guerrero (Universidad Iberoamericana Ciudad de México).
16:30-18:00. A imaxe do texto. Códigos e observacións. Miguel Calatayud. Presenta: María Jesús Agra (USC).
18:00-18:30. Pausa.
18:30-20:30. Libros para soñar: os contos de Kalandraka. Grupo da Editora.
Xoves 8 de setembro
10:00-11:00. Presentación do libro O álbum infantil. Século XXI. Interveñen: Manuel Bragado, Pedro Lucas Domínguez, Blanca-Ana Roig e Mónica Álvarez.
11:00-13:00. Mateo e Paula Carballeira. Como contar un álbum propio. Presenta: Marta Neira.
13:00-13:30. Clausura e entrega de Certificacións de participación. Reitor ou representante do Reitor, Director do Departamento de Filoloxía, Presidente da AELG, Director da Biblioteca Novacaixagalicia.
Toda a información pode ser consultada aquí.
